ໂຄງການກໍ່ສ້າງເສັ້ນທາງປູຢາງ 2 ຊັ້ນ ເມືອງສະໜາມໄຊ-ປາກເຊປຽນ ແຂວງອັດຕະປື ສຳເລັດແລ້ວ 45%

ໂຄງການກໍ່ສ້າງເສັ້ນທາງປູຢາງ 2 ຊັ້ນ ເມືອງສະໜາມໄຊ-ປາກເຊປຽນ ແຂວງອັດຕະປື ສຳເລັດແລ້ວ 45%

19th August 2020 0 By Admin

ວັນທີ 18 ສິງຫາ 2020 ນີ້, ສະຫາຍ ພົນໂທ ສຸວອນ ເລືອງ ບຸນມີ ກຳມະການສູນກາງພັກ ຮອງລັດຖະມົນຕີກະຊວງປ້ອງ ກັນປະເທດ ຫົວໜ້າກົມໃຫຍ່ເສນາ ທິການກອງທັບ ພ້ອມຄະນະ ໄດ້ລົງກວດກາຄວາມຄືບໜ້າໂຄງ ການກໍ່ສ້າງເສັ້ນທາງປູຢາງ 2 ຊັ້ນ ແຕ່ເມືອງສະໜາມໄຊ ຫາ ປາກເຊປຽນ ແຂວງອັດຕະປື, ໂດຍໄດ້ຮັບຟັງການລາຍງານ ຈາກສະຫາຍ ພັນເອກ ປອ ສີພອນ ໄຊ ຄຳທອງເຫວີນ ຮອງຫົວໜ້າ ກົມຊ່າງແສງ ຫົວໜ້າທີ່ປຶກສາ ໂຄງການກໍ່ສ້າງເສັ້ນທາງດັ່ງ ກ່າວ ໃຫ້ຮູ້ວ່າ:

.

ໂຄງການກໍ່ສ້າງ ເສັ້ນທາງປູຢາງ 2 ຊັ້ນ ແຕ່ເມືອງ ສະໜາມໄຊ ຫາປາກເຊປຽນ ໂດຍແມ່ນກົມຊ່າງແສງ ເປັນເຈົ້າ ຂອງໂຄງການມີໄລຍະທາງຂອງ ການກໍ່ສ້າງທັງໝົດ 50,50 ກິໂລ ແມັດ, ເຊິ່ງເປັນທາງຫຼວງຂອງ ແຂວງ ອັດຕະປື ເລກທີ 9003 ຢູ່ເມືອງສະໜາມໄຊ, ເປັນເສັ້ນ ທາງລຽບຕາມແມ່ນຳ້ເຊກອງ ໂດຍຜ່ານ 9 ບ້ານຄື: ບ້ານຫາດ ຍາວ, ບ້ານຫີນສົມບັດ, ບ້ານນ້ຳ ກົງ, ບ້ານຫາດໄຊສູງ, ບ້ານຄັນ ໝາກນາວ, ບ້ານບຸ່ງແກ້ວ, ບ້ານ ຕະເງົາ, ບ້ານສົ້ມປ່ອຍ ແລະ ບ້ານ ຫາດໃຫຍ່, ໂດຍມີຈຸດເລີ່ມຕົ້ນຂອງການກໍ່ສ້າງຢູ່ສາມແຍກ ບ້ານຫາດຍາວ ຫາປາກເຊປຽນ, ເສັ້ນທາງດັ່ງກ່າວມີຂົວທັງໝົດ 15 ແຫ່ງ.

.

ໃນນັ້ນ, ຂົວເບຕົງອັດ ແຮງ 14 ແຫ່ງ ແລະ ຂົວເບຕົງເສີມ ເຫຼັກ 1 ແຫ່ງ ມີລວງຍາວທັງໝົດ 599,00 ແມັດ, ການກໍ່ສ້າງແບ່ງ ເປັນ 2 ໄລຍະ ຄື: ໄລຍະທີ 1 ມີ ມູນຄ່າການກໍ່ສ້າງ 230 ຕື້ 439 ລ້ານກວ່າກີບ, ໄລຍະທີ 2 ມີມູນຄ່າ 166 ຕື້ 555 ລ້ານກວ່າກີບ, ໂດຍແມ່ນທຶນຂອງລັດຖະບານ 100% ໄລຍະການກໍ່ສ້າງແມ່ນ 4 ປີ ເລີ່ມແຕ່ປີ 2019-2023 ຈຶ່ງຈະສຳເລັດ, ສໍາລັບຜູ້ຮັບເໝົາ ກໍ່ສ້າງ ມີ 2 ບໍລິສັດຄື: ບໍລິສັດ ສີ ສະເກດກໍ່ສ້າງເຄຫາ-ຂົວທາງ ແລະ ຊົນລະປະທານຈຳກັດ ຮັບ ເໝົາ ໄລຍະທີ 1 ແຕ່ກິໂລແມັດ 00+000 ກິໂລແມັດ 33,500 (ເລີ່ມແຕ່ສາມແຍກບ້ານຫາດ ຍາວ-ເຂດບ້ານສົ້ມປ່ອຍ) ລວງ ຍາວ 33,50 ກິໂລແມັດ, ມີຂົວ 10 ແຫ່ງ, ຂົວເບຕົງອັດແຮງ 2 ແຫ່ງ,

.

ຂົວເບຕົງເສີມເຫຼັກ 8 ແຫ່ງ, ລວງຍາວຂອງຂົວ 307,06 ແມັດ, ລວມມູນຄ່າ 286 ຕື້ 668 ລ້ານກວ່າກີບ ປັດ ຈຸບັນວຽກການກໍ່ສ້າງໄລຍະທີ 1 ສໍາເລັດ 54,94%, ໄລຍະທີ 2 ສຳເລັດ 36,26%, ສ່ວນໄລຍະທີ 2 ແມ່ນບໍລິສັດບຸບຜາ ພັດທະ ນາກໍ່ສ້າງເຄຫາສະຖານຂົວທາງ ແລະ ສຳຫຼວດ-ອອກແບບ ຈຳກັດ ຜູ້ດຽວ ເປັນຜູ້ຮັບເໝົາ ກໍ່ສ້າງ ເລີ່ມແຕ່ກິໂລແມັດ 33+55 ຫາ ກິ ໂລແມັດ 50+500 (ແຕ່ເຂດບ້ານ ສົ້ມປ່ອຍ ຫາປາກເຊປຽນ) ຄວາມຍາວ 17,00 ກິໂລແມັດ, ມີຂົວ 8 ແຫ່ງ, ຂົວເບຕົງອັດແຮງ 6 ແຫ່ງ, ຂົວເບຕົງເສີມເຫຼັກ 2 ແຫ່ງ, ລວມມູນຄ່າ 133 ຕື້ 230 ລ້ານກວ່າກີບ, ມາຮອດປັດຈຸບັນ ວຽກການກໍ່ສ້າງໄລຍະທີ 1 ສໍາ ເລັດ 57,61%, ໄລຍະທີ 2 ສຳ ເລັດ 18,85%,

.

ສັງລວມຄວາມ ຄືບໜ້າທັງສອງສັນຍາ (ກິໂລ ແມັດ 00-ກິໂລແມັດ 55,5) ໄລ ຍະທີ 1 ແລະ ໄລຍະທີ 2 ມາຮອດ ປັດຈຸບັນສຳເລັດແລ້ວ 45,16%, ທຽບໃສ່ແຜນການສາມາດປະຕິ ບັດໄດ້ລື່ນຄາດໝາຍ 4,00%. ໂອກາດທີ່ລົງເຄື່ອນໄຫວກວດ ກາໂຄງການດັ່ງກ່າວ, ສະຫາຍ ຫົວໜ້າກົມໃຫຍ່ເສນາທິການ ກອງທັບ ໄດ້ສະແດງຄວາມຍ້ອງ ຍໍຊົມເຊີຍຕໍ່ຄະນະຮັບຜິດຊອບ ຊີ້ນຳໂຄງການ ແລະ ບໍລິສັດຜູ້ຮັບ ເໝົາທີ່ໄດ້ເອົາໃຈໃສ່ທຸ່ມເທເຫື່ອ ແຮງສະຕິປັນຍາເຂົ້າໃນການກໍ່ ສ້າງເສັ້ນທາງດັ່ງກ່າວ ເຮັດໃຫ້ ໂຄງການດຳເນີນໄປຕາມແຜນ ການ ແລະ ສໍາເລັດໄດ້ລື່ນຄາດ ໝາຍທີ່ວາງໄວ້, ພ້ອມທັງເນັ້ນ ຕື່ມໃຫ້ສືບຕໍ່ຊີ້ນຳລົງເລິກໃກ້ຊິດ ຕິດແທດ, ປະສານສົມທົບກັບພາກ ສ່ວນທີ່ກ່ຽວຂ້ອງລົງກວດກາຢ່າງເປັນປະຈຳ ເຮັດໃຫ້ການກໍ່ ສ້າງບັນດາໜ້າວຽກຕ່າງໆ ໄດ້ ຕາມມາດຕະຖານເຕັກນິກຂອງ ໂຄງການ,

.

ຢ່າງໃດກໍຕາມ ເຖິງວ່າ ຈະພົບຄວາມຫຍຸ້ງຍາກປານໃດ ກໍຕາມໃຫ້ພ້ອມກັນອົດທົນຜ່ານ ຜ່າເຮັດໜ້າທີ່ການເມືອງຂອງ ຕົນທີ່ພັກ-ລັດ ກໍຄືກອງທັບມອບ ໝາຍໃຫ້ ເພື່ອເຮັດໃຫ້ການກໍ່ສ້າງ ເສັ້ນທາງດັ່ງກ່າວສາມາດດຳ ເນີນໄປຕາມແຜນການ ແລະ ບັນລຸຜົນສຳເລັດຕາມຈຸດປະສົງຄາດໝາຍທີ່ວາງໄວ້.