ມອບສັດລຽ້ງໃຫ້ກັບພໍ່ແມ່ປະຊາຊົນ 6 ບ້ານ ໃນເມືອງບົວລະພາ ແຂວງ ຄຳ​ມ່ວນ

ມອບສັດລຽ້ງໃຫ້ກັບພໍ່ແມ່ປະຊາຊົນ 6 ບ້ານ ໃນເມືອງບົວລະພາ ແຂວງ ຄຳ​ມ່ວນ

18th August 2020 0 By Admin

ໃນຕອນບ່າຍຂອງວັນທີ່ 17 ສີງຫາ 2020 ທີ່ຜ່ານມານີ້ ຢູ່ທີ່ ຫ້ອງການກະສິກໍາ – ປ່າໄມ້ເມືອງໆບົວລະພາ ໄດ້ຈັດພິທີມອບ-ຮັບໄກ່ໃຫ້ກັບພໍ່ເມ່ປະຊາຊົນ 6 ບ້ານ ຄື:ບ້ານ ໂສຍ, ບ້ານ ໂພນສັງໄພ, ບ້ານ ກະແຕ້, ບ້ານ ແກ້ງວັກ, ບ້ານ ກາງ, ແລະ ບ້ານ ແກ້ງຍາລວນ ເມືອງບົວລະພາ,

.

ເຊີ່ງໄດ້ຮັບຈາກການຊ່ວຍເຫລືອລັດຖະບານລາວເພື່ອຊ່ວຍເຫລືອນໍ້າຄອບຄົວທີ່ຖືກຜົນກະທົບຈາກໄພພິບັດໃນປີ 2019 ເຊິ່ງໄກ່ທີ່ມາມອບໃນຄັ້ງນີ້ມີທັງໜົດ 441ໂຕ ໂດຍການມອບ – ຮັບຂອງທ່ານ ຄຳຮູ້ ວົງພະຈັນ ຫົວໜ້າຫ້ອງການກະສິກຳ ແລະ ປ່າໄມ້ເມືອງເປັນຜູ້ມອບ ເເລະ ຮັບໂດຍນາຍ ບ້ານ 6 ບ້ານ ເປົ້າໜາຍໃນພິທີການມອບ – ຮັບ,ໄດ້ໃຫ້ກຽດເຂົ້າຮ່ວມຂອງ ທ່ານ ບຸນກ້ວາງ ແກ້ວບຸນຍົງ ເຈົ້າເມືອງໆບົວລະພາ ພ້ອມດ້ວຍບັນດາພະນັກງານທີ່ກຽ້ວຂ້ອງ ພາຍໃນເມືອງເຂົ້າຮ່ວມນຳອີກດ້ວຍ,

ໃນການມອບຮັບໄກ່ຄັ້ງນີ້ ທ່ານ ຄຳຮູ້ ວົງພະຈັນ ຫົວໜ້າຫ້ອງການກະສິກຳ ແລະ ປ່າໄມ້ ເມືອງໄດ້ແນະນຳວິທີລຽ້ງໄກ່ ແລະ ການປົກປັກຮັກສາໄກ່ເປັນຕົ້ນແມ່ນເອົາໃຈໃສ່ໃນການສັກຍາ ຮັກສາໄກ່ ຕ້ອງເອົາໃຈໃສ່ ຍອດຍາເປັນກະຕິ ເພື່ອເຮັດໃຫ້ໄກ່ມີພູມຕ້ານທານ ປອດຈາກເຊື່ອພະຍາດທີ່ຈະເກີດຂື້ນຕາມລະດູການ

.

ໃນພິທີຄັ້ງນີ້ ທ່ານ ບຸນກ້ວາງ ແກ້ວບຸນຍົງ ເຈົ້າເມືອງບົວລະພາ ກໍ່ໄດ້ໂອ້ລົມ ແລະ ໃຫ້ທິດຊີ້ນຳ ໃນນັ້ນ ທ່ານ ໄດ້ຮຽກຮ້ອງໃຫ້ພໍ່ແມ່ປະຊາຊົນຕ້ອງເອົາໃຈໃສ່ ໃນການປົກປັກຮັກສາເບີ່ງແຍງໄກ່ໃຫ້ເປັນຍ່າງດີເພື່ອໃຫ້ມີຜົນພະລິດທີດີເພື່ອກ່າຍເປັນສີນຄ້າ ແລະ ເປັນສະບຽນອາຫານໃຫ້ເເກ່ພໍ່ແມ່ປະຊາຊົນໃນອານະຄົດຕໍ່ໜ້າ.

.