ດີ​ໃຈ​ນຳ! ກຸ່ມຫັດຖະກຳຈັກສານຫວາຍ ແລະ ໄມ້ປ່ອງ ບ້ານແບ່ງດ່ານ ໄດ້ຮັບກາໜາຍສິນຄ້າໜື່ງເມືອງໜື່ງຜະລິດຕະພັນ

ດີ​ໃຈ​ນຳ! ກຸ່ມຫັດຖະກຳຈັກສານຫວາຍ ແລະ ໄມ້ປ່ອງ ບ້ານແບ່ງດ່ານ ໄດ້ຮັບກາໜາຍສິນຄ້າໜື່ງເມືອງໜື່ງຜະລິດຕະພັນ

20th August 2020 0 By Admin

ພິທີປະກາດກາໜາຍສິນຄ້າໜື່ງເມືອງໜື່ງຜະລີດຕະພັນໂອດ໋ອບ ແຫ່ງຊາດ ໃຫ້ກຸ່ມຫັດຖະກຳຈັດສານຫວາຍແລະໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແຂວງສາລະວັນ ແມ່ນໄດ້ຈັດໄດ້ຂື້ນໃນຕອນເຊົ້າວັນທີ 19 ສີງຫາ 2020 ນີ້.ຢູ່ທີ່ສະໂມສອນຂອງເມືອງ ໂດຍການເຂົ້າຮ່ວມຂອງ ທ່ານ ສົມໃຈ ອຸ່ນຈີດ ກຳມະການພັກແຂວງ ເລຂາພັກເມືອງ ເຈົ້າເມືອງໆລະຄອນເພັງ ທ່ານ ແກ້ວຜາ ສີລາດວງໃຈ ຮອງເລຂາພັກ ຜູ້ຊີ້ນໍາວຽກງານການເມືອງ-ແນວຄີດ ແລະ ວຽກງານພັກພະນັກງານ ທ່ານ ຄຳຜ່ານ ສີລາວີ ຫົວໜ້າພະແນກອຸດສາຫະກຳແລະການຄ້າແຂວງສາລະວັນ.ມີບັນດາທ່ານກຳມະການພັກແຂວງ,ຫົວໜ້າພະແນກ,ຮອງພະແນກ,ຫົວໜ້າຫ້ອງການ,ຮອງຫ້ອງການ,ນັກທຸລະກິດ ແຂກຖືກເຊີນຕະຫລອດຮອດອຳນາດການປົກຄອງບ້ານກຸ່ມຫັດຖະກຳຈັດສານເຂົ້າຮ່ວມຢ່າງພ້ອມພຽງ.

ໃນໂອກາດນີ້ ທ່ານ ພົມມາ ສໍແກ້ວມະນີ ກຳມະການພັກເມືອງ ຫົວໜ້າຫ້ອງການອຸດສາຫະກຳແລະການຄ້າເມືອງໄດ້ລາຍງານໃຫ້ຮູ້ວ່າ: ກຸ່ມຫັດຖະກຳຈັດສານ ບ້ານແບ່ງດ່ານ ນີ້ ໄດ້ສ້າງຂື້ນມາເປັນໄລຍະເກືອບ 2 ທົດສະວັດ ນັບແຕ່ປີ 1979 ເປັນຕົ້ນມາ.ໃນເວລານັ້ນມີພຽງພໍ່ແມ່ເຖົ້າແກ່ພາຍໃນບ້ານໄດ້ຈັດສານອຸປະກອນຮັບໄຊ້ພາຍໃນຄອບຄົວເທົ່ານັ້ນເປັນຕົ້ນ: ສານກະຕີບເຂົ້າ,ຫວດ – ມວຍໜື້ງເຂົ້າ,ກະບຸງ,ກະຕ່າ ກະຕັງ,ກະພາ ກະດົ້ງ,ກະຂ້ອງ,ສ້ອນ,ໄຊ ແລະອື່ນໆ ເຊີ່ງເຮັດດ້ວຍໄມ້ໃຜ່,ໄມ້ປ່ອງ ແລະ ຫວາຍ,ໂດຍນຳໄຊ້ວັດຖຸດີບຈາກທຳມະຊາດ,ເບື້ອງຕົ້ນກໍ່ມີການຈັດສານຜະລິດພຽງແຕ່ຮັບໄຊ້ພາຍໃນຄອບຄົວໃຜລາວແລກປ່ຽນເຂົ້າປາອາຫານແລະຂາຍໃນວົງແຄບໂດຍວາງຈຳໜ່າຍຕໍ່ໜ້າເຮືອນຂອງໃຜລາວ ແລະ ຍັງບໍ່ທັນສ້າງເປັນກຸ່ມເທື່ອ ແຕ່ດ້ວຍສີໄມ້ລາຍມືອັນປານິປານອມແລະເປັນເອກະລັກເຮັດໃຫ້ມີຊື່ສຽງກວ້າງອອກ,ແລະ ມາຮອດປີ 1996 ໄດ້ສ້າງກຸ່ມຂື້ນໂດຍເລືອກເອົາ ແມ່ສີ ເປັນຫົວໜ້າກຸ່ມ ມີສຳມະຊິກກຸ່ມ 12 ຄອບຄົວ.

ປີ 2009 ຫາ 2010 ທາງເມືອງລະຄອນເພັງໄດ້ເຂົ້າຊ່ວຍເຫລືອກັບໂຄງການຢີ່ປຸ່ນ ເຊີ່ງເອີ້ນວ່າ : ໂອດ໋ອບ ປະກອບມີ 25 ຄອບຄົວ ໂດຍນຳໄຊ້ຕົ້ນທືນ ແລະ ມີມືແຮງງານເພື່ອເຮັດໃຫ້ຜະລິດຕະພັນຫລາກຫລາຍຂື້ນ.ປີ 2013 ໄດ້ມີການເລືອກຕັ້ງປະທານກຸ່ມໃໜ່ ເຊີ່ງແມ່ຖາໄດ້ຖືກເລືອກເປັນປະທານກຸ່ມ,ປີ 2018 ໄດ້ມີການປັບປຸງຄືນໄໜ່ ເຊີ່ງກອງປະຊຸມໄດ້ເລືອກເອົາ ນາງ ລັດດາວັນ ເປັນປະທານກຸ່ມ,ມາຮອດປະຈຸບັນ ມີສຳມາຊີກ ຈຳນວນ 39 ຄອບຄົວ ໂດຍການລວມຕົວກັນຂອງປະຊາຊົນໃນທ້ອງຖີ່ນ ຕໍ່ມາກໍ່ມີການຝືກອົບຮົມດ້ານສີມືແຮງງານ,ດ້ານການບໍລິຫານຈັດການ,ແລະໄດ້ກໍ່ສ້າງສູນວາງສະແດງສີນຄ້າຫັດຖະກຳຈັດສານຂື້ນ 1 ຫລັງ ຮູບຊົງລາວ,ມູ້ງຫຍ້າມູນຄ່າການກໍ່ສ້າງ 63 ລ້ານກວ່າກີບ,ເພື່ອປັນບ່ອນວາງຈຳໜ່າຍສິນຄ້າເພື່ອສ້າງລາຍຮັບເຂົ້າສູ່ຊີວິດຕົວຈິງຂອງພໍ່ແມ່ປະຊາຊົນບັນດາເຜົ່າໃຫ້ຫລຸດພົ້ນອອກຈາກຄວາມທຸກຍາກເຮັດໃຫ້ຊີວິດການເປັນຢູ່ນັບມື້ນັບດີຂື້ນ

.

ສຳລັບ ຫັດຖະກຳຈັກສານ ຂອງກຸ່ມຫັດຖະກຳຈັດສານຫວາຍແລະໄມ້ປ່ອງ ທີ່ໄດ້ຮັບນາມມະຍົດໃນຄັ້ງນີ້ ປະກອບມີ 6 ລາຍການ ເປັນຕົ້ນ : ກະໂຕກ,ກະຕ່າຂັນໜາກ,ຂັນຕັກບາດ,ໂຖດອກໄມ້,ຖາດວາງຈອກ ແລະ ກອ່ງໃສ່ອຸປະກອນການຂຽນ, ພ້ອມດຽວກັນນີ້້ ກໍ່ໄດ້ມອບໃບອະນຸຍາດ ນຳໄຊ້ກາໜາຍ ໜື່ງເມືອງໜື່ງຜະລິດຕະພັນ ໂອດ໋ອບ ແຫ່ງຊາດ ໃຫ້ກຸ່ມຈັກສານຫວາຍແລະໄມ້ປ່ອງ ໂດຍການກ່າວມອບ ຂອງ ທ່ານ ສົມໃຈ ອຸ່ນຈິດ ກຳມະການພັກແຂວງ ເລຂາພັກເມືອງເຈົ້າເມືອງໆລະຄອນເພັງ ກ່າວຮັບແມ່ນຕ່າງໜ້າ ກຸ່ມຫັດຖະກຳຈັດສານຫວາຍແລະໄມ້ປ່ອງ ບ້ານແບ່ງດ່ານ.ພ້ອມນີ້ໃນພິທີຍັງໄດ້ຮັບຟັງຄຳລົມຂອງທ່ານປະທານຕື່ມອິກ.ຈາກນັ້ນທ່ານຄະນະປະທານ ພ້ອມດ້ວຍແຂກເຂົ້າຮ່ວມໄດ້ຮ່ວມກັນຕັດແຖບຜ້າ ເປີດປ້າຍ ພ້ອມດ້ວຍ ລັ່ນຄ້ອງເກົ້າບາດເພື່ອສະແດງເຖິງຜົນສຳເລັດທີ່ຍາດມາໄດ້.