ຮັກສາຂຸຂະພາບກັນແນ່! ອາກາດໜາວສຸດຢູ່ 3 ແຂວງ ອຸນຫະພູມຕໍ່າກວ່າ 10 ອົງສາແລ້ວ

ຮັກສາຂຸຂະພາບກັນແນ່! ອາກາດໜາວສຸດຢູ່ 3 ແຂວງ ອຸນຫະພູມຕໍ່າກວ່າ 10 ອົງສາແລ້ວ

3rd December 2019 0 By Admin

ພະຍາກອນອາກາດປະຈຳວັນທີ 3 ທັນວາ 2019 ໜາວສຸດຢູ່ 3 ແຂວງຄື ແຂວງ ໄຊສົມບູນ, ຈຳປາສັກ (ປາກຊ່ອງ ບໍລິເວນ) ແລະ ຜົ້ງສາລີ  ອຸນຫະພູມຕໍ່າກວ່າ 10 ອົງສາແລ້ວ, ຂະນະ ນະຄອນຫຼວງວຽງຈັນ ອຸນຫະພູມເຊົ້ານີ້ຢູ່ທີ່ 16 ອົງສາ.

ອີງຕາມການລາຍງານຈາກ ກົມອຸຕຸນິຍົມ ແລະ ອຸທົກກະສາດວ່າ: ຄວາມກົດດັນສູງຂອງອາກາດເຢັນທີ່ປະເທດຈີນ ຍັງມີກຳລັງປານກາງປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ເຊິ່ງລັກສະນະເຊັ່ນນີ້ ຈະເຮັດໃຫ້ອາກາດຍັງໜາວເຢັນຢູ່ແຂວງພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ພ້ອມມີໝອກໜາປົກຫຸ້ມໃນຕອນເຊົ້າ ແລະ ອາກາດເຢັນຢູທົ່ວໄປໃນແຕ່ລະພາກ ພ້ອມຈະມີຝົນຕົກຄ່ອຍພ້ອມມີລົມພັດແຮງເປັນບາງໂອກາດຢູ່ບາງທ້ອງ ຖິ່ນໃນແຕ່ລະພາກ.


ຂະນະທີ່, ກົມອຸຕຸນິຍົມ ແລະ ອຸທົກກະສາດ ກໍ່ໄດ້ພະຍາກອນອາກາດໜາວສຸດມື້ນີ້ຢູ່ແຂວງ ໄຊສົມບູນ ອຸນຫະພູມວັດແທກໄດ້ທີ່ 6 ອົງສາ; ຖັດລົງມາ ແມ່ນ ພູພຽງປາກຊ່ອງບໍລິເວນ ອຸນຫະພູມວັດແທກໄດ້ທີ່ 7 ອົງສາ ແລະ ຜົ້ງສາລີ ວັດແທກໄດ້ 9 ອົງສາ.

ສຳລັບ ວຽງໄຊ, ຊຳເໜືອ, ເມືອງ ວຽງພູຄາ ວັດແທກໄດ້ 10 ອົງສາ; ຊຽງຂວາງ, ອຸດົມໄຊ ແລະ ເມືອງ ສິງ ອຸນຫະພູມຢູ່ທີ່ 11 ອົງາສາ. ສ່ວນນະຄອນຫຼວງວຽງຈັນ ອຸນຫະພູມຕໍ່າສຸດຂອງມື້ວັດແທກໄດ້ທີ່ 16 ອົງສາ.


ສະນັ້ນ, ຈຶ່ງຂໍເຕືອນມາຍັງພໍ່ແມ່ປະຊາຊົນ ທີ່ອາໄສຢູ່ບັນດາແຂວງຕ່າງໆ ບ່ອນທີ່່ເປັນພູຜາສູງຊັນ ແລະ ມີອຸນຫະພູມຕໍ່າ ໃຫ້ຮັກສາສຸຂະພາບ, ອົບອຸ່ນຮ່າງກາຍໃຫ້ອົບອຸ່ນ ເພື່ອປ້ອງກັນຕົນເອງຈາກການເຈັບປ່ວຍ.

*