ທໍາລາຍສິນຄ້າໝົດອາຍຸການນໍາໃຊ້ ຫຼາຍກວ່າ 325 ລາຍການ ລວມມູນຄ່າ 33 ລ້ານກວ່າກີບ

ທໍາລາຍສິນຄ້າໝົດອາຍຸການນໍາໃຊ້ ຫຼາຍກວ່າ 325 ລາຍການ ລວມມູນຄ່າ 33 ລ້ານກວ່າກີບ

3rd September 2020 0 By Admin

ສາລະວັນ ທໍາລາຍສິນຄ້າໝົດອາຍຸການນໍາໃຊ້ ຫຼາຍກວ່າ 325 ລາຍການ ລວມມູນຄ່າ 33 ລ້ານກວ່າກີບ

ສຳນັກຂ່າວສານປະເທດລາວລາຍງານວ່າ: ໃນວັນທີ 1 ກັນຍາ ຜ່ານມາ, ຫ້ອງການສາທາລະນະສຸກ ເມືອງສາລະວັນ ສົມທົບກັບ ຂະແໜງອາຫານ ແລະ ຢາແຂວງ ແລະ ຄະນະກໍາມະການກວດກາອາຫານ ແລະ ເຄື່ອງດື່ມຂັ້ນເມືອງ ຈັດພິທີຈູດທໍາລາຍສິນຄ້າເສື່ອມຄຸນນະພາບ, ໝົດອາຍຸ ແລະ ສິນຄ້າເກືອດຫ້າມ 326 ລາຍການ ລວມມູນຄ່າ 33 ລ້ານກວ່າກີບ

ທັງນີ້ ກໍເພື່ອເປັນການປູກຈິດສໍານຶກໃຫ້ຜູ້ບໍລິໂພກ, ຜູ້ຊື້ ແລະ ຜູ້ຂາຍ ມີຄວາມເຂົ້າໃຈກ່ອນຈະບໍລິໂພກສິນຄ້າ ຕ້ອງເບິ່ງອາຍຸການນໍາໃຊ້, ຜູ້ປະກອບການຕ້ອງມີຈັນຍາບັນ ປະຕິບັດຕາມຂໍ້ກໍານົດ, ລະບຽບກົດໝາຍ, ທັງເປັນການປົກປ້ອງບັນດາຫົວໜ່ວຍທຸລະກິດ-ການຄ້າ ເຄື່ອນໄຫວຢ່າງຖືກຕ້ອງຕາມລະບຽບການ