ຈີນ ຊ່ວຍເຫຼືອກໍ່ສ້າງລະບົບນ້ຳ ແລະ ໄຟຟ້າໃຫ້ກອງຮ້ອຍ 121 ທະຫານແຂວງບໍ່ແກ້ວ

ຈີນ ຊ່ວຍເຫຼືອກໍ່ສ້າງລະບົບນ້ຳ ແລະ ໄຟຟ້າໃຫ້ກອງຮ້ອຍ 121 ທະຫານແຂວງບໍ່ແກ້ວ

24th August 2020 0 By Admin

ໃນວັນທີ 18 ສິງຫາ ນີ້, ທີ່ສູນປະສານງານລາວ-ຈີນ ບ້ານ ມອມ ເມືອງຕົ້ນເຜີ້ງ ແຂວງບໍ່ແກ້ວ ໄດ້ຈັດພິທີເຊັນບົດບັນທຶກສັນຍາ ການຊ່ວຍເຫຼືອໂຄງການການກໍ່ ສ້າງລະບົບນໍ້າ ແລະ ໄຟຟ້າຂອງ ກອງຮ້ອຍ 121 ກອງບັນຊາການ ຫານແຂວງບໍ່ແກ້ວ ທີ່ຝ່າຍຈີນ ຊ່ວຍເຫຼືອໃຫ້ຝ່າຍລາວຂຶ້ນ.

.

ໂດຍ ເປັນກຽດເຊັນມອບຂອງ ສະຫາຍ ພົນຕີ ຢວນຍະຜິ້ງ ຫົວໜ້າກອງ ບັນຊາການຕຳຫຼວດລາດຕະເວນ ທາງນ້ຳແຂວງຢູນານ ສປ ຈີນ ແລະ ເຊັນຮັບຂອງ ສະຫາຍ ພັນ ເອກ ວິດອນ ພຸດດາວົງ ຮອງປະ ທານຜູ້ປະຈຳການຄະນະກຳມະ ການປ້ອງກັນຊາດ-ປ້ອງກັນ ຄວາມສະຫງົບແຂວງ, ຫົວໜ້າ ການທະຫານກອງບັນຊາການ ທະຫານແຂວງບໍ່ແກ້ວ.

.

ເຊິ່ງເນື້ອ ໃນຂອງບົດບັນທຶກສັນຍາຄັ້ງນີ້ ແມ່ນເພື່ອແກ້ໄຂຄວາມຫຍຸ້ງຍາກ ໃນການນໍາໃຊ້ລະບົບນໍ້າ ແລະ ໄຟ ຟ້າ ຂອງກອງຮ້ອຍ 121 ດັ່ງນັ້ນ ທາງກອງບັນຊາການຕຳຫຼວດ ລາດຕະເວນທາງນໍ້າ ແຂວງຢູ ນານ ສປຈີນ ຈຶ່ງເຫັນໄດ້ຄວາມ ຈຳເປັນໃຫ້ທຶນຊ່ວຍເຫຼືອໃນ ການກໍ່ສ້າງຄັ້ງນີ້ ເຊິ່ງໂຄງການ ດັ່ງກ່າວແມ່ນຢູ່ທີ່ກອງຮ້ອຍ 121.

.

ເນື້ອໃນການກໍ່ສ້າງຄື: ຕິດ ຕັ້ງໝໍ້ແປງໄຟທີ່ມີກໍາລັງແຮງ 50KVA 1 ໜ່ວຍ, ຕິດຕັ້ງສາຍ ໄຟທີ່ມີກໍາລັງແຮງ 22KV ທີ່ມີ ຄວາມຍາວ 3,8 Km ແລະ ສາຍ ໄຟທີ່ມີກໍາລັງແຮງ 400 V ມີ ຄວາມຍາວ 400m, ຕິດຕັ້ງດອກ ໄຟພາຍໃນກອງຮ້ອຍ, ລາຍລະ ອຽດຂອງການກໍ່ສ້າງລະບົບ ນໍ້າມີເນື້ອໃນກໍ່ສ້າງ ສ້າງອ່າງ ເກັບນໍ້າທີ່ມີຄວາມສູງ 1.2 ແມັດ ມີຄວາມຍາວ 2,4 ແມັດ ຕໍ່ທໍ່ ນໍ້າໄປກອງຮ້ອຍມີຄວາມຍາວ 5400 ແມັດ ລວມມູນຄ່າການກໍ່ສ້າງທັງໝົດ1.300.000 ຢວນ (ສະກຸນເງິນຈີນ) ໂດຍມອບໃຫ້ ທາງຝ່າຍລາວເປັນຜູ້ລົງມືກໍ່ສ້າງເອງ.