ດີ​ໃຈ​ນຳ​ເດີ້ຜູ້​ຕິດ​ເຊື້ອ​ໂຄວິດ​ຄົນ​ທີ 20 ໄດ້​ກັບ​ເຮືອນ​ແລ້ວ

ດີ​ໃຈ​ນຳ​ເດີ້ຜູ້​ຕິດ​ເຊື້ອ​ໂຄວິດ​ຄົນ​ທີ 20 ໄດ້​ກັບ​ເຮືອນ​ແລ້ວ

21st August 2020 0 By Admin

ນັບຕັ້ງແຕ່ມື້ກວດພົບຜູ້ຕິດເຊື້ອໂຄວິດ-19ເພີ່ມອີກ ໃນ ສປປ ລາວ ວັນທີ 23 ກໍລະກົດ ສິງຫາ 2020 ເຊິ່ງເປັນກໍລະນີ ທີ 20; ພາກສ່ວນກ່ຽວຂ້ອງໄດ້ນໍາຜູ້ກ່ຽວເຂົ້າຮັບການປິ່ນປົວຢູ່ໂຮງໝໍມິດຕະພາບ ຈົນມາຮອດປັດຈຸບັນເປັນເວລາ 29 ວັນພໍດີ ຫຼັງປິ່ນປົວມາດົນ ມື້ນີ້ 21 ສິງຫາ 2020 ອໍານວຍການໂຮງໝໍມິດຕະພາບເຜີຍ ທ່ານໝໍອະນຸຍາດໃຫ້ອອກໂຮງໝໍແລ້ວ ແຕ່ຕ້ອງເຂົ້າສູນຈໍາກັດບໍລິເວນ ໃຫ້ຄົບ 14 ວັນ ແລ້ວກັບມາກວດຫາເຊື້ອຄືນອີກ ຫາກບໍ່ພົບ ກໍ່ຈະສາມາດກັບໄປໃຊ້ຊີວິດປົກກະຕິໄດ້.

ໂຮງໝໍມິດຕະພາບ

ດັ່ງນັ້ນ ໃນຕອນນີ້ ສປປ ລາວ ຍັງມີຜູ້ຕິດເຊື້ອໂຄວິດ-19 ປິ່ນປົວຢູ່ໂຮງໝໍ 2ຄົນ ທີ່ຫາກໍ່ກວດພົບເຊື້ອເມື່ອວັນທີ 13 ສິງຫາ 2020 ທີ່ຜ່ານມາ. ແຕ່ທັງນີ້ທັງນັ້ນ ຕ້ອງຕິດຕາມກັນຕໍ່ໄປ ແລະ ເຝົ້າລະວັງໃຫ້ດີ ເພາະຜູ້ຕິດເຊື້ອທັງສອງແມ່ນບໍ່ສະແດງອາການ ແຕ່ມີຄວາມສ່ຽງໃນການແຜ່ເຊື້ອສູ່ຊຸມຊົນ ສະນັ້ນ ກໍ່ຕ້ອງຮັບການປິ່ນປົວຕໍ່ໄປ ຈົນກວ່າຈະກວດບໍ່ພົບເຊື້ອຈຶ່ງຈະໄດ້ອອກໂຮງໝໍ.

ຫ້ອງກວດ

ຂໍ້ມູນຈາກຄະນະສະເພາະກິດປ້ອງກັນດ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃຫ້ຮູ້ວ່າ ໃນວັນທີ 20 ສິງຫາ 2020 ມີຜູ້ເດີນທາງເຂົ້າລາວທັງໝົດ 1.927 ຄົນ ເຊິ່ງທຸກຄົຍແມ່ນຕ້ອງຜ່ານການວັດແທກອຸນຫະພູມແທກໄຂ້ ກ່ອນນໍາສົ່ງສູນຈໍາກັດບໍລິເວນໃຫ້ຄົບ 14 ວັນ. ດ້ານການກວດວິເຄາະຫາເຊື້ອ ໃນວັນດຽວກັນ ກວດຫາເຊື້ອຈໍານວນ 154 ຄົນ ເຊິ່ງຜົນກວດລ້ວນເປັນລົບທັງໝົດ ໝາຍຄວາມວ່າ 21 ສິງຫາ 2020 ບໍ່ພົບຜູ້ຕິດເຊື້ອໂຄວິດ-19 ເພີ່ມ.

ຈາກ: https://www.laothai.net/, ໂຮງໝໍມິດຕະພາບ