ລອງກັນຫຼືຍັງ ປັດຈຸບັນສາມາດຊື້ປີ້ລົດໄຟ ຜ່ານ BCEL ໄດ້ແລ້ວ ຕາມນີ້ເລີຍ (ມີຄຣິບ)
June 2, 2023ວິທີຊື້ປີ້ລົດໄຟຊຳລະດ້ວຍ BCEL One
ຂ່າວດີ! ທ່ານສາມາດຊື້ປີ້ລົດໄຟໃນ LCR TICKET ຊຳລະເປັນເງິນກີບດ້ວຍ BCEL ONE ໄດ້ແລ້ວ!
ໃນວັນທີ 31 ພຶດສະພາ ເປັນຕົ້ນໄປ ທ່ານສາມາດຊື້ປີ້ໃນ LCR TICKET APP ຜ່ານ Onepay ໄດ້ແລ້ວ, ໂດຍບໍລິສັດທາງລົດໄຟ ລາວ-ຈີນ ຈໍາກັດໄດ້ຮ່ວມມືກັບທະນາຄານການຄ້າຕ່າງປະເທດລາວ ມະຫາຊົນ ເພີ່ມຊ່ອງທາງການຊຳລະເງິນດ້ວຍ BCEL One ເຂົ້າໃນ LCR TICKET APP ເພື່ອໃຫ້ປະຊາຊົນມີວິທີການຊໍາລະທີ່ຫຼາກຫຼາຍ ແລະ ສະດວກສະບາຍຂຶ້ນ, ນີ້ກໍເປັນມາດຕະການໜຶ່ງໃນການສືບຕໍ່ປັບປຸງຂອດການບໍລິການຂົນສົ່ງຜູ້ໂດຍສານຂອງທາງລົດໄຟລາວ-ຈີນໃຫ້ດີທີ່ສຸດ.
.
ນອກຈາກນີ້ທ່ານຍັງສາມາດຊື້ປີ້ໃນ LCR TICKET APP ໂດຍຜ່ານການຊໍາລະດ້ວຍ Visa, UnionPay, WeChat ແລະ Alipay, ເພື່ອໃຫ້ແກ່ປະຊາຊົນສາມາດຊື້ປີ້ໄດ້ຢ່າງສະດວກ ແລະ ວ່ອງໄວຫຼາຍຂຶ້ນ, ບໍລິສັດທາງລົດໄຟລາວ-ຈີນໄດ້ຮັບຟັງຄຳຄິດເຫັນຈາກມາຫາຊົນສ່ວນຫຼາຍ ປະສານສົມທົບຮ່ວມມືກັບບໍລິສັດຜູ້ຜະລິດ APP ຂອງທາງລົດໄຟເພີ່ມການຊຳລະດ້ວຍ BCEL One, ປັບປຸງລະບົບການຂາຍປີ້ໃຫ້ມີຄວາມສົມບູນ, ວ່ອງໄວ ແລະ ສະດວກກວ່າ, ນອກນີ້ຍັງບໍ່ຄິດຄ່າບໍລິການໃດໆໃນການຊຳລະດ້ວຍລະບົບດັ່ງກ່າວ, ເຊິ່ງປະຈຸບັນ, ຜູ້ໂດຍສານສາມາດຊຳລະປີ້ຜ່ານວິທີການຊຳລະເງິນຄື: WeChat, Alipay, Visa, BCEL One ແລະ UnionPay.
