ດັບອະນາຄົດ! ສາວລາວໄວ 17 ຖືກເຈົ້າໜ້າທີ່ໄທກັກຕົວ ຖານລັບລອບຝິ່ນດິບຂ້າມປະເທດ

ດັບອະນາຄົດ! ສາວລາວໄວ 17 ຖືກເຈົ້າໜ້າທີ່ໄທກັກຕົວ ຖານລັບລອບຝິ່ນດິບຂ້າມປະເທດ

9th December 2019 0 By Admin

ອີງຕາມແຫຼ່ງຂ່າວຈາກສື່ໄທ ລາຍງານ ໃນເມື່ອວັນທີ 4 ທັນວາ 2019 ເວລາ 08:30 ນາທີ.ນາຍ ກຣີສດາ ໄຊຍາ ປາລັດອຳເພີຫົວຫນ້າກຸ່ມງານບໍລິຫານງານປົກຄອງ (ຮັກສາລາດຊະການແທນນາຍອຳເພີວຽງແກ່ນ) ມອບຫມາຍໃຫ້ ນາຍ ວິຊາຍ ກາວີ ປາລັດອຳເພີຝ່າຢຄວາມໝັ້ນຄົງ ນຳກຳລັງສະມາຊິກ ອສ. ກອງຮ້ອຍ ອສ. ອ.ວຽງແກ່ນ ທີ່ 14 ສົນທິກຳລັງຮ່ວມກັບ ເຈົ້າຫນ້າທີ່ຕຳຫຼວດ ສພ.ວຽງແກ່ນ, ເຈົ້າຫນ້າທີ່ທະຫານພານກອງຮ້ອຍທະຫານພານທີ່ 3106, ເຈົ້າຫນ້າທີ່ຕຳຫຼວດຕະເວນຊາຍແດນກອງຮ້ອຍ ຕຊດ.ທີ່ 326, ເຈົ້າຫນ້າທີ່ຕຳຫຼວດນ້ຳ ສະຖານີຕຳຫຼວດນ້ຳ ອ.ວຽງແກ່ນ.

ເຈົ້າຫນ້າທີ່ໜ່ວຍເຮືອຮັກສາຄວາມສະຫງົບຕາມແມ່ນ້ຳຂອງ ອ.ຊຽງຂອງ, ເຈົ້າຫນ້າທີ່ດ່ານກວດຄົນເຂົ້າເມືອງ ໄດ້ຮ່ວມກັນຕັ້ງຈຸດກວດກາການຮັກສາຄວາມສະຫງົບ ບໍລິເວນຈຸດຜ່ອນຊາຍແດນບ້ານແຈມປ໋ອງ ຕຳບົນຫລ່າຍງາວ ອຳເພີວຽງແກ່ນ ຈັງຫວັດຊຽງຣາຍ.

ໄດ້ກວດຄົ້ນນາງ ເຊັງ ແຊ່ລີ ອາຢຸ 17 ປີ ບ້ານຫ້ວຍຫນໍ່ຂົມ ປະຊາຊົນລາວ ກວດພົບຢາເສບຕິດປະເພດທີ່ 2 (ຝິ່ນດິບ) ນ້ຳຫນັກປະມານ 500 ກຣັມ ຊຸກເຊື່ອງມາໃນກະເປົາເປ້ ແລະ ພົບເງິນສົດ 19,000 ບາດ ແລະ ໂທລະສັບມືຖື ຈຳນວນ 1 ເຄື່ອງໃນກະເປົາພາຍ ຄະນະເຈົ້າຫນ້າທີ່ໄດ້ນຳໂຕຜູ້ຕ້ອງຫາ ພ້ອມຂອງກາງທັ້ງໝົດສົ່ງ ໃຫ້ພະນັກງານສອບສວນ ສພ.ວຽງແກ່ນ ເພື່ອດຳເນິນຄະດີຕາມກົດຫມາຍ.