ນັກ​ວິທະຍາ​ສາດເຜີຍ ຄວາມ​ຈຳ​ເສື່ອມ! ອາດ​ເກີດ​ຈາກ​ການ​ເບິ່ງ​ໜັງ​ໂປ້ ແມ່ນ​ແທ້​ບໍ່ ໃຜ​ມັກ​ເບິ່ງ ?

ນັກ​ວິທະຍາ​ສາດເຜີຍ ຄວາມ​ຈຳ​ເສື່ອມ! ອາດ​ເກີດ​ຈາກ​ການ​ເບິ່ງ​ໜັງ​ໂປ້ ແມ່ນ​ແທ້​ບໍ່ ໃຜ​ມັກ​ເບິ່ງ ?

16th September 2020 0 By Admin

ສຳ​ນັກ​ຂ່າວ​ຕ່າງ​ປະເທດ​ລາຍ​ງານ​ວ່າ​ ນັກ​ວິທະຍາ​ສາດ​ຂອງ​ປະເທດ​ເຢຍລະ​ມັນໄດ້​ສຶກ​ສາຮູ້ວ່າ​ ບຸກ​ຄົນ​ທີ່​ມັກ​ເບິ່ງ​ໜັງ​ໂປ້​ທາງອອນລາຍ ຫຼື ​ທາງ​ອິນເຕີເນັດ​ ມີຄວາມສ່ຽງ​ທີ່ຈະມີ​ຄວາມ​​ຈຳສັ້ນ​ ແລະ ​ອາດ​ສົ່ງ​ຜົນ​ກະທົບ​ຫຼາຍດ້ານໃນ​ຊີວິດ.​

​ກຸ່ມ​ນັກ​ວິທະຍາ​ສາດ​ແຫ່ງ​ມະຫາ​ວິທະຍາ​ໄລ ​”ດຸຍ​ສະບ​ວກ​ສ໌​” ຂອງ​ເຢຍລະ​ມັນ​ ໄດ້​​ສຶກ​ສາ​ສ່ວນ​ຂອງ​ສະໝອງທີ່​ຮັບ​ຜິດຊອບ​ຕໍ່ບົດບາດ​ການ​ເກັບ​ຂໍ້​ມູນ​ໃນ​ຈິດ​ໃຈ ​ແລະ ​ຕ້ອງ​ໃຊ້​ຂໍ້​ມູນ​ດັ່ງ​ກ່າວ​ເພື່ອບັນ​ລຸ​ພາລະ​ກິດ​ຕ່າງ​ໆ​ ທີ່​ສຳຄັນ​ຕໍ່​ຄວາມ​ເຂົ້າໃຈ​, ການ​ໃຊ້​ຊີວິດ,​ ການ​ແກ້​ບັນຫາ​ ແລະ ​ການ​ຕັດ​ສິນໃຈ,​ ນັກ​ວິໄຈ​ໄດ້ດຳເນີນການ​ສຶກ​ສາຜູ້ຊາຍ 28 ຄົນ ໂດຍ​ໃຫ້​ເບິ່ງ​ຮູບພາບ​ຕ່າງ​ໆ​​ລະຫວ່າງ ​ຮູບ​ໂປ້ເປືອຍ ​ແລະ ​ຮູບ​ບໍ່​ໂປ້​ໃນໄລຍະ​ເວລາ​ຕ່າງ​ໆ.​ ພົບ​ວ່າ​ພວກເຂົາ​ຈະ​ເກີດ​ຄວາມ​ສັບ​ສົນ​ວ່າ​ ເຄີຍ​ເບິ່ງຮູບ​ໂປ້​ດັ່ງກ່າວ​ຕອນໃດ ຜິດ​ຈາກ​ພາບ​ປົກກະຕິ​ທຳມະດາ​ ທີ່​ພວກ​ເຂົາ​ຈະ​ສາມາດ​ຈື່ໄດ້​. ຄົນທີ່​ເບິ່ງ​ຮູບປົກກະຕິ​ ຈະ​ຕອບ​ຄຳ​ຖາມ​ໄດ້​ຖືກ​ເຖິງ​ 80% ທຽບ​ກັບ​ຜູ້​ທີ່​ເບິ່ງຮູບ​​ໂປ້​ຈະ​ຕອບ​ຖືກ​ໄດ້​ພຽງ​​ 67%.

ດ້ານ​ຜູ້​ເຮັດການ​ວິ​ໄຈເປີດ​ເຜີຍ​ວ່າ​ ການສຶກສາ​ຈະ​ເຮັດໃຫ້​ນັກ​ຈິດ​ວິທະຍາ​ເຂົ້າໃຈ​ວ່າ​ເຫດ​ໃດ​ບາງ​ຄົນທີ່​ຕິດ​ເບິ່ງຮູບ​ໂປ້​ ຈົນ​ລືມ​ນອນ​ ມັກຈະພາດການ​ນັດ​ໝາຍ,​ ຄວາມ​ຮັບ​ຜິດຊອບ​ຕໍ່​ວຽກງານ​ຕ່ຳ​ ແລະ​ ມີບັນຫາດ້ານຄວາມສຳພັນ​. ຂະນະ​ທີ່​ການສຶກສາ​ກ່ອນ​ໜ້າ​ນີ້ບ​ອກວ່າ​ ການ​ຕື່ນ​ຕົວ​ທາງ​ເພດ​ຈະ​ຂັດ​ຂວາງ​ລະບົບ​ການ​ເຮັດ​ວຽກງານ​ຂອງ​ຄວາມ​ຈຳ​ ຊຶ່ງ​ເປັນ​ປັດ​ໄຈ​ສຳຄັນ​ຂອງ​ການ​ເຮັດ​ວຽກງານ​ຕ່າງ​ໆ​ທີ່​ສຳຄັນ​. ແຕ່​ເນື່ອງ​ຈາກ​ການສຶກສາ​ນີ້​ກະທຳ​ຕໍ່​ສະເພາະຜູ້ຊາຍ ຈຶ່ງບໍ່​ສາມາດ​ຕອບ​ໄດ້​ວ່າ​ ມັນ​ມີ​ຜົນ​ກະທົບ​ລວມທັງ​ຜູ້ຍິງ ​ຫຼື ​ບໍ່.

ການສຶກສາດັ່ງກ່າວນີ້ຖືກຕີພິມໃນວາລະສານ Journal of Sex Research ໃນເດືອນພະຈິກປີ 2012.

ຈາກ: muan.sanook.com