ໄປບໍປີນີ້! ຮ່ວມສູດມົນຂ້າມປີ ທີ່ວັດທາດຫຼວງເໜືອ ຕ້ອນຮັບປີໃໝ່

ໄປບໍປີນີ້! ຮ່ວມສູດມົນຂ້າມປີ ທີ່ວັດທາດຫຼວງເໜືອ ຕ້ອນຮັບປີໃໝ່

6th December 2019 0 By Admin

ຖືວ່າເປັນອີກກິດຈະກຳຂຶ້ນ ທີ່ຈັດຂຶ້ນປະຈຳທຸກປີ ເພື່ອເອົາໃຈສາຍບຸນທັງຫຼາຍ  ທີ່ມີຈິດໃຈເຫຼື້ອມໃສໃນພະພຸດທະສາສະໜາ ມາຮ່ວ*ມເຮັດກິດຈະກຳທຳຄວາມດີ, ໄຫວ້ພະສູດມົນ ເພື່ອຄວາມເປັນສິລຸມຸງຄຸນຕໍ່ຕົນເອງ ແລະ ຄອບຄົວ ເພື່ອຕ້ອນຮັບວັນປີໃໝ່, ເຊິ້ງປີນີ້ ກໍ່ເຊັ່ນດຽວກັນ ຂໍເຊີນຊວນ ພຸດທະສານິກະຊົນ ຮ່ວມງານບຸນສູດມົນຕ້ອນຮັບປີໃໝ່ສາກົນ 2020 ປີພຣະພຸດທະສັງກາດ 2563  ທີ່ຫໍທັມມະສະພາ ແລະເດີ່ນພຣະທາດຫລວງ ວັດພຣະທາດຫລວງເໜືອ ນະຄອນຫລວງວຽງຈັນ.

*

ເຊິ່ງງານດັ່ງກ່າວ ຈະໄດ້ຈັດຂຶ້ນໃນ ວັນອັງຄານ ວັນທີ31 ທັນວາ 2019. ເວລາ 06:30 ນາທີ ເປັນຕົ້ນໄປຮ່ວມໂມທະນາບຸນຖວາຍຈະຕຸປັດໄຈ໌ໄທຍະທານ. ເວລາ 17:30 ນາທີ ເຕົ້າໂຮມພຣະສົງສາມະເນນ ອອກຕົນຍາດໂຍມທັງຫລາຍ ທີ່ເດີ່ນຫໍທັມມະສະພາ ແລະເດີ່ນພຣະທາດຫລວງ.

ເວລາ 19:30 ນາທີ ເຂົ້າສູ່ພິທີໄຫວ້ພຣະຮັບສິນ ສູດປະຣິຕະມຸງຄຸນ ຟັງພຣະທັມມະເທສະນາ.

ສ່ວນວັນພຸດ ວັນທີ1 ມັງກອນ 2020 ພິທີຕັກບາດ ແລະຖວາຍສັງຄະທານແດ່ພຣະສົງໜູ່ໃຫຍ່. ເວລາ 7:30 ນາທີ ເຂົ້າສູ່ພິທີໄຫວ້ພຣະຮັບສິນ ຕັກບາດຖວາຍສັງຄະທານ ຄາຣະວະ ຮັບພອນ ຢາດນ້ຳ ເປັນອັນຈົບພິທີ.