ກົມອຸຕຸຄາດ ລະດັບນໍ້າຊັນເຂດເມືອງບໍລິຄັນຈະສືບຕໍ່ສູງຂຶ້ນ ເນື່ອງຈາກຈະມີຝົນຕົກຕໍາເນື່ອງຮອດວັນທີ 23 ສິງຫານີ້

ກົມອຸຕຸຄາດ ລະດັບນໍ້າຊັນເຂດເມືອງບໍລິຄັນຈະສືບຕໍ່ສູງຂຶ້ນ ເນື່ອງຈາກຈະມີຝົນຕົກຕໍາເນື່ອງຮອດວັນທີ 23 ສິງຫານີ້

19th August 2020 0 By Admin

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນລະຫວ່າງວັນທີ 17-23 ສິງຫາ 2020, ລົມມໍລະສຸມຕາເວັນຕົກສ່ຽງໃຕ້ ຈະມີກຳລັງແຮງເພີ່ມຂຶ້ນ ພັດປົກຄຸມເປັນສ່ວນໃຫຍ່, ເຊິ່ງຈະເຮັດໃຫ້ເກີດມີຝົນຕົກໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ຫາ ຕົກໜັກ ແລະ ມີລົມພັດແຮງ ຢູ່ບາງທ້ອງຖິ່ນ ໃນຂອບເຂດທົ່ວປະເທດ

ພ້ອມດຽວກັນ, ລະດັບນໍ້າຊັນເຂດເມືອງບໍລິຄັນ, ເມືອງເກົ່າ ແຂວງ ບໍລິຄຳໄຊ ໄດ້ຂຶ້ນໃກ້ເຂດອັນຕະລາຍແລ້ວ ແລະ ຄາດຄະເນວ່າລະດັບນໍ້າຈະສືບຕໍ່ສູງຂຶ້ນຕື່ມອີກ.

ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າໃນເຂດພາກເໜືອ ແລະ ຜູ້ທີ່ຢູ່ອາໄສຢູ່ລຽບຕາມແມ່ນໍ້າສາຂານໍ້າຊັນ ໃຫ້ມີສະຕິຕໍ່ສະພາບນໍ້າຖ້ວມຊຸ, ດິນເຈື່ອນ ແລະ ຖ້ວມອັ່ງ ພ້ອມທັງຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມ ຂ່າວພະຍາກອນອາກາດຢ່າງເປັນປະຈຳ.

ຈາ​ກ: InsideLaos