ຕາຢ້ານນໍ! ຕວົະສາວໄປທຳພິທີ ແຕ່ຫວັງຂົ່ມຂືນ ສາວໄດ້ຂັດຂືນ ຈຶ່ງເກີດເຫດຄາດຕະກຳສະ!

ຕາຢ້ານນໍ! ຕວົະສາວໄປທຳພິທີ ແຕ່ຫວັງຂົ່ມຂືນ ສາວໄດ້ຂັດຂືນ ຈຶ່ງເກີດເຫດຄາດຕະກຳສະ!

August 31, 2023 Off By FC

ຕວົະນາງສາວວ່າໄປທຳພິທີ ແຕ່ຫວັງຂົ່ມຂືນ ແລະ ນາງສາວໄດ້ຂັດຂືນ ຈຶ່ງເກີດເຫດຄາດຕະກຳຂຶ້ນ‼
ໃນເວລາ 05:00 ນາທີ ຂອງວັນທີ 30/08/2023 ທີ່ຜ່ານມາ, ມີເຫດການຄົນເສຍຊີວິດ(ຄາດຕະກຳ) ດັ່ງນັ້ນ, ທາງເຈົ້າໜ້າທີ່ວິຊາສະເພາະພ້ອມດ້ວຍພາກສ່ວນທີ່ກ່ຽວຂ້ອງໄດ້ສົມທົບກັນລົງສະຖານທີ່ເກີດເຫດຕົວຈິງຈຶ່ງຮູ້ວ່າ:

;

ບ່ອນເກີດເຫດແມ່ນຢູ່ສວນປູກໄມ້ວິກຂອງບໍລິສັດຊັນເປເປີ້ຂອບເຂດ ບ້ານນາແຜກ ເມືອງອາດສະພັງທອງ ແຂວງສະຫວັນນະເຂດ ຊາບຊື່ພາຍຫຼັງຜູ້ເສຍຊີວິດ ຊື່ນາງພາບ ອາຍຸ17ປີ, ອາຊີບເຮັດນາ ບ້ານນາແຜກ ເມືອງອາດສະພັງທອງ ແຂວງສະຫວັນນະເຂດ.
ກັກຕົວຜູ້ກໍ່ເຫດໄດ້ຊື່ທ້າວ ໃສ ອາຍຸ 35ປີ, ອາຊີບເຮັດນາ (ເຂີຍສູ່) ບ້ານເກີດນາພອກ ເມືອງທ່າແຂກ ແຂວງຄຳມ່ວນ ບ້ານຢູ່ປັດຈຸບັນ ບ້ານນາແຜກ ເມືອງອາດສະພັງທອງ ແຂວງສະຫວັນນະເຂດ

.
ຜູ້ກ່ຽວຮັບສະພາບວ່າ: ຕົນຢາກມີເພດສຳພັນກັບ ນາງພາບ (ຜູ້ເສຍຊີວິດ) ຈຶ່ງໃຊ້ເລ່ລ່ຽມກົນອຸບາຍດ້ວຍການໃຊ້ວິທີຕົວະຜູ້ເສຍຊີວິດຄື: ໃນເວລາ 20:00 ນາທີ ຂອງວັນທີ 29/08/2023 ຜູ້ກ່ຽວແມ່ນໄດ້ຍ່າງໄປຫາ ນາງພາບ (ຜູ້ເສຍຊີວິດ) ເພື່ອຈະມາຕົວະວ່າແມ່ບໍ່ສະບາຍຜີປອບເຂົ້າຢູ່ນາແລ້ວໃຫ້ຜູ້ເສຍຊີວິດໄປຊື້ທຽນເພື່ອໄປທຳພິທີເປົ່າໄລ່ຜີປອບ ແລະ ອອກໄປເມືອນາພ້ອມກັບຕົນ, ຫຼັງຈາກນັ້ນຜູ້ເສຍຊີວິດກໍ່ຫຼົງເຊື່ອ ແລ້ວຍ່າງອອກມານານຳຜູ້ກ່ຽວພໍມາຮອດຂອບເຂດສວນປູກໄມ້ວິກຜູ້ກ່ຽວຈຶ່ງໃຊ້ມືກອດແອວນາງພາບ

.

(ຜູ້ເສຍຊີວິດ) ຈຶ່ງແລ່ນປົບ ແລ້ວຜູ້ກ່ຽວຈຶ່ງໄດ້ໄລ່ນຳແລ້ວເກີດມີການຂັດຂືນກັນ ພໍດີຢູ່ບໍລິເວນດັ່ງກ່າວ ແມ່ນມີຄອງນໍ້າແລ້ວຜູ້ກ່ຽວຈຶ່ງໃຊ້ມືຈັບຜົມຍິກຫົວຂອງນາງພາບ (ຜູ້ເສຍຊີວິດ) ລົງຄອງນໍ້າເຮັດໃຫ້ຂາດອາກາດຫາຍໃຈເສຍຊີວິດຄາທີ່. ດັ່ງນັ້ນ, ເຈົ້າໜ້າທີ່ ປກສ ເມືອງອາດສະພັງທອງອອກນິຕິກຳດຳເນີນຕາມຂັ້ນຕອນຂອງກົດໝາຍຕໍ່ໄປ.

Cr.ປກສ ພິສູດຫຼັກຖານແຂວງສະຫວັນນະເຂດ