ວິທີເຮັດໝູກອບ ງ່າຍໆ ປະຢັດເວລາ

ວິທີເຮັດໝູກອບ ງ່າຍໆ ປະຢັດເວລາ

June 14, 2023 Off By FC

ວິທີເຮັດໝູກອບ ໂດຍໃຊ້ໝໍທອດບໍ່ມີນໍ້າມັນ
ບໍ່ຕ້ອງຕົ້ມໝູ, ບໍ່ຕ້ອງຕາກແດດ, ບໍ່ຕ້ອງຈິ້ມໜັງໃຫ້ໝື່ອຍ

1 ນໍາໝູມາຮັ່ນຕາມພາບ ເປັນກ້ອນໆ ສ່ວນໜັງ ແຕ່ບໍ່ໃຫ້ຊີ້ນຂາດອອກ

2 ນໍາສ່ວນໜັງ ແຊນໍ້າສົ້ມສາຍຊູ ປະໄວ້ປະມານ 15 ນາທີ (ນໍ້າສົ້ມຕ້ອງຖ້ວມໆໜັງໝູເດີ້)

3 ເມື່ອຄົບ 15 ນາທີ ໃຫ້ນໍາມາຊັບໃຫ້ໝູແຫ້ງ

4 ທາເກືອໃສ່ທີ່ໜັງມູ ໃຫ້ທົ່ວ ແລ້ວ ພິກກັບດ້ານ ລູບໆ ນວດໆ ໃຫ້ເກືອຖືກສ່ວນເນື້ອເລັກນ້ອຍ ໝູຈະໄດ້ບໍ່ຈືດ ຈາກນັ້ນໃຫ້ພັກໄວ້ 15 ນາທີ (ເກືອທີ່ໃສ່ແມ່ນກະເອົາໃຫ້ພໍດີບໍ່ຄວນໃສ່ຫຼາຍໄປ ດຽວເຄັມ)

5 ຄົບ 15 ນາທີ ໃຫ້ນໍ້າເອົາໝູໄປໃສ່ໝໍໄຣ້ນໍ້າມັນເລີຍ ເອົາສ່ວນທີ່ເປັນເນື້ອລົງ ຕັ້ງຄວາມຮ້ອນ 80 ອົງສາ ເວລາ 60 ນາທີ

6 ເມື່ອຄົບ 60 ນາທີ ກໍພິກດ້ານຊີ້ນຂຶ້ນ ເພີ່ມຄວາມຮ້ອນເປັນ 200 ອົງສາ ແລະ ທອດຕໍ່ອີກ 15 ນາທີ

7 ຄົບ 15 ນາທີກໍພິກສ່ວນໜັງກັບຄືນມາ ໃຊ້ຄວາມຮ້ອນ 200 ອົງສາ ແລະ ທອດໄປອີກ 15 ນາທີ

ຈາກນັ້ນກໍຖືວ່າສໍາເລັດ ແລະ ເຮົາກໍຈະໄດ້ ມູກອບທີ່ຟູແຮງ ນໍາໄປຮັບປະທານ ແລະ ປຸງແຕ່ງເມນູຕ່າງໆໄດ້ເລີຍ

ຈາກ: Pichamon Viewky Kritsiripibon