ຕຳນານພູທ້າວພຸທທະເສນ ແລະ ພູນາງກັງຮີ ກ່ຽວ​ພັນ​ “ວັດລ້ອງຄູນ”

ຕຳນານພູທ້າວພຸທທະເສນ ແລະ ພູນາງກັງຮີ ກ່ຽວ​ພັນ​ “ວັດລ້ອງຄູນ”

2nd September 2020 0 By Admin

ວັດລ້ອງຄູນ ແຕ່ກ່ອນນັ້ນ ມີຊື່ວ່າ ວັດລ້ອງຄັນ ຍ້ອນວ່າຂ້າງວັດມີຫ້ວຍສາຍຫນື່ງເພີ່ນເອີ້ນວ່າ ຫ້ວຍລ້ອງຄັນ

ເຊີ່ງຄຳວ່າ ລ້ອງຄັນ ນັ້ນ ຫມາຍເຖິງ ຫ້ວຍນຳ້ທີ່ໄຫລອອກມາຈາກອະໄວຍະເພດ ຂອງນາງກັງຮີ ຫລື ນາງກວາງຮີ ຕາມຕຳນານພູທ້າວພຸທທະເສນ ແລະ ພູນາງກັງຮີ ໃນນິທານນາງ ໑໒

ເຊີ່ງແມ່ນຳ້ຫ້ວຍນີ້ ບູຮານເຊື່ອວ່າ ຖ້າຜູ້ໃດ ແມ່ນໄດ້ດື່ມນຳ້ຫ້ວຍແຫ່ງນີ້ແລ້ວ ຈະກາຍເປັນຄົນຄັນ ຄົນຄຽວ

ແຕ່ພາຍຫລັງ ສົມເດັຈເຈົ້າໄຊຍະເສຖຖາທິຣາຊ ໄດ້ມາສ້າງວັດຊຽງແມນ ໃນສະຕະວັດທີ່XVI ພຣະອົງຄ໌ໄດ້ເຫັນຊື່ທີ່ບໍ່ດີບໍ່ງາມ ດັ່ງກ່າວ ຈື່ງໄດ້ປ່ຽນຊື່ ຈາກລ້ອງຄັນ ມາເປັນລ້ອງຄູນ ນັບແຕ່ນັ້ນມາ ກໍ່ກ່ສຍເປັນບ່ອນປະຕິບັດທັມ ບ່ອນເລັ່ງຄວາມພຽນ ເຖິງແມ່ນວ່າໃນໄລຍະນັ້ນຍັງບໍ່ທັນໄດ້ເປັນວັດເທື່ອ

ແລະ ຕໍ່ມາ ສົມເດັຈເຈົ້າອະນຸຣຸດ -​ມັນທາຕຸຣາຊ ໄດ້ມີພຣະຣາຊສັທທາ ສ້າງວັດຂ້າງຫ້ວຍລ້ອງຄັນ ຫລື ຫ້ວຍລ້ອງຄູນ ນີ້ ແລະກາຍເປັນວັດທີ່ຕິດພັນກັບປະຫວັດສາດ ກັບ ຣາຊະປະເພນີຂື້ນສະເຫວີຍຣາຊ ຂອງເຈົ້າຊີວິດຫລວງພຣະບາງ ເຊີ່ງກ່ອນຂື້ນສະເຫວີຍຣາຊນັ້ນ ແມ່ນອົງມຸງກຸດຣາຊກຸມາລ ແມ່ນໄດ້ ນຸ່ງຂາວຫົ່ມຂາວສະມາທານສີລ 8 ເປັນເວລາ7ມື້ ເສັຍກ່ອນ

ແລະໃນຊ່ວງເສິກຫໍ້ ຫລື ຫໍ້ມາປຸ້ນເມືອງຫລວງພຣະບາງນັ້ນ ໃນຊ່ວງ XVIII ພວກຫໍ້ໄດ້ເອົາວັດລ້ອງຄູນເປັນຖານທີ່ຫມັ້ນ ໃນເວລາກາງຄືນພວກຫໍ້ບໍ່ໄດ້ຫລັບບໍ່ໄດ້ນອນ ຍ້ອນວ່າ ໄດ້ມີຜີເຜດ ມາກວນ ເຊັ່ນວ່າ ເວລານອນ ຜູ້ໃດສູງຜີກໍ່ດືງຕີນລົງ ຜູ້ໃດຕຳ່ຜີກໍ່ແຂນຂື້ນ ດືງຫົວຂື້ນເພື່ອໃຫ້ພວກທະຫານຫໍ້ ນອນພຽງກັນ ເມື່ອຕື່ນເຊົ້າມາພວກທະຫານຫໍ້ ໄດ້ເປີກສາຫາລືກັນ ວ່າຄວນເຮັດແນວໃດ ຈື່ງຈະບໍ່ໃຫ້ຜີເຜດມາກວນອີກ ຈື່ງໄດ້ພາກັນຕົກລົງ ແຕ້ມຮູບທະຫານຫໍ້ ໃສ່ຝາຜະຫນດ້ານຫນ້າຂອງອາຣາມວັດ ເພື່ອໃຫ້ຮູບແຕ້ມນີ້ ປົກປ້ອງຄຸ້ມຄອງຈາກຜີເຜດ ເມື່ອແຕ້ມສຳເຣັດແລ້ວ ພວກທະຫານຫໍ້ ກໍ່ສາມາດອາໄສວັດແຫ່ງນີ້ ເປັນຖານທີ່ຫມັ້ນຕໍ່ໄປໄດ້ ໂດຍໄຮ້ສິ່ງທີ່ມາກວນ…..

.

ຈາກ: Doe Doe Bandavong