ເຮືອປະເພນີໃຫຍ່ຊາຍ ຫ້ອງວ່າການແຂວງ ຄວ້າລາງວັນຊະນະເລີດ ງານບຸນຊ່ວງເຮືອປະຈຳປີ ທີ່ເຊກອງ

ເຮືອປະເພນີໃຫຍ່ຊາຍ ຫ້ອງວ່າການແຂວງ ຄວ້າລາງວັນຊະນະເລີດ ງານບຸນຊ່ວງເຮືອປະຈຳປີ ທີ່ເຊກອງ

2nd December 2019 0 By Admin

ເມືອງລະມາມ, ແຂວງ ເຊກອງ ໄດ້ຈັດງານບຸນຊ່ວງເຮືອປະຈຳປີ ເຊິ່ງໄດ້ຈັດຂຶ້ນໃນທຸກໆປີ ໂດຍກຳນົດເອົາກ່ອນ ຫຼື ຫຼັງງານສະເຫຼີມສະຫຼອງວັນຊາດທີ 2 ທັນວາ. ສະເພາະປີນີ້ມີເຮືອຮ່ວມແຂ່ງຂັນທັງໝົດລວມມີ 23 ລຳ, ມີ 27 ຄະນະ, ເປັນສີພາຍເພດຍິງ ມີ 4 ຄະນະ. ໃນນັ້ນ: ມີນັກກິລາເຮືອຊ່ວງມາຈາກຕ່າງແຂວງເຂົ້າຮ່ວມແຂ່ງຂັນນຳທັງໝົດ 3 ລຳຄື: ມາຈາກແຂວງຈຳປາສັກ, ແຂວງສາລະວັນ ແລະ ແຂວງອັດຕະປື ເປັນນັກກິລາເຮືອຊ່ວງເພດຊາຍ,  ພິເສດຍັງມີການປະກວດເຮືອງາມ (ໃຫຍ່-ນ້ອຍ)

ຈາກການແຂ່ງຂັນ ຜົນປາກົດວ່າປີນີ້ ທີມຊະນະເລີດ ເຮືອປະເພນີໃຫຍ່ຊາຍ ( 35-40 ສີພາຍ ) ແມ່ນຫ້ອງວ່າການແຂວງເຊກອງ; ເຮືອສູດໃຫຍ່ຊາຍ  ( 35-40 ສີພາຍ ) ແມ່ນ ແຂວງສາລະວັນ ໄດ້ຮັບຂັນເງິນຂອງທ່ານເຈົ້າເມືອງ 1 ໜ່ວຍ, ເງິນສົດ 12 ລ້ານກີບ ແລະ ເຮືອປະເພນີຊາຍ ( 19-22 ສີພາຍ) ແມ່ນບ້ານໂມ. ສ່ວນເຮືອປະເພນີ ຍິງ ( 19-22 ສີພາຍ) ແມ່ນບ້ານເພຍໃໝ່.

ສຳລັບເຮືອເຄິ່ງສູດເຄິ່ງປະເພນີຊາຍ ແມ່ນເມືອງລະມາມ, ເຮືອສູດຊາຍ ( 19-22 ສີພາຍ) ແມ່ນພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ຮັບຂັນເງິນ 1 ໜ່ວຍ, ເງິນສົດ 10 ລ້ານກີບ; ທີ 2 ເຮືອປະເພນີໃຫຍ່ຊາຍ ແມ່ນພະແນກກະສິກໍາ ແລະປ່າໄມ້ແຂວງເຊກອງ; ເຮືອສູດຊາຍໃຫຍ່ ແມ່ນພະແນກໂຍທາທິການ ແລະຂົນສົ່ງແຂວງເຊກອງ ໄດ້ຮັບເງິນສົດ 10 ລ້ານກີບ, ເຮືອປະເພນີຊາຍ ແມ່ນເມືອງທ່າແຕງ, ເຮືອປະເພນີຍິງ ແມ່ນບ້ານໃໝ່ຫົວເມືອງ.

ເຮືອເຄິ່ງສູດ ແມ່ນ ປກສ ແຂວງເຊກອງ, ເຮືອສູດ ຊາຍ ແມ່ນຂົງເຂດວັດທະນະທໍາ-ສັງຄົມB ໄດ້ຮັບເງິນສົດ 8 ລ້ານກີບ; ທີ 3 ເຮືອສູດໃຫຍ່ ຊາຍ ແມ່ນແຂວງຈໍາປາສັກ ໄດ້ຮັບເງິນສົດ 10 ລ້ານກີບ, ເຮືອປະເພນີ ຊາຍ ແມ່ນຂົງເຂດປົກປ້ອງກົດໝາຍແຂວງເຊກອງ, ເຮືອປະເພນີ ຍິງ ແມ່ນບ້ານໂມ, ເຮືອເຄິ່ງສູດ ຊາຍ ແມ່ນ ປກຊ ແຂວງເຊກອງ, ເຮືອສູດ ຊາຍ ແມ່ນຂົງເຂດວັດທະນະທໍາ-ສັງຄົມB ໄດ້ຮັບເງິນສົດ 5 ລ້ານກີບ.

 


ສ່ວນຊະນະເລີດ ເຮືອງາມ (ໃຫຍ່ 35-40 ສີພາຍ) ແມ່ນພະແນກກະສິກໍາ ແລະປ່າໄມ້ແຂວງ, ໄດ້ຮັບເງິນສົດ 1 ລ້ານກີບ, ທີ 2 ເຮືອງາມ (ນ້ອຍ19-22 ສີພາຍ) ແມ່ນບ້ານໂມ ໄດ້ຮັບເງິນສົດ 1 ລ້ານ ກີບ ແລະ ໄດ້ຮັບລາງວັນຊົມເຊີຍ ມີ 10 ລາງວັນ ລາງວັນລະ 1 ລ້ານກີບ. ໂດຍໃຫ້ກຽດມອບລາງວັນຊະນະເລີດເພດຊາຍ – ເພດຍິງ ໂດຍແມ່ນ ຂັນຕີ ສີລະວົງສາ ເຈົ້າເມືອງ-ລະມາມ.

ທີ່ມາ: ແຂວງ ເຊກອງ