ເປີດຊຸດບຳລຸງທິດສະດີມາກ -​ ເລນິນ ແລະ ວຽກງານກວດກາ ປະຈຳສົກຮຽນ 2020-2021

ເປີດຊຸດບຳລຸງທິດສະດີມາກ -​ ເລນິນ ແລະ ວຽກງານກວດກາ ປະຈຳສົກຮຽນ 2020-2021

2nd September 2020 0 By Admin

ໃນວັນທີ 1 ກັນຍາ 2020 ນີ້, ໂຮງຮຽນທິດສະດີການເມືອງ ກອງທັບ ໄດ້ຈັດພິທີເປີດຊຸດບຳ ລຸງທິດສະດີມາກ-ເລນິນ ແລະ ວຽກງານກວດກາ ປະຈຳສົກ ຮຽນ 2020-2021 ຢ່າງເປັນ ທາງການ, ໂດຍການເປັນກຽດ ເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະ ການກົມການເມືອງສູນກາງ ພັກ, ລັດຖະມົນຕີກະຊວງປ້ອງ ກັນປະເທດ, ມີຕາງໜ້າບັນດາ ກົມໃຫຍ່, ຫ້ອງວ່າການກະຊວງ, ວິທະຍາຄານ, ຄະນະພັກ-ຄະນະ ບັນຊາ, ພະນັກງານຄູ-ອາຈານ ແລະ ນັກສຶກສາເຂົ້າຮ່ວມ.

ສະຫາຍ ພັນເອກ ປອ ຄຳໄພ ຟອງດາລາ ຫົວໜ້າການທະ ຫານໂຮງຮຽນທິດສະດີການ ເມືອງກອງທັບ ໄດ້ຂຶ້ນຜ່ານແຜນ ການຮຽນ-ການສອນ ປະຈຳສົກ ຮຽນ2020-2021 ມີຈຳນວນ ນັກຮຽນເຂົ້າຮຽນທັງໝົດ120 ສະຫາຍ ໃນນີ້ມີ 4 ເປົ້າໝາຍຄື: ບຳລຸງທິດສະດີມາກ-ເລນິນຊັ້ນ ສູງລະບົບ 5 ເດືອນ 30 ສະຫາຍ, ບຳລຸງວຽກງານກວດກາພັກ-ລັດ ລະບົບ 2 ເດືອນ 30 ສະຫາຍ, ບຳ ລຸງວຽກງານປ້ອງກັນພາຍໃນ ລະບົບ 5 ເດືອນ 30 ສະຫາຍ ແລະ ບຳລຸງວຽກງານກໍ່ສ້າງຮາກຖານ ການເມືອງລະບົບ 3 ເດືອນ 30 ສະຫາຍ, ເຊິ່ງໃນ 4 ເປົ້າໝາຍ ນີ້ຈະໄດ້ເປີດບຳລຸງເປັນ 2 ຊຸດ ຄື: ຊຸດທີ 1 ທິດສະດີມາກ -ເລນິນ ແລະ ວຽກງານກວດກາພັກ- ລັດ, ເວລາອົບຮົມແຕ່ເດືອນ ກັນຍາ 2020 ຫາເດືອນມັງ ກອນ 2021, ຊຸດທີ 2 ແມ່ນບຳ ລຸງວຽກປ້ອງກັນພາຍໃນ ແລະ ວຽກງານກໍ່ສ້າງຮາກຖານການ ເມືອງ, ເວລາອົບຮົມແຕ່ເດືອນ ກຸມພາຫາເດືອນມິຖຸນາ 2021, ສະເພາະນັກສຶກສາທີ່ມາອົບຮົມ ຄັ້ງນິ້ແມ່ນພະນັກງານທີ່ມີໜ້າທີ່ ຕຳແໜ່ງ ແລະ ມີຄວາມຮູ້ຄວາມ ສາມາດທີ່ແຕກຕ່າງກັນ, ມີປະ ສົບການໃນການປະຕິບັດໜ້າ ທີ່ວຽກງານມາແລ້ວຢູ່ບັນດາ ກົມກອງກຳລັງຫຼວງ-ກຳລັງ ທ້ອງຖິ່ນໃນຂອບເຂດທົ່ວປະ ເທດ,

ຈຸດປະສົງເພື່ອເປັນການ ຍົກລະດັບຄວາມຮັບຮູ້ເຂົ້າໃຈ ທັດສະນະແນວຄິດຕໍ່ບັນຫາພື້ນ ຖານທິດສະດີ, ຫຼັກມູນວິທະຍາ ສາດດ້ານຕ່າງໆຂອງທິດສະ ດີມາກ-ເລນິນ, ແນວທາງນະ ໂຍບາຍຂອງພັກ, ໜ້າທີ່ການ ເມືອງຂອງກອງທັບ ໃນໄລຍະ ປົກປັກຮັກສາ ແລະ ສ້າງສາພັດ ທະນາປະເທດຊາດ, ພ້ອມທັງ ເປັນການປັບປຸງແບບແຜນວິທີ ນຳພາ-ບັນຊາ, ດຳລົງຊີວິດ ເຝິກຝົນຫຼໍ່ຫຼອມຄຸນສົມບັດ, ສິນ ທຳປະຕິວັດ, ມີສະຕິຕື່ນຕົວປະ ຕິບັດຂໍ້ກຳນົດ, ກົດໝາຍຂອງ ລັດໃຫ້ສູງຂຶ້ນ, ເພື່ອເປັນພື້ນຖານ ບ່ອນອີງໃນເວລາກັບຄືນໄປ ເຮັດວຽກຢູ່ກົມກອງໃຫ້ຮູ້ຈັກ ຜັນຂະຫຍາຍ ແລະ ຫັນເປັນ ແຜນການອັນລະອຽດໃຫ້ສອດ ຄ່ອງກັບເງື່ອນໄຂຈຸດພິເສດ ຄວາມສາມາດຂອງກົມກອງ ຢ່າງມີປະສິດທິຜົນສູງ.

ໃນໂອກາດເຂົ້າຮ່ວມພິທີເປີດ ສົກຮຽນໃໝ່ຂອງໂຮງຮຽນທິດ ສະດີການເມືອງກອງທັບຄັ້ງນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ມີຄຳເຫັນໂອລົມ ວ່າ: ສຳລັບໂຮງຮຽນທິດສະດີ ການເມືອງກອງທັບທີ່ກຳລັງ ເປີດສົກຮຽນໃໝ່ໃນຄັ້ງນີ້ແມ່ນ ເປັນຊຸດທຳອິດ, ສະນັ້ນເພື່ອຮັບ ປະກັນໃຫ້ແກ່ການອົບຮົມຮໍ່າ ຮຽນດຳເນີນໄປດ້ວຍຜົນສຳເລັດ ແລະ ມີປະສິດທິຜົນສູງນັ້ນ, ທຸກບັນດາຄະນະຮັບຜິດຊອບ, ພະນັກງານ, ຄູ-ອາຈານຕ້ອງ ເອົາໃຈໃສ່ກຳແໜ້ນທິດຊີ້ນຳ ແລະ ຄາດໝາຍຂອງການກໍ່ ສ້າງກຳລັງປະກອບອາວຸດຂອງ ພັກ, ທິດນຳໃນການດຳເນີນສົງ ຄາມ ແລະ ແນວຄິດສູ້ຮົບຂອງ ພັກໃນໄລຍະໃໝ່,

ເພື່ອເປັນບ່ອນ ອີງໃຫ້ແກ່ການກຳນົດຫຼັກສູດ ການຮຽນ-ການສອນໃນແຕ່ ລະໄລຍະໃຫ້ຖືກທິດ ແລະ ເປົ້າ ໝາຍ, ເອົາໃຈໃສ່ຊີ້ນຳ-ນຳພາ ຄຸ້ມຄອງ ແລະ ເຮັດວຽກງານ ສຶກສາອົບຮົມການເມືອງ-ນຳ ພາແນວຄິດໃຫ້ພະນັກງານ, ຄູ- ອາຈານ, ນັກຮົບ ແລະ ນັກສຶກ ສາຢ່າງເປັນປົກກະຕິເພື່ອເຮັດ ໃຫ້ພາຍໃນມີຄວາມສະຫງົບ ຢ່າງໜັກເເໜ້ນ, ອຸ່ນອ່ຽງທຸ່ນ ທ່ຽງ, ຫ້າວຫັນປະຕິບັດໜ້າທີ່ ວຽກງານດ້ວຍຄວາມຮັບຜິດ ຊອບສູງ, ສືບຕໍ່ປັບປຸງກໍ່ສ້າງ ຄ້າຍຄູໃຫ້ມີແບບແຜນຈົບງາມ, ພື້ນຖານຮັບປະກັນພຽງພໍ ແລະ ມີໂສມໜ້າໃໝ່ດີຂຶ້ນເລື້ອຍໆ, ໃນນັ້ນຫັນເປັນສຳຄັນດ້ວຍການ ຄຸ້ມຄອງຂໍ້ກຳນົດກົດລະບຽບທີ່ ຮັດກຸມ ແລະ ເຂັ້ມງວດ ນັບທັງ ອົງການ ແລະ ນັກສຶກສາ ບົນ ພື້ນຖານການຈັດຕັ້ງແຕ່ລະຂັ້ນ ຕ້ອງມີຄວາມເດັດຂາດ ແລະ ສັກສິດຕໍ່ຜູ້ລະເມີດ, ບຸກຄົນ ຕ້ອງມີຄວາມຕື່ນຕົວ ແລະ ປະ ຕິບັດລະບຽບວິໄນໃຫ້ເຂັ້ມງວດ. ໂດຍ: ນ. ນາລີ ທະວີພອນ