ທ່ານເຈົ້າແຂວງສາລະວັນ ຕ້ອນຮັບອາດີດກົງສູນໃຫຍ່ ແຫ່ງຣາຊະອານາຈັກໄທ

ທ່ານເຈົ້າແຂວງສາລະວັນ ຕ້ອນຮັບອາດີດກົງສູນໃຫຍ່ ແຫ່ງຣາຊະອານາຈັກໄທ

19th August 2020 0 By Admin

ໃນວັນທີ 18 ສິງຫາ 2020 ນີ້, ຢູ່ທີ່ຫ້ອງຮັບຮອງສະໂມສອນແຂວງ, ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ ພ້ອມຄະນະ, ມີບັນດາທ່ານຮອງເຈົ້າແຂວງໆສາລະວັນ, ຫົວໜ້າຫ້ອງວ່າການປົກຄອງແຂວງ ແລະຕາງໜ້າພະແນກການທີ່ກ່ຽວຂ້ອງ ໄດ້ຕ້ອນຮັບ ທ່ານ ວໍຣະວຸດ ພົງປະພາພັນ ອາດີດກົງສູນໃຫຍ່ ແຫ່ງຣາຊະອານາຈັກໄທ ປະຈຳແຂວງສະຫວັນນາເຂດ

ຈຸດປະສົງໃນການມາຢ້ຽມຢາມຄັ້ງ ກໍ່ເພື່ອສະແດງຄວາມຂອບໃຈຕໍ່ການຮ່ວມມືຂອງແຂວງສາລະວັນ ໃນການດຳເນີນພາລະກິດລະຫວ່າງການດຳລົງຕໍາແໜ່ງຂອງກົງສູນໃຫຍ່ ກໍ່ຄືການພົວພັນອັນສະໜິດແໜ້ນ ລະຫວ່າງຣາຊະອານາຈັກໄທ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໃກ້ຊິດຕິດແຟ້ນຍີ່ງຂຶ້ນ ແລະ ເປັນການເຂົ້າຢ້ຽມອຳລາພົ້ນຈາກຕໍາແໜ່ງ

ຈາກນັ້ນ ທ່ານ ສີສຸວັນ ວົງຈອມສີ ເຈົ້າແຂວງສາລະວັນ ແລະ ທ່ານ ວໍຣະວຸດ ພົງປະພາພັນ ອາດີດກົງສູນໃຫຍ່ ແຫ່ງຣາຊະອານາຈັກໄທ ປະຈຳແຂວງສະຫວັນນະເຂດ ກໍໄດ້ມອບຂອງຂວັນ ເປັນທີ່ລະລຶກໃຫ້ກັນ ແລະ ກັນ, ພ້ອມດຽວກັນນັ້ນຕາງໜ້າພະແນການທີ່ກ່ຽວຂ້ອງ ກໍ່ໄດ້ນຳພາ ທ່ານ ວໍຣະວຸດ ພົງປະພາພັນ ອາດີດກົງສູນໃຫຍ່ ແຫ່ງຣາຊະອານາຈັກໄທ ທ່ຽວຊົມຫໍໄຕປີດົກກາງນໍ້າ(ວັດສີມຸງຄຸນ) ບ້ານວັດກາງ ເມືອງ ແລະແຂວງສາລະວັນ.