ຊາວຫນຸ່ມລາວ ພ້ອມກັນລະນຶກເຖີງວິລະຊົນສີທອງ

ຊາວຫນຸ່ມລາວ ພ້ອມກັນລະນຶກເຖີງວິລະຊົນສີທອງ

18th August 2020 0 By Admin

ວັນທີ 18 ສິງຫາ 2020 ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ນຳໂດຍ ທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິ ຫານງານ ສຊປລ ແລະ ຄະນະ ໄດ້ໄປວາງກະຕ່າດອກໄມ້ຢູ່ອານຸສາວະລີວິລະຊົນ ສີທອງ ຢູ່ເມືອງສັງທອງ, ນະຄອນ ຫລວງວຽງຈັນ.

.

ຈຸດປະສົງເພື່ອລະນຶກເຖິງວັນຄ້າຍວັນເກີດຂອງ ວິລະ ຊົນ ສີທອງ ຄົບຮອບ 95 ປີ ( 09 ສິງຫາ 1925 – 09 ສິງຫາ 2020) ແລະ ລະນຶກເຖິງຄຸນງາມຄວາມດີຂອງ ວິລະຊົນ ສີທອງ ທີ່ອົງອາດກ້າຫານໄດ້ເສຍສະຫຼະຊີວິດເພື່ອຄວາມເປັນເອກະລາດຂອງປະເທດຊາດຂອງປະຊາ ຊົນບັນດາເຜົ່າ ແລະ ຄວາມເປັນແບບຢ່າງທີດີ.


ວິລະຊົນ ສີທອງ ສົມແລ້ວທີ່ເປັນວິລະຊົນແຫ່ງຊາດ. ຕະຫຼອດຊີວິດຂອງທ່ານແມ່ນໄດ້ອຸທິດຕົນໃຫ້ແກປະເທດ ຊາດ, ສົມແລ້ວທີ່ເປັນລູກຮັກຫຼານແພງຜູ້ປະເສີດຂອງປະຊາຊົນລາວບັນດາເຜົ່າເປັນພະນັກງານ-ເປັນນັກຮົບຜູ້ອົງອາດກ້າຫານຂອງກອງທັບລາວອິດສະຫຼະກໍ່ຄືກອງ ທັບປະຊາຊົນລາວໃນປັດຈຸບັນ


ວິລະຊົນ ສີທອງ ເປັນນັກຕໍ່ສູ້ກູ້ຊາດທີ່ໄດ້ຜ່ານການທົດສອບ, ລຳບາກ, ຄວາມເສຍສະຫຼະນາໆປະການເພື່ອອຸທິດໃຫ້ແກ່ປະເທດຊາດເຊິ່ງເລີ່ມຈາກນັກຮັກຊາດກາຍ ເປັນນັກຮົບວິລະຊົນທີ່ກ້າແກ່ນ. ໃນໂອກາດນີ້ ຄະນະນຳ ສຊປລ ພ້ອມດ້ວຍຄະນະຍັງໄດ້ເຂົ້າຢ້ຽມຢາມຄອບຄົວຂອງວິລະຊົນ ສີທອງ ຕື່ມອີກ.

.

Cr: ສູນກາງຊາວຫນຸ່ມ