ງົດງາມຕະການຕາ! ຊຸດປະຈຳຊາດຂອງ ເມ ວິຈິດຕາ ທີ່ຈະສວມໃສ່ໃນເວທີ Miss Universe 2019

ງົດງາມຕະການຕາ! ຊຸດປະຈຳຊາດຂອງ ເມ ວິຈິດຕາ ທີ່ຈະສວມໃສ່ໃນເວທີ Miss Universe 2019

3rd December 2019 0 By Admin

ເຜີຍອອກມາແລ້ວ ຊຸດປະຈຳຊາດຂອງ Miss Universe laos 2019 ທີ່ ເມ ວິຈິດຕາ ພອນວິໄລ ທີ່ຈະໄດ້ສວມໃສ່ ໃນເວທີການປະກວດ Miss Universe 2019 ທີ່ອາເມລິກາງົດງາມອີຫຼີ! ເພາະສະທ້ອນເຸິງຄວາມເປັນລາວໄດ້ຢ່າງໂດດເດັ່ນ ລັກສະນະທີ່ເອີ້ນໄດ້ວ່າ ລວມຄວາມເປັນລາວໃນໜຶ່ງດຽວ.

*

ສຳລັບແຮງບັນດານໃຈ ຂອງຊຸດະຈຳຊາດລາວ ຂອງປີນີ້ ແມ່ນໄດ້ຈັບເອົາຊ້າງ ທີ່ຖືເປັນສັດປະຈຳຊາດຂອງລາວ ແຕ່ໃດມາ ທີ່ນຳເອົາລວດລາຍຂອງການເຄື່ອງສານ ທີ່ເຮົາພົບເຫັນໃນຮູບແບບ ຂອງແອບເຂົ້າ (ຕິບເຂົ້າ) ມາເປັນລວດລາຍຂອງຊ້າງພ້ອມທັງຕົບແຕ່ງດ້ວຍສັນຍາລັກຂອງຊາດ ກໍ່ຄືພະທາດຫຼວງ ແລະ ທຸງຊາດລາວ ປະດັບດ້ວຍກິ່ນອາຍຂອງດອກຈຳປາ.

*

ຄວາມໂດດເດັ່ນຂອງການອອກແບບໃນຄັ້ງນີ້ ບໍ່ແມ່ນພຽງແຕ່ ການນຳເອົາເອກະລັກຂອງຊາດ ຂຶ້ນສູ່ເວທີສາກົນພຽງຢ່າງດຽວ ແຕ່ຍັງໄດ້ສອດແຊກເນື້ອຫາ ເພື່ອເປັນການຮຽກຮ້ອງ ການໃຫ້ຄວາມສຳຄັນຕໍ່ການປົກປັກຮັກສາປ່າໄມ້ ກໍ່ຄື ທຳມະຊາດ ໂດຍການນຳເອົາ ປ່າອາເມໂຊນ ທີ່ປຽບເຫມືອນ “ປອດຂອງໂລກ” ທີ່ຖືກໄຟໄຫມ້ໄປສ່ວນຫນຶ່ງໃນບໍ່ດົນນີ້ ທີ່ເປັນການສູນເສຍທີ່ຂ້ອນຂ້າງສ້າງຜົນກະທົບຫລາຍສົມຄວນຕໍ່ກັບລະບົບນິເວດ ແລະ ສະພາບແວດລ້ອມບໍລິເວນນັ້ນ ເຊິ່ງຈະຕ້ອງໃຊ້ເວລາຍາວນານ ສຳລັບການຟື້ນຟູຜືນປ່າ. ເພື່ອໃຫ້ທຸກຄົນເຫັນເຖິງຄວາມສຳຄັນຂອງປ່າໄມ້ ໃນໂລກ ກໍ່ຄື ຢູ່ໃນລາວ ທີ່ນັບມື້ນັບລຸດຫນ້ອຍຖອຍລົງ.

*

ເຖິງແມ່ນວ່າ ປ່າອາເມຊອນ ອາດຈະຟັງຄືໄກເກີນໄປ ສຳລັບຄົນລາວ ແຕ່ຜືນປ່າຂະຫນາດໃຫຍ່ ກວມເອົາພຶ້ນ 5,501,134.746 km2 ຂອງ ທະວີບ ອາເມຣິກາ ໃນສ່ວນຂອງອາເມຣິາກາລາຕິນ (ອາເມຣິກາໃຕ້), ແຫລ່ງທຳມະຊາດທີ່ໃຫຍ່ທີ່ສຸດຂອງໂລກໃນຕອນນີ້ ກຳລັງນັບມື້ນັບຖືກທຳລາຍລົງ ຊຶ່ງຜົນກະທົບນັ້ນ ບໍ່ໄດ້ເປັນພຽງແຕ່ການສູນສັດພັນ ແລະ ລະບົບນິເວດພຽງຢ່າງດຽວ, ແຕ່ຫມາຍເຖິງ ໄພທຳມະຊາດ ແລະ ພາວະການປ່ຽນແປງຂອງດິນຟ້າອາກາດ ທີ່ມີຜົນກະທົບກັບເຮົາທຸກໆຄົນທີ່ອາໄສຢູ່ໃນໂລກ. ດັ່ງນັ້ນ, ການປົກປັກຮັກສາທຳມະຊາດ ຄືຄວາມຮັບຜິດຊອບຂອງເຮົາທຸກຄົນ.

*

ສຳລັບຊຸດປະຈຳຊາດ ປີນີ້, ໄດ້ນັກອອກແບບສີມືດີຢ່າງ ຄຳພີ ອະລັງການ ນັກອອກແບບຊາວໄທ ເຊິິ່ງໄດ້ສ້າງປະຫວັດສາດໃຫ້ກັບວົງການນາງງາມມາແລ້ວ ໃນປີ 2018 ທີ່ອອກແບບຊຸດປະຈຳຊາດ “ກິນນະລີ” ໃຫ້ກັບ ອອນອານົງ ຫອມສົມບັດ  Miss Universe laos 2018 ທີ່ໃຊ້ເຂົ້າໃນການປະກວດ Miss Universe 2018 ທີ່ຣາຊະອານາຈັກໄທ  ແລະ ສາມາດຄວ້າໄດ້ລາງວັນຊຸດປະຈຳຊາດດີເດັ່ນຄອງໄດ້ສຳເລັດ. ສະນັ້ນ, ປີນີ້ ມາຮ່ວມລຸ້ນນຳກັນວ່າ ນາງງາມລາວຈະໄດ້ລາງວັນຊຸດປະຈຳຊາດດີເດັ່ນມາຄອງໄດ້ຫຼື ບໍ, ຮັກລາວ: ເຊຍລາວ ເມວີຈິດຕາ ພອນວິໄລ

*