ສາລະພັດປະໂຫຍດຈາກຜັກຫອມລາບ ມີດີກວ່າທີ່ຄິດ

ສາລະພັດປະໂຫຍດຈາກຜັກຫອມລາບ ມີດີກວ່າທີ່ຄິດ

7th December 2019 0 By Admin

ຜັກຫອມລາບ ຫຼື ບາງທ້ອງຖິ່ນເອີ້ນວ່າຜັກຫອມຫໍ້  ຫຼື ສາລະແນ່ ອຸດົມໄປດ້ວຍແຮ່ທາດ ແລະ ວິຕາມິນຫຼາຍຊະນິດທີ່ເປັນປະໂຫຍດຕໍ່ຮ່າງກາຍ, ຄົນສ່ວນໃຫຍ່ນິຍົມເອົາມາຮັບປະທານເປັນຜັກກັບແກ້ມກັບອາຫານໄດ້ຫຼາກຫຼາຍປະເພດເຊັ່ນ: ລາບ, ກ້ອຍ ແລະ ອື່ນໆ. ນອກນັ້ນ, ຜັກຫອມລາບ ຫຼື ຫອມຫໍ້ ຍັງຖືກນຳມາເປັນສ່ວນປະສົມຂອງຜະລິດຕະພັນຈຳພວກຮັກສາຂະພາບຊ່ອງປາກເຊັ່ນ: ຢາສີແຂ້ວ, ນໍ້າຢາປ້ວນປາກ ແລະ ອື່ນໆ.


ດັ່ງນັ້ນ, ຖ້າຢາກໄດ້ປະໂຫຍດຢ່າງເຕັມທີ່ຈາກຜັກຊະນິດນີ້ ແມ່ນໃຫ້ເອົາໃບສົດໆມາໃຊ້ຈະໃຫ້ປະໂຫຍດ ແລະ ປະສິດທິພາບຫຼາຍກວ່າຜ່ານຄວາມຮ້ອນມາກ່ອນຈະນຳໃຊ້.


ສັບພະຄຸນຂອງຜັກຫອມລາບ ຫຼື ຜັກຫອມຫໍ້ ແມ່ນຊ່ວຍຕໍ່ຕ້ານສານອະນຸມູນອິສະຫຼະຊະນິດທີ່ບໍ່ດີ ເຊິ່ງເປັນສາເຫດຂອງການເກີດໂຣກມະເຮັງ, ຊ່ວຍເຮັດໃຫ້ຜິວພັນຊຸ່ມຊື່ນ, ຊ່ວຍບໍາລຸງສາຍຕາ ແລະ ຊ່ວຍຫຼຸດອາການຕຶງຄຽດ ເຮັດໃຫ້ຮູ້ສຶກຜ່ອນຄາຍ, ຊ່ວຍຂັບເຫື່ອ ແລະ ຊ່ວຍດັບພິດຮ້ອນໄດ້ ເນື່ອງຈາກມີລິດເປັນຢາເຢັນ.


ຊ່ວຍເຮັດໃຫ້ສະໝອງປອດໂປ່ງ, ບັນເທົາອາການເຈັບຫົວ ຫຼື ໄມເກນ, ປິ່ນປົວອາການວິງວຽນໜ້າມືດຕາລາຍ, ບັນເທົາອາການໄອ, ໃຊ້ຮັກປິ່ນປົວພະຍາດຫອບຫືດ ແລະ ຫຼອດລົມອັກເສບ, ຊ່ວຍປິ່ນປົວອາການເຈັບແຂ້ວ ແລະ ຊ່ວຍດັບກິ່ນປາກ ເຮັດໃຫ້ມີກິ່ນຫອມສົດຊື່ນ, ຊ່ວຍປິ່ນປົວອາການເຈັບຫູຮັກສາແຜໃນຊ່ອງປາກ, ຊ່ວຍເຮັດໃຫ້ເລືອດດັງຢຸດໄຫຼ, ໄລ່ຍຸງ ຫຼື ແມງໄມ້ຊະນິດຕ່າງໆ.


ຊ່ວຍປິ່ນປົວອາການເຈັບທ້ອງ, ທ້ອງບິດ, ທ້ອງອືດ, ຊ່ວຍຂັບລົມໃນລໍາໄສ້, ຊ່ວຍຍ່ອຍອາຫານໄດ້ດີຂຶ້ນ ແລະ ປິ່ນປົວການຖ່າຍເປັນເລືອດ ລວມທັງປິ່ນປົວໂຣກໄທລອຍໄດ້ນຳອີກ. ນອກນັ້ນ, ຍັງຊ່ວຍບັນເທົາພິດຂອງແມງຊະນິດຕ່າງໆ ແລະ ຊ່ວຍຢັບຢັ້ງການກໍ່ຕົວຂອງເຊື້ອພະຍາດອີກດ້ວຍ.
ສຳລັບການນຳເອົາຜັກຫອມລາບ ຫຼື ຜັກຫອມຫໍ້ ມາປິ່ນປົວອາການເຈັບຫົວ ຫຼື ໄມເກນ ແມ່ນໃຫ້ນໍາໃບຫອມປະມານ 5 ກຣາມ ປະສົມກັບນໍ້າປະມານ 1 ຖ້ວຍ ແລ້ວຄັ້ນເອົາແຕ່ນໍ້າ ປະສົມເກືອເລັກນ້ອຍ ເພື່ອເພີ່ມລົດຊາດໃຫ້ໜ້າຮັບປະທານຍິ່ງຂຶ້ນ ຮັບປະທານມື້ລະ 2 ຄັ້ງ.


ຊ່ວຍເຮັດໃຫ້ເລືອດດັງຢຸດໄຫຼ ເຊິ່ງວິທີນີ້ແມ່ນ ເອົາໃບຫອມຫໍ້ມາຄັ້ນເອົາແຕ່ນໍ້າ ຈາກນັ້ນເອົາສຳລີມາຈຸ່ມ ແລ້ວນຳໄປຢອດລົງໃສ່ຮູດັງ ບ່ອນທີ່ມີເລືອດໄລອອກ ຈະຊ່ວຍເຮັດໃຫ້ເລືອດຢຸດໄຫຼອອກມາ.