ສຸດພັນລະນາ! ຊາບຊື້ງນໍ້າໃຈສາວເມືອງພວນ ຮັບຄົນຂໍທານມາລ້ຽງເປັນພໍ່

ສຸດພັນລະນາ! ຊາບຊື້ງນໍ້າໃຈສາວເມືອງພວນ ຮັບຄົນຂໍທານມາລ້ຽງເປັນພໍ່

4th December 2019 0 By Admin

ກາຍເປັນເລື່ອງລາວທີ່ຮືຮາສະໜັ່ນໃນໂຊຊ້ຽວ ພໍສົມຄວນ ຫຼັງຜູ້ໃຊ້ເຟສບຸກອອກຊື່ thongsai Ctk ໄດ້ໂພສພາບ ແລະ ຂໍ້ຄວາມ ເຊິ່ງໄດ້ລະບຸໄວ້ວ່າ: ” ຂໍສົ່ງເສີມ ແລະ ຍ້ອງຍໍສັນລະເສີນຄົນດີໃນສັງຄົມ, ຊາບຊຶ້ງຕິງໃຈສຸດຂີດ. ຍິງຄົນນີ້ ທັງງາມ ທັງໃຈບຸນ ຮັບເອົາຄົນເຄີຍຂໍທານ ມາເປັນພໍ່ ແລ້ວເບິ່ງແຍງຢ່າງສະໝໍ່າສະເໝີ”

*

ພາຍຫຼັງຂໍ້ຄວາມ ແລະ ຮູບພາບຫຼັງຂ່າວ ໄດ້ແຜ່ກະຈາຍອອກໄປ ເຮັດໃຫ້ມວນຊົນທັງຫຼາຍເຂົ້າໄປສະແດງຄວາມຄິດເຫັນ ເຖິງຄວາມມີນໍ້າໃຈ ຂອງສາວງາມແດນ ເມືອງພວນຄົນນີ້ ຢ່າງລົ້ນເຫຼືອ.

*

ນີ້ລະນໍເພີ່ນວ່າ ງາມທັງກາຍ, ງາມທັງໃຈ ເຮັດສິ່ງໃດບໍ່ຫວັງຜົນຕອບແທນ, ສະຫຼະຄວາມສຸກ ຄວາມສະບາຍ ສ່ວນຕົວ ເພື່ອໃຫ້ອີກໜຶ່ງຊີວິດທີ່ກຳລັງທຸກຍາກ, ຜູ້ທີ່ມີລົມຫາຍໃຈຢູ່ໄດ້ ຍ້ອນຂໍເພີ່ນກິນ ໃຫ້ຫຼຸດອອກຈາກສະພາບການມີຊີວິດແບບນັ້ນ ໄດ້ສຳຜັດກັບຊີວິດທີ່ດີກວ່າ, ກິນອີ່ມນຸ່ງອຸ່ນ ຢູ່ສະບາຍ ໃຫ້ຄືກັນກັບຄົນອື່ນໆ ພ້ອມເບິ່ງແຍງດູແລ ເໜືອນດັ່ງຜູ້ໃຫ້ກຳເນີດແທ້ໆ.

*

ຍິ່ງເຫັນພາບຄວາມປະທັບໃຈເຫຼົ່ານີ້ ຍິ່ງເຮັດໃຫ້ແອັດ ຄຳຄົມ ຮູ້ສຶກປາບປື້ມກັບຄວາມດີ, ຄວາມມີນໍ້າໃຈຂອງສາວງາມຄົນນີ້ ສົມແລ້ວທີ່ສາວດິນເມືອງພວນແຫ່ງນີ້ ໄດ້ຮັບສາຍານາມວ່າ “ສາວຊຽງຂວາງ ທັງງາມ ທັງເກັ່ງ”

**