ປີ 2038 ຈີນຈະມີເຮືອບິນຂົນສົ່ງສິນຄ້າກວ່າ 700 ລຳ

ປີ 2038 ຈີນຈະມີເຮືອບິນຂົນສົ່ງສິນຄ້າກວ່າ 700 ລຳ

5th December 2019 0 By Admin

ຕາມ​ຂ່າວ​ຊິນ​ຮວາ.ວັນ​ທີ 4ທັນວາ​ນີ້, ບໍລິສັດ​ ອຸດສາຫະກຳ​ ການບິນ​ແຫ່ງ ​ປະ​ເທດຈີນ(AVIC) ລະບຸ​ວ່າ: ຈີນ ຈະ​ມີ​ເຮືອບິນ​ຂົນ​ສົ່ງ ສິນຄ້າ​ທົ່ວ​ໄປ ​​ເຖິງ 723 ລຳ ​ພາຍ​ໃນ​ປີ 2038 ​ເພີ່ມ​ຂຶ້ນ 3,5 ​ເທົ່າ​ຈາກ​ປີ 2018 ​​ລວມມີ ​ເຮືອບິນ ​ຂະໜາດ​ໃຫຍ່ 174 ລຳ, ​ເຮືອບິນ​ ລຳ​ໂຕກ​ວ້າງ ຂະໜາດ​ກາງ 219 ລຳ ​ແລະ ​ເຮືອບິນ ​ລຳ​ໂຕ​ແຄບ 330 ລຳ.

ຂະນະທີ່ ອຸດສາຫະກຳ ເຮືອບິນຂົນສົ່ງ ພົນລະ ເຮືອນຈີນ ຈະເຕີບໂຕ ຢ່າງວ່ອງໄວໃນອີກ 20 ປີຕໍ່ໜ້າ ແລະ ຄາດວ່າ ຈະມີສາຍການບິນຂົນສົ່ງ ຂະໜາດໃຫຍ່ 1-2 ແຫ່ງ ແລະ ອັດຕາສ່ວນ ຂົນສົ່ງ ທີ່ດຳເນີນການໂດຍ ເຮືອບິນຂົນສົ່ງ ສິນຄ້າ ທັງໝົດ ຈະເພີ່ມຂຶ້ນ 55% ພາຍໃນປີ 2038 ຈາກ 44,8%ໃນປີ 2018 ເນື່ອງຈາກ ຄວາມຕ້ອງການ ຂອງຕະຫລາດ ທີ່ເຂັ້ມແຂງ.

ປັດຈຸບັນ ຈີນ ມີເຮືອບິນ ຂົນສົ່ງສິນຄ້າ ພົນລະເຮືອນ 161 ລຳໃນປີ 2018 ເພີ່ມ ຂຶ້ນ 13 ລຳ ຈາກປີກ່ອນໜ້ານີ້.

ຂໍ້ມູນຈາກ: ຊິນຮວາ ແລະ ຂປລ