ກຸ່ມອາສາດ້ວຍໃຈ ຮັກຄວາມສະອາດ ແລະ ບັນດາອາສາສະມັກອື່ນໆ ອານາໄມເກັບຂີ້ເຫຍື້ອ

ກຸ່ມອາສາດ້ວຍໃຈ ຮັກຄວາມສະອາດ ແລະ ບັນດາອາສາສະມັກອື່ນໆ ອານາໄມເກັບຂີ້ເຫຍື້ອ

9th December 2019 0 By Admin

ທ່ານຄິດວ່າ ຄວນມີວິທີຈັດການຂີ້ເຫຍື້ອເຂດແຄມຂອງສວນເຈົ້າອານຸວົງແນວໃດ ເພື່ອບໍ່ໃຫ້ມີການຖີ້ມຊະຊາຍ!

ກ່ອນອື່ນຕ້ອງຂໍຊົມເຊີຍ ກຸ່ມອາສາດ້ວຍໃຈ ຮັກຄວາມສະອາດ ຊ່ວຍກັນອະນາໄມເກັບຂີ້ເຫຍື້ອ ໃນຕອນແລງຂອງວັນທີ 7 ທັນວາ 2019 ຜ່ານມາ ທີ່ແຄມຂອງແຕ່ 3 ແຍກປາກປາສັກ ຫາ 3 ແຍກສວນເຈົ້າອານຸວົງຕອນລຸ່ມ (ແຖວແມ່ຄ້າຂາຍຜັກ),

ສະມາຊິກຂອງກຸ່ມອາສາດ້ວຍໃຈ ຮັກຄວາມສະອາດ ແລະ ບັນດາອາສາສະມັກອື່ນໆ ໄດ້ຮ່ວມແຮງຮ່ວມໃຈກັນເຮັດອານາໄມເກັບຂີ້ເຫຍື້ອຢູ່ບໍລິເວນດັ່ງກ່າວຈົນສະອາດງາມຕາ, ຢູ່ຈຸດ 3 ແຍກສວນເຈົ້າອານຸວົງຕອນລຸ່ມພົບເຫັນຂີ້ເຫຍື້ອຈໍານວນຫລາຍເປັນກອງໃຫຍ່ ກາຍເປັນເປົ້າໝາຍບ່ອນຖິ້ມຂີ້ເຫຍື້ອຂອງຜູ້ຄ້າ-ຂາຍ ແລະ ມວນຊົນຈໍານວນໜຶ່ງ.

ຈຶ່ງຮຽກຮ້ອງໃຫ້ຂະແໜງ ຫລື ພາກສ່ວນທີ່ກ່ຽວຂ້ອງ ລົງກວດກາ ແລະ ມີມາດຕະການແກ້ໄຂໄວດ້ວຍ ຖ້າປະປ່ອຍເປັນເຊັ່ນນັ້ນ ກໍ່ຈະເຮັດໃຫ້ ສ ສະອາດຫາຍໄປ ສ ສະເໜ່ ແລະ ສ ສີວິໄລກໍ່ຫາຍໄປນໍາ ແຫລ່ງທ່ອງທ່ຽວ ແລະ ໃບໜ້າຂອງນະຄອນຫລວງກໍ່ຈະເສົ້າໝອງລົງ.

.

Cr: ກຸ່ມອາສາດ້ວຍໃຈ ຮັກຄວາມສະອາດ