ບ້ານໃໝ່ ເມືອງປາກຊ່ອງ ສ້າງທາງເບຕົງ ທຶນ​ຂອງສະຫະກອນຜູ້ຜະລິດກາເຟ ເຂດພູພຽງບໍລະເວນ 100 ລ້ານກີບ

ບ້ານໃໝ່ ເມືອງປາກຊ່ອງ ສ້າງທາງເບຕົງ ທຶນ​ຂອງສະຫະກອນຜູ້ຜະລິດກາເຟ ເຂດພູພຽງບໍລະເວນ 100 ລ້ານກີບ

22nd August 2020 0 By Admin

ບ້ານໃໝ່ ໄຊສົມບູນ ເມືອງປາກຊ່ອງ ກໍ່ສ້າງທາງເບຕົງ ໂດຍການໃຫ້ທຶນຂອງສະຫະກອນຜູ້ຜະລິດກາເຟເຂດພູພຽງບໍລະເວນ 100 ລ້ານກີບ.

ໃນວັນທີ 22 ສິງຫາ 2020,ເປັນມື້ທີ 2 ທີ່ອໍານາດການປົກຄອງ ແລະ ອົງການຈັດຕັ້ງຕ່າງໆ ຕະຫຼອດຮອດປະຊາຊົນຊາວບ້ານໃໝ່ໄຊສົມບູນ ກຸ່ມ 4 ເມືອງປາກຊ່ອງ ແຂວງຈໍາປາສັກ ໄດ້ສືບຕໍ່ສາມັກຄີກັນກໍ່ສ້າງທາງເບຕົງພາຍໃນບ້ານໄລຍະທາງຍາວ 250 ແມັດ,ກວ້າງ 5 ແມັດ ໂດຍການໃຫ້ທຶນສົມທົບທຶນກໍ່ສ້າງຂອງສະຫະກອນ


ຜູ້ຜະລິດກາເຟເຂດພູພບໍລະເວນ ຈໍານວນ100 ລ້ານກີບ ແລະ ທຶນຂອງປະຊາຊົນເອງ 70 ລ້ານກ່ວາກີບ ລວມມູນຄ່າທັງໝົດ 170 ລ້ານກ່ວາກີບ.


ການກໍ່ສ້າງເລີ່ມປັບໜ້າດິນ,ຕີແບບ ແລະເທເບຕົງແຕ່ວັນທີ 21 ສິງຫາ 2020 ມີແຮງງານ 200 ກ່ວາຄົນເຂົ້າຮ່ວມ ປະຈຸບັນໄດ້ສໍາເລັດການເທເບຕົງແລ້ວ 30% ແລະຈະດໍາເນີນໄປໃນແຕ່ລະວັນຄາດວ່າຈະໃຫ້ສໍາເລັດ 100% ພາຍໃນເວລາ 7 ວັນ.

ເຂົ້າຮ່ວມມີທ່ານ ບຸນທົງ ເທບໄກສອນ ປະທານສະປະກອນຜູ້ຜະລິດກາເຟເຂດພູພບໍລະເວນ,ທ່ານ ບຸນແຕ່ງ ວັນນະວົງ ເລຂາໜ່ວຍພັກບ້ານນາຍບ້ານພ້ອມຄະນະ ແລະປະຊາຊົນບ້ານໃໝ່ໄຊສົມບູນຂົ້າຮ່ວມ.


ນາຍບ້ານແລະປະຊາຊົນຊາວບ້ານໃໝ່ໄຊສົມບູນ ຕາງກໍມີຄວາມຮູ້ສຶກພາກພູມໃຈທີບ້ານຂອງຕົນຈະມີ #ທາງເບຕົງໄດ້ຊົມໃຊ້ເປັນຄັ້ງປະຫວັດສາດຊຶ່ງຈະສະດວກຕໍ່ການສັນຈອນໄປມາຫຼາຍກວ່າເກົ່າ.

.

ຂ່າວ,ພາບ: ເກດສະໜາ ແກ້ວສຸວັນນະແສງ