ເຊີນທ່ຽວຊົມງານວາງສະແດງສິນຄ້າໂອດ໊ອບ ແລະ ສິນຄ້າຄອບຄົວຕົວແບບຂອງນະຄອນຫຼວງວຽງຈັນ ຄັ້ງທີ VII

ເຊີນທ່ຽວຊົມງານວາງສະແດງສິນຄ້າໂອດ໊ອບ ແລະ ສິນຄ້າຄອບຄົວຕົວແບບຂອງນະຄອນຫຼວງວຽງຈັນ ຄັ້ງທີ VII

18th August 2020 0 By Admin

ເຊີນທ່ຽວຊົມງານວາງສະແດງສິນຄ້າໂອດ໊ອບ ແລະ ສິນຄ້າຄອບຄົວຕົວແບບຂອງນະຄອນຫຼວງວຽງຈັນ ຄັ້ງທີ VII ປະຈຳປີ 2020 ໂດຍເປີດແຕ່ມື້ນີ້ ເຖິງວັນທີ 23 ສິງຫາ 2020 ທີ່ສູນການຄ້າລາວ-ໄອເຕັກຫຼັງເກົ່າ ໂດຍໃສ່ສະໂລແກນ ລາວຊ່ວຍລາວ ຊົມໃຊ້ຜະລິດຕະພັນລາວ.​

ງານວາງສະແດງສິນຄ້າໂອດ໊ອບ ແລະ ສິນຄ້າຄອບຄົວຕົວແບບຂອງ ນວ ຄັ້ງທີ VII ປະຈຳປີ 2020 ປີນີ້ ມີຫົວໜ່ວຍທຸລະກິດເຂົ້າຮ່ວມທັງໝົດ 118 ຫົວໜ່ວຍ, ມີ 157 ຫ້ອງ ແລະ 20 ເຕັ້ນ, ທຽບໃສ່ປີ 2019 ຜ່ານມາມີຫົວໜ່ວຍທຸລະກິດເຂົ້າຮ່ວມ 144 ຫົວໜ່ວຍ ເຫັນວ່າຫຼຸດລົງ 18% ສາຍເຫດເນື່ອງຈາກຫົວໜ່ວຍທຸລະກິດພົບບັນຫາການລະບາດຂອງພະຍາດໂຄວິດ-19.

.

ໃນນີ້,​ ມີຫົວໜ່ວຍສິນຄ້າໂອດ໊ອບ ຂອງ ນວ 38 ຫົວໜ່ວຍ, ສິນຄ້າຂອງຕ່າງແຂວງ 33 ຫົວໜ່ວຍ, ສິນຄ້າຄອບຄົວຕົວແບບ 39 ຫົວໜ່ວຍ, ສິນຄ້າອຸດສາຫະກຳປຸງແຕ່ງ ແລະ ຫັດຖະກຳ ຈຳນວນ 4 ຫົວໜ່ວຍ, ສິນຄ້າກະສິກຳປະເພດເບ້ຍໄມ້ 20 ເຕັ້ນ, ຂະແໜງການທ່ອງທ່ຽວ 3 ຫົວໜ່ວຍ ແລະ ທະນາຄານ 1 ຫົວໜ່ວຍ.

.

ໃນງານວາງສະແດງສິນຄ້າໂອດ໊ອບ ແລະ ສິນຄ້າຄອບຄົວຕົວແບບຄັ້ງນີ້ ນອກຈາກງານວາງສະແດງ ແລະ ຈຳໜ່າຍສິນຄ້າແລ້ວ ພາຍໃນງານຍັງໄດ້ມີການຈັດສຳມະນາໃຫ້ຫົວໜ່ວຍສິນຄ້າທີ່ໄດ້ຮັບກາໝາຍ ODOP ແລະ ຫົວໜ່ວຍຄອບຄົວຕົວແບບ ໃນຫົວຂໍ້: 1) ເສດຖະກິດໂລກ ແລະ ສປປ ລາວ ຫຼັງພະຍາດໂຄວິດ-19; 2) ການນຳໃຊ້ທືນສົ່ງເສີມ SME ເພື່ອການຟື້ນຟູທຸລະກິດ ຫຼັງໂຄວິດ-19.