ເປັນ​ຈັ່ງ​ກຸ​ສົນຫຼາຍ​ອີ່ຫຼີ່ ສາ​ທຸໆ! ຈະສ້າງພະພຸດທະຮູບສູງ 100 ແມັດ ຢູ່ເຂດເສດຖະກິດພິເສດ ບຶງທາດຫລວງ

ເປັນ​ຈັ່ງ​ກຸ​ສົນຫຼາຍ​ອີ່ຫຼີ່ ສາ​ທຸໆ! ຈະສ້າງພະພຸດທະຮູບສູງ 100 ແມັດ ຢູ່ເຂດເສດຖະກິດພິເສດ ບຶງທາດຫລວງ

26th August 2020 0 By Admin

ບໍລິສັດອະສັງຫາລິມະຊັບ ຫວ່ານເຟີງ ຊຽງໄຮ້ ສປ ຈີນ ຈຳກັດ ເຊິ່ງເປັນຜູ້ພັດທະນາໂຄງການເຂດເສດຖະກິດພິເສດ ບຶງທາດຫລວງ ມີແຜນຈະສ້າງຮູບປັ້ນພະພຸດທະຮູບໃຫຍ່, ເຊິ່ງມີຄວາມສູງປະມານ 100 ແມັດ ຢູ່ເຂດເສດຖະກິດພິເສດບຶງທາດຫລວງ ທີ່ຕັ້ງຢູ່ຈຸດໃຈກາງນະຄອນ ຫລວງວຽງຈັນ.

ທັງນີ້, ກໍເພື່ອເປັນການດຶງດູງນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວສະຖານທີ່ດັ່ງກ່າວ ໃຫ້ນັບມື້ຫລາຍຂຶ້ນ.
ອີງຕາມຂໍ້ມູນຈາກຜູ້ພັດທະນາໂຄງການລະບຸວ່າ: ຈຸດປະສົງໃນການສ້າງພະພຸດທະຮູບດັ່ງກ່າວ ກໍເນື່ອງຈາກວ່າ ພະພຸດທະຮູບເປັນທີ່ນັບຖື ຫຼື ເຊື່ອຖື ຂອງຊາວສາສະໜາພຸດທັງຫລາຍ ນັບທັງ ສປປ ລາວ ແລະ ບັນດາປະເທດອ້ອມຂ້າງ ເຊັ່ນ: ໄທ, ກຳປູເຈຍ, ມຽນມາ ແລະ ຫວຽດນາມ ກໍຄືທົ່ວໂລກ.

ການພັດທະນາເຂດເສດຖະກິດພິເສດບຶງທາດຫລວງ ກວມເອົາເນື້ອທີ່ທັງໝົດ 365 ເຮັກຕາ, ໂດຍມີອາຍຸສຳປະທານ 99 ປີ, ເຊິ່ງຈະພັດທະນາໃຫ້ກາຍເປັນຕົວເມືອງໃໝ່ທັນສະໄໝ ດ້ວຍງົບປະ ມານເຖິງ 5 ຕື້ໂດລາສະຫະລັດ,

ໃນນັ້ນປະກອບ ມີ: ອາຄານຫ້ອງການ, ຮ້ານຊັບພະສິນຄ້າ, ໂຮງ ແຮມ, ສະຖານທີ່ບັນເທີງ, ທີ່ພັກອາໃສ, ໂຮງໝໍ, ໂຮງຮຽນ, ວັດວາອາຮາມ, ສະຖາບັນການເງິນ ແລະ ອື່ນໆ ຕາມອົງປະກອບຂອງຕົວເມືອງໃໝ່ສາກົນທັນສະໃໝ ທີ່ກົມກືນກັບວັດທະນະທຳທ້ອງຖິ່ນ.

ຂ່າວ-ຮູບ: ສິງຄຳ ຂປລ