ຍັງບໍ່ຮູ້ສາເຫດຊັດເຈນ! ເຫດໄຟໄໝ້ຕູບຮ້ານອາຫານ ເມືອງສັງທອງ

ຍັງບໍ່ຮູ້ສາເຫດຊັດເຈນ! ເຫດໄຟໄໝ້ຕູບຮ້ານອາຫານ ເມືອງສັງທອງ

5th December 2019 0 By Admin

ເຈົ້າໜ້າທີ່ເມືອງສັງທອງ ລາຍງານໃນຕອນເຊົ້າຂອງ 04 ພະຈິກ 2019 ວ່າ ສາເຫດໄຟໄໝ້ຕູບແຄມຂອງຢູ່ບ້ານສຳພັນນາ, ເມືອງສັງທອງ ນະຄອນຫຼວງວຽງຈັນ ນັ້ນຍັງບໍ່ສາມາດສະຫຼຸບສາເຫດໄດ້ວ່າເກີດຂຶ້ນມາຈາກໃສ ເພາະເຈົ້າໜ້າທີ່ທີ່ກ່ຽວຂ້ອງພ້ອມທັງກຳລັງ ປ້ອງກັນຄວາມສະຫງົບກຳລັງດຳເນີນການສືບສວນສອບສວນ.

*

ຕາມການລາຍງານເບື້ອງຕົ້ນຂອງເຫດການດັ່ງກ່າວໃຫ້ຮູ້ວ່າ ເຫດໄຟໄໝ້ນັ້ນເກີດຂຶ້ນເວລາປະມານ 11 ໂມງຂອງມື້ວານນີ້ ທີ່ຮ້ານຂາຍເຄື່ອງເຂດກັນເຈື່ອນຄ້ອຍແລນມາແຕ່ບ້ານສຳພັນນາ. ພຽງແຕ່ 30 ນາທີ ເທົ່ານັ້ນໄຟໄດ້ທຳລາຍຕູບນັ່ງຫຼິ້ນຢູ່ແຄມຂອງນັ້ນຖືກໄຟໄໝ້ທັງໝົດ 47 ຕູບ ແລະ ຕູບເຮັດຂອງກິນອີກ 8 ຕູບ.

ພາຍຫຼັງເຫດການດັ່ງກ່າວເຈົ້າໜ້າທີ່ເມືອງ ສັງທອງໄດ້ຕັ້ງໜ່ວຍສະເພາະກິດໂດຍມີການສົມທົບກັນກັບພາກສ່ວນທີ່ກ່ຽວຂ້ອງ ແລະ ເຈົ້າໜ້າທີ່ປກສ-ປກຊ ລົງກຳເກັບຂໍ້ມູນ, ກວດກາສະຖານທີ່ເກີດເຫດ ແລະ ດຳເນີນການສືບສວນສອບສວນຈົນມາເຖິງປະຈຸບັນກໍ່ຍັງບໍ່ສາມາດລາຍງານສາເຫດ ແລະ ມູນຄາເສຍຫາຍທັງໝົດໄດ້.


ຂ່າວວຽງຈັນທາຍ