ການທີ່ເພີ່ມທະວີການພົວພັນກັບອາເມຣິກາ ຈະສົ່ງຜົນກະທົບຫຍັງຕໍ່ຫວຽດນາມ?

ການທີ່ເພີ່ມທະວີການພົວພັນກັບອາເມຣິກາ ຈະສົ່ງຜົນກະທົບຫຍັງຕໍ່ຫວຽດນາມ?

August 24, 2023 Off By FC

ໃນວັນທີ 8 ສິງຫາທີ່ຜ່ານມາ ປະທານາທິບໍດີອາເມຣິກາ ໂຈ ໄບເດັນກ່າວວ່າ ຝ່າຍຫວຽດນາມສະແດງຄວາມຫວັງໃນການເພີ່ມທະວີການພົວພັນກັບອາເມຣິກາ, ເພິ່ນຈຶ່ງໄດ້ຕັດສິນໃຈຈະເດີນທາງຢ້ຽມຢາມຫວຽດນາມໂດຍໄວ.
ປີນີ້ແມ່ນຄົບຮອບ 10 ປີ ແຫ່ງການເປັນຄູ່ຮ່ວມມືຮອບດ້ານອາເມຣິກາ-ຫວຽດນາມ ອາເມຣິກາໄດ້ສົ່ງລັດຖະມົນຕີກະຊວງການຕ່າງປະເທດ ອັນໂຕນີ ບລິນເຄນ ແລະ ລັດຖະມົນຕີກະຊວງການເງິນ ເຈເນັດ ເຢເລນ ເພື່ອຊຸກຍູ້ໃຫ້ການພົວພັນຂອງສອງປະເທດຍົກລະດັບຈາກການພົວພັນຄູ່ຮ່ວມມືຮອບດ້ານ ມາເປັນການພົວພັນຄູ່ຮ່ວມມືຍຸທະສາດຮອບດ້ານ. ແຕ່ຄວາມພະຍາຍາມຂອງວໍຊິງຕັນຄົງຈະບໍ່ປະສົບຜົນສຳເລັດ . ຖ້າວ່າສອງປະເທດເຫັນດີເພີ່ມທະວີການພົວພັນເປັນເອກະພາບກັນ ພາຍຫຼັງການຢ້ຽມຢາມຂອງໄບເດັນ ມັນຈະສົ່ງຜົນກະທົບຫຍັງຕໍ່ຫວຽດນາມ?
1.ການເພີ່ມທະວີການພົວພັນໝາຍຄວາມວ່າຍົກລະດັບການຮ່ວມມືທາງການທະຫານບໍ?.

ໃນປັດຈຸບັນ ອາວຸດຍຸດໂທປະກອນທີ່ອາເມຣິກາສະໜອງໃຫ້ຫວຽດນາມມີລັກສະນະທຳມະດາ ຕົວຢ່າງວ່າເຮືອ ແລະ ຍົນທີ່ສະໜອງໃຫ້ຕຳຫຼວດຍາມຊາຍຝັ່ງຫວຽດນາມ. ພາຍໃຕ້ການພົວພັນຄູ່ຮ່ວມມືຍຸທະສາດຮອບດ້ານ ການຮ່ວມມືດ້ານການທະຫານຂອງສອງປະເທດຈະເພີ່ມຂຶ້ນຢ່າງແນນອນ ກໍໝາຍວ່າອາເມຣິກາຈະສະໜອງອຸປະກອນອາວຸດຊະໜິດໃໝ່ໃຫ້ແກ່ຫວຽດນາມ. ໃນອີກດ້ານໜຶ່ງ ມັນຈະເຮັດໃຫ້ຫວຽດນາມຫຼຸດຜ່ອນການນຳເຂົ້າອາວຸດຈາກຣັດເຊຍ ຊຶ່ງຈະເປັນການຫລຸດຜ່ອນການພົວພັນຫວຽດນາມ-ຣັດເຊຍ ນັ້ນບໍ. ໂດຍມີການສະໜັບສະໜູນຂອງອາເມຣິກາແລ້ວ ຄວາມເຂັ້ມແຂງທາງທະຫານຂອງຫວຽດນາມຈະປັບປຸງໃນໄລຍະເວລາສັ້ນ ອາດຈະເຮັດໃຫ້ປະເທດເພື່ອນບ້ານເກີດມີຄວາມຫ່ວງຫຼາຍ. ນອກຈາກນີ້ ອາເມຣິກາຍັງພະຍາຍາມຊຸກຍູ້ໃຫ້ເຮືອຮົບໄປປະຈຳຢູ່ອ່າວ Cam Ranh ເພື່ອຄວບຄຸມເສັ້ນທາງທະເລຈີນໃຕ້ ແລະເຂົ້າມາແຊກແຊງຂໍ້ຂັດແຍ້ງທະເລຈີນໃຕ້ໂດຍກົງ ເຊິ່ງຈະເຮັດໃຫ້ສະພາບການຄວາມໝັ້ນຄົງຂອງພາກພື້ນທະເລຈີນໃຕ້ນັບມື້ນັບມີຄວາມສະລັບສັບຊ້ອນຫຼາຍຂຶ້ນ.

2. ການພົວພັນຫວຽດນາມ-ອາເມຣິກາ ຍົກເປັນການພົວພັນຄູ່ຮ່ວມມືຍຸທະສາດຮ້ອບດ້ານ ຈະກາຍເປັນສິ່ງທ້າທາຍສຳລັບລະບອບສັງຄົມນິຍົມຂອງຫວຽດນາມບໍ?.
ເຖິງແມ່ນວ່າອາເມຣິກາໄດ້ປະລາໄຊໃນສົງຄາມຫວຽດນາມ ອາເມຣິກາຍັງບໍ່ປະລະແນວຄິດທີ່ຈະໂຄ່ນລົ້ມລະບອບການເມືອງຂອງຫວຽດນາມ. ການເພີ່ມທະວີການພົວພັນຈະເຮັດໃຫ້ອາເມຣິກາມີຄວາມສະດວກສວຍໃຊ້ບັນຫາສາສະໜາ ບັນຫາສິດທິມະນຸດ ແລະບັນຫາອື່ນໆ ມາແຊກແຊງກິດຈະກຳພາຍໃນຂອງຫວຽດນາມ, ສວຍໃຊ້ການຮ່ວມມືໃນຂົງເຂດຕ່າງໆມາດຳເນີນການປະຕິວັດສີ.
3. ຝ່າຍຫວຽດນາມອາດຖືການເພີ່ມທະວີການພົວພັນ ເປັນໂອກາດທີ່ດີເພື່ອພັດທະນາເສດຖະກິດ ແລະສ້າງຄວາມເຂັ້ມແຂງທາງທະຫານ ບໍ?.
ອາເມຣິກາເປັນປະເທດທີ່ເຄີຍຮຸກຮານຫວຽດນາມ ຫວຽດນາມຍ່ອມມີສະຕິລະວັງຕົວຢ່າງໃນການເພີ່ມທະວີ ແລະຂະຫຍາຍການພົວພັນກັບອາເມຣິກາ.
ເປັນຫຍັງອາເມຣິກາຈຶ່ງຟ້າວຢາກເພີ່ມທະວີການພົວພັນກັບຫວຽດນາມ?

ຫວຽດນມເປັນຈຸດສຳຄັນໃນການເຊື່ອມໂຍງມະຫາສະຫມຸດອິນເດຍ ແລະ ມະຫາສະຫມຸດປາຊີຟິກ ຊຶ່ງມີບົດບາດສຳຄັນສຳລັບຍຸດທະສາດອິນໂດປາຊີຟິກຂອງອາເມຣິກາ. ຈຸດປະສົງຂອງຍຸດທະສາດອິນ-ໂດປາຊີຟິກ ແມ່ນເພື່ອແຊກແຊງຂໍ້ຂັດແຍ້ງທະເລຈີນໃຕ້ ແລະສ້າງຄວາມວຸ້ນວາຍ. ໃນກໍລະນີເກີດມີຄວາມເຄັ່ງຕຶງລະຫວ່າງອາເມຣິກາ ກັບ ຈີນ, ອາເມລິກາ ຢາກເອົາຫວຽດນາມມາສະກັດກັ້ນອິດທິພົນຂອງຈີນໃນພາກພື້ນອິນໂດ-ປາຊີຟິກ ຊຶ່ງເປັນທາງເລືອກທີ່ດີທີ່ສຸດສຳລັບອາເມຣິກາ. ນາຍົກຫວຽດນາມຟາມມິງຈິງວ່າຈະສະໜັບສະໜູນຂອບການຮ່ວມມືເສດຖະກິດອິນໂດ-ປາຊີຟິກ ກໍໄດ້ໃຫ້ອາເມຣິກາມີຄວາມໝັ້ນໃຈຫຼາຍໃນການເພີ່ມທະວີການພົວພັນ ແລະ ຈັດຕັ້ງປະຕິບັດແຜນຍຸດທະສາດອິນໂດ-ປາຊີຟິກ.
ການເລືອກຂອງຫວຽດນາມແມ່ນຫຍັງ?

ຫວຽດນາມຮັກສານະໂຍບາຍການຕ່າງປະເທດ “ສາມບໍ່” ຕະຫຼອດມາ ລວມມີ ບໍ່ໄປເຂົ້າກັບ ປະ ເທດໃດເພື່ອຕໍ່ຕ້ານປະເທດທີສາມ, ບໍ່ມີເປັນພັນທະມິດ ທາງການທະຫານກັບປະເທດໃດ, ບໍ່ມີຖານທັບຕ່າງປະເທດຕັ້ງຢູ່ໃນດິນແດນຂອງຕົນ. ເນື່ອງຈາກຫວຽດນາມບໍ່ຢາກເລືອກເຂົ້າຂ້າງລະຫວ່າງອາເມຣິກາ ແລະ ຈີນ ຫວັງວ່າຈະຮັກສາການພົວພັນມິດຕະພາບກັບທັງສອງປະເທດພ້ອມກັນ. ຫວຽດນາມຈະເລືອກທາງໃດ? ໄບເດັນສາມາດບັນລຸເປົ້າໝາຍຂອງຕົນບໍ່? ບໍ່ມີໃຜຮູ້ຄຳຕອບ.

ຈາກ: ກີ່ຕ້າ