ໂບກມືລາມະນຸດເງິນເດືອນ ສູ່ອາຊີບກະສິກຳ ມີລາຍໄດ້ເດືອນລະ 20 ກວ່າລ້ານ

ໂບກມືລາມະນຸດເງິນເດືອນ ສູ່ອາຊີບກະສິກຳ ມີລາຍໄດ້ເດືອນລະ 20 ກວ່າລ້ານ

29th November 2019 0 By Admin

ວັນນີ້, ແອັດມິນ ຈະນຳສະເໜີບົດຄວາມດີ ເຊິ່ງແອັດມິນເຊື່ອວ່າ ຈະເປັນອີກໜຶ່ງຊ່ອງທາງ ໃນການປະກອບອາຊີບ ເພື່ອສ້າງລາຍໄດ້ໃຫ້ກັບຄອບຄົວໄດ້ເປັນຢ່າງດີ ເຖິງຊີວິດການເປັນຢູ່ຈະບໍ່ໄດ້ຫຼູຫຼາ ແຕ່ກໍ່ມີຄວາມສຸກ, ໄດ້ຢູ່ກັບຄອບຄົວ ມີລາຍໄດ້ທຸກມື້ ດັ່ງເລື່ອງລາວຂອງຄູ່ຜົວ-ເມຍ ທ່ານນີ້ ທີ່ອຸດອນທານີ ປະເທດເພື່ອນບ້ານຂອງເຮົານັ້ນເອງ.

ຄູ່ຜົວເມຍ ທີ່ມັກການຄ້າຂາຍ ແລະ ຄວາມທ້າທາຍ ມີເງິນເດືອນລວມກັນເກືອບເຖິງ 100.000 ບາດ ແຕ່ຕັດສິນໃຈອຳລາອາຊີບເງິນເດືອນໃນເມືອງໃຫຍາ, ເດີນທາງຕາມຄວາມຝັນ ດ້ວຍການສ້າງສວນໄມ້ໄຜ່ຈໍານວນ 9 ໄລ່ ຢູ່ອຸດອນທານີ, ເກັບໜໍ່ໄມ້ຂາຍມື້ລະ 30 ກິໂລ ພ້ອມກິ່ງ (ແນວປູກ) ສະເລ່ຍລາຍໄດ້ເດືອນລະປະມານ 75.000 ບາດ ຫຼື 22 ລ້ານກີບ. ຊີວິດມີຄວາມສຸກ ຢູ່ກັບຄອບຄົວ, ລູກຊາຍ 2 ຄົນ ໃຊ້ຊີວິດແບບບ້ານໆ ແຖມຍັງໄດ້ເກິນຂອງດີໆຈາກທຳມະຊາດຕະຫຼອດທັງປີ; ນີ້ແລະເພີ່ນວ່າຄວາມສຸກມັນຂຶ້ນກັບເຮົາເອງເປັນຢູ່ສ້າງ, ໃຊ້ຊີວິດຢູ່ໃນຄວາມພໍດີ.


ຜົວເມຍຄູ່ນີ້ ໄດ້ໃຫ້ສຳພາດຜ່ານເວັບໄຊດັງໜຶ່ງຂອງໄທເຜີຍວ່າ: ນາງເພັນສິຣິ ລະລິດວິພາດ ຫຼື ໂບ ອາຍຸ 37 ປີ ເຊິ່ງເປັນພັນລະຍາຂອງ ທ້າວ ສົມເຈດ ຫຼື ສິງ, ທັງສອງເປັນເຈົ້າຂອງສວນໄມ້ໄຜ່ ບ້ານທຸງ, ຈັງຫວັດອຸດອນທານີເລົ່າວ່າ: ແຕ່ກ່ອນສາມີເຄີຍເຮັດວຽກດ້ານຄອມພິວເຕີ 14 ປີ, ມີໜ້າທີ່ເປັນອາຈານສອນລະບົບເຊີເວີ ຢູ່ບໍລິສັດແຫ່ງໜຶ່ງໄດ້ເງິນເດືອນປະມານ 60.000 ບາດ ຫຼື 18 ລ້ານກີບ. ສ່ວນພັນລະຍາ ຈົບການບັນຊີ ຈາກມະຫາວິທະຍາໄລ ເທັກໂນໂລຊີຣາດຊະມົງຄຸນ ເຮັດທຸລະກິດສ່ວນຕົວ, ຂາຍງານ ຕຸກກະຕາປູນປລາສເຕີລະບາຍສີ ແລະ ກະເປົ໋າຜ້າຫຼຸດໂລກຮ້ອນ ເຊິ່ງລວມລາຍໄດ້ 2 ຄົນຕໍ່ເດືອນເກືອບ 1 ແສນບາດ.


ຢ່າງໃດກໍ່ຕາມກໍ່ເຖິງວ່າ ໂບບອກວ່າ: ເຖິງຈະມີລາຍຂ້ອນຂ້າງດີ ແຕ່ບໍ່ມັກການໃຊ້ຊີວິດໃນເມືອງໃຫຍ່ ເພາະມັກກົງກັນຂ້າມກັບການວາງແຜນບັ້ນປາຍຊີວິດໄວ້ວ່າ ຢາກມີຄອບຄົວທີ່ອົບອຸ່ນ, ຢາກລ້ຽງລູກເອງ ແລະ ທີ່ສຳຄັນຢາກປະກອບອາຊີບອິດສະຫຼະ ນີ້ຄືແຮງບັນດານໃຈ ທີ່ທັ້ງຄູ່ຜັນຕົວມາເປັນຊາວກະສິກອນ.


ຈາກນັ້ນ, ສອງຜົວເມຍ ກໍ່ຄ່ອຍໆເກັບເງິນສະສົມມາເລື້ອຍໆເພື່ອຊື້ທີ່ດິນຢູ່ ຕຳບົນບ້ານຂາວ, ອຳເພີເມືອງ ຈັງຫວັດ ອຸດອນທານີ ປະມານ 10 ປີແລ້ວ, ມີທີ່ດິນ 80 ໄລ່. ເຊິ່ງຕອນນັ້ນຍັງບໍ່ທັນປູກໄມ້ໄຜ່ ແຕ່ປູກອ້ອຍ 50 ໄລ່, ລົງທຶນເກືອບ 6 ແສນບາດ, ປູກໄດ້ 4 ປີ ຫຼຸບທຶນສະສົມ 4 ແສນບາດ. ຈາກນັ້ນ, ຈຶ່ງເຊົາປູກອ້ອຍ ຫັນມາປູກໄມ້ໄຜ່ແທນ.

 


ໂບ ບອກວ່າ: ໄລຍະທຳອິດ ທີ່ຕັດສິນປູກອ້ອຍ ເພາະເຫັນຄົນແຖວບ້ານວ່າປູກອ້ອຍຂາຍໄດ້ລາຄາດີ ກໍ່ເລີຍຫັນມາປູກອ້ອຍ ແຕ່ປາກົດວ່າຫຼຸບທຶນ. ຕົກມາປີ 2010 ຕົນເອງ ແລະ ຄອບຄົວມາຮັກສາເອງ ແລະ ຫຼຸດພື້ນທີ່ປການປູກອ້ອຍຈາກ 50 ໄລ່ ຍັງເຫຼືອພຽງ 17 ໄລ່. ຈາກນັ້ນ, ກໍ່ເລີ່ມເຫັນກຳໄລໄລ່ລະ 4.000 ບາດ ຫຼື 1.2 ລ້ານກີບ
ໂບ ກ່າວຕື່ມອີກວ່າ: ເຖິງວ່າການປູກອ້ອຍ ຈະໄປໄດ້ດີ ແຕ່ການປູກອ້ອຍສ້າງລາຍໄດ້ປີລະໜຶ່ງຄັ້ງ ເລີຍຄິດວ່າຈະປູກພືດຊະນິດໜຶ່ງ ທີ່ສາມາດຂາຍໄດ້ຕະຫຼອດທັງປີ ແລະ ຄົນມັກກິນກໍ່ຄື “ໜໍ່ໄມ້”


ກ່ອນທີ່ຕັດສິນໃຈມາປູກໄຜ່ ແມ່ນເລີ່ມມາຈາກ ການຫາຂໍ້ມູນຕາມອິນເຕີເນັດ, ເບິ່ງໃນເຟສບຸກ ແລະ ໄປສຶກສາຕາມທີ່ຕ່າງໆ ຕົນມາເຖິງປີ 2011 ເລີ່ມປູກໄມ້ໄຜ່ ເພາະໄດ້ພັນໄຜ່ກິມຊຸມມາຟຣີ ເຊິ່ງນັ້ນເປັນຈຸດເລີ່ມຕົ້ນສູ່ອາຊີບຊາວກະສິກອນຢ່າງຈິງຈັງ.
ສຳລັບໄມ້ໄຜ່ ທີ່ນຳມາປູກຈະມີຫຼາຍຊະນິດເຊັ່ນ: ໄຜ່ກິມຊຸງ, ບົງຫວານເພັດເຜິ້ງ ແລະ ໄຜ່ສາລະວິນ ເຊິ່ງພື້ນທີ່ປູກເກືອບ 9 ໄລ່, ລົງທຶນປະມານ 1-2 ໜຶ້ນບາດ ຫຼື ປະມານ 6 ລ້ານກີບຕໍ່ 1 ໄລ່, 1ໄລ່ ປູກໄຜ່ໄມ້ໄດ້ປະມານ 100-200 ຕົ້ນ ເບິ່ງແຍງບໍ່ຮອດປີ ກໍ່ສາມາດເກັບໜໍ່ຂາຍໄດ້.


ໂບ ກ່າວຕື່ມວ່າ: ສຳລັບໄມ້ໄຜ່ ແຕ່ລະພັນ ມັນຈະມີຄວາມແຕກຕ່າງກັນ ເຊິ່ງໄຜ່ກິມຊຸງ ແມ່ນກິນນໍ້າຫຼາຍ, ໃບຫຼາຍ ແລະ ໜາ. ເຊິ່ງໄຜ່ຊະນິດນີ້ຕ້ອງການນໍ້າຫຼາຍ. ສະນັ້ນ,ຈະເກັບຂາຍໃນຊ່ວງລະດູຝົນ ເຊິ່ງຈະຂາຍຢູ່ທີ່ກິໂລລະ 20 ບາດ. ໄຜ່ສາລະວິນ ກິນນໍ້ານ້ອຍ ຂາຍກິໂລລະ 30 ບາດ, ຖ້ານຳມາເຮັດເປັນໜໍ່ໄມ້ສົ້ມ, ເຮັດໜໍ່ດອງ ຈະຂາຍຢູ່ທີ່ປະມານ 50 ບາດ/ກິໂລ. ສ່ວນບົງຫວານເພັດນໍ້າເຜິ້ງ ຈະນິຍົມກິນແບບສົດໆ ເຊິ່ງຈະຂາຍປະມານກິໂລລະ 80-100 ບາດ.


ໂບ ບອກວ່າ: ລາຍໄດ້ຈາກຂາຍໜໍ່ໄມ້ ຈະຕົກເດືອນໜຶ່ງປະມານ 7.000-75.000 ບາດ ຫຼື ປະມານ 22 ລ້ານກີບ/ເດືອນ. ເຊິ່ງໃນອະນາຄົດ ຈະຂະຫຍາຍພື້ນທີ່ປູກໄຜ່ບົງຫວານ ແລະ ສ້າງກິດຈະກຳ ເປີດສູນຮຽນຮູ້ທາງການກະເສດ ແນະນຳຄວາມຮູ້ທາງດ້ານການກະເສດ ເຮັດໄດ້ຈິງ ຂາຍໄດ້ຈິງ!!!