ມອບ-ຮັບໜ້າທີ່ ຫົວໜ້າອົງການໄອຍະການປະຊາຊົນ ເຂດ III ຜູ້ເກົ່າ ແລະ ຜູ້ໃໝ່

ມອບ-ຮັບໜ້າທີ່ ຫົວໜ້າອົງການໄອຍະການປະຊາຊົນ ເຂດ III ຜູ້ເກົ່າ ແລະ ຜູ້ໃໝ່

25th August 2020 0 By Admin

ຕອນເຊົ້າຂອງວັນທີ 21 ສິງຫາ 2020 ນີ້ ອົງການໄອຍະການປະຊາຊົນ ເຂດIII ປະຈຳຢູ່ເມືອງຫົງສາ ແຂວງໄຊຍະບູລີ ໄດ້ຈັດພິທີ ມອບ-ຮັບໜ້າທີ່ ລະຫວ່າງ ຫົວໜ້າ ອົງການໄອຍະການປະຊາຊົນ ເຂດ III ຜູ້ເກົ່າ ແລະ ຜູ້ໃໝ່

 

ອີງຕາມຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ສະບັບເລກທີ 260/ອອປສ ລົງວັນທີ 10 ພຶດສະພາ 2020 ວ່າດ້ວຍການອະນຸມັດໃຫ້ທ່ານ ຄຳສຸກ ພັນລັກທຳ ຫົວໜ້າອົງການໄອຍະການປະຊາຊົນ ເຂດIII (ຜູ້ເກົ່າ) ໄດ້ອອກຜັກຜ່ອນ-ຮັບອຸດໜູນບຳນານ

ແລະ ອີງຕາມຂໍ້ຕົກລົງສະບັບເລກທີ 376 ຂອງ ຫົວໜ້າອົງການໄອຍະການປະຊາຊົນສູງສຸດ ວ່າດ້ວຍການແຕ່ງຕັ້ງທ່ານ ແດງ ມາບຸນຊູ ເປັນຫົວໜ້າອົງການໄອຍະການປະຊາຊົນ ເຂດIII (ຜູ້ໃໝ່).

ໂດຍການໃຫ້ກຽດເຂົ້າຮ່ວມ ເປັນສັກຂີພິຍານຂອງທ່ານ ສົມເພັດ ຫຼຽນທອງ ຫົວໜ້າອົງການໄອຍະການປະຊາຊົນແຂວງໄຊຍະບູລີ, ທ່ານ ສົມສີ ພົມມະຈັນ ຮອງເລຂາພັກເມືອງ ຜູ້ຊີ້ນຳວຽກງານອົງການຕຸລາການເມືອງຫົງສາ, ມີກຳມະການພັກເມືອງ, ຫົວຫນ້າຫ້ອງການອ້ອມຂ້າງ ແລະ ພະນັກງານອົງການໄອຍະການປະຊາຊົນແຂວງ-ເມືອງເຂົ້າຮ່ວມເປັນສັກຂີພິຍານ.

ພາບ-ຂ່າວ: ກິດຕິສັກ ບົວໄລ.