ອຸ​ທາ​ຫອນ! ບໍ່​ຄວນ​ໃຫ້​ເດັກ​ນ້ອຍຫຼິ້ນ​ນ້ຳ​ຄົນ​ດຽວ ພຽງ​ສ້ຽວ​ວິ​ນາ​ທີ​ກໍ​ພາດ​ໄດ້ ເດັກ​​ຈົມ​ນ້ຳ​ໃນ​ອ່າງ​ຢາງ

ອຸ​ທາ​ຫອນ! ບໍ່​ຄວນ​ໃຫ້​ເດັກ​ນ້ອຍຫຼິ້ນ​ນ້ຳ​ຄົນ​ດຽວ ພຽງ​ສ້ຽວ​ວິ​ນາ​ທີ​ກໍ​ພາດ​ໄດ້ ເດັກ​​ຈົມ​ນ້ຳ​ໃນ​ອ່າງ​ຢາງ

17th August 2020 0 By Admin

ວັນນີ້ (10 ສິງຫາ ພສ 2563) ຕຳລວດ ສພ ບາງບົວທອງ ຮັບແຈ້ງເຫດເດັກນ້ອຍຈົມນໍ້າເສຍຊີວິດພາຍໃນຫມູ່ບ້ານຈັດສັນແຫ່ງຫນຶ່ງໃນ ຄຸ້ມບ້ານບາງບົວທອງ ເມືອງ ບາງບົວທອງ ແຂວງນົນທະບູລີ ຕຳລວດໄດ້ລົງໄປກວດສອບບ່ອນເກີດເຫດ ເປັນບ້ານດ່ຽວ2ຊັ້ນ ແລະພົບກັບ ນາງສາວນີ (ນາມສົມຫມຸດ)ອາຍຸ32ປີ ນັ່ງຮ້ອງໄຫ້ອຸ້ມຮ່າງໄຮ້ລົມຫາຍໃຈຂອງ ເດັກຊາຍ ຖະນັດ ລູກຊາຍໄວ1ປີ 6ເດືອນ ຫມໍຈຶ່ງຂອງໃຫ້ ນາງສາວ ນີ ວາງຮ່າງຂອງລູກຊາຍລົງກັບພຶ້ນເພື່ອທີ່ຈະຈຳລອງເຫດການ ເບື້ອງຕົ້ນບໍ່ພົບບາດແຜຕາມຮ່າງກາຍ ໂດຍນາງສາວ ນີ ໃຫ້ຂໍ້ມູນວ່າລູກຊາຍຈົກຊາຍຈມນໍ້າເສຍຊີວິດໃນບໍ່ປາຄາບ

ຈາກການກວດສອບທີ່ເກີດເຫດ ດຊ ຖະນັດ ເສຍຊີວິດ ເປັນບໍ່ລ້ຽງປາຂະຫນາດຄວາມກວ້າງ 1,20cm ຍາວ3,50cm ເລືກ80cm ພາຍໃນບໍ່ປາຍັງຫມາກບານສີ ຟູຢູ່ ຄິດວ່າ ດຊ ຖະນັດ ນ່າຈະກົ້ມຈັບຫມາກບານ ກ່ອນຈະຕົກລົງໄປໃນບໍ່ປາຈົນເສຍຊີວິດ

ນສ ນີ ເລົ່າເຫດການໃຫ້ຕຳລວດຟັງວ່າ ປົກກະຕິຕົນແລະສາມີ ຮ່ວມທັງລູກຊາຍຈະນອນຢູ່ຊັ້ນລຸ່ມຂອງບ້ານຕະຫລອດ ກ່ອນເກີດເຫດຕົນ ແລະລູກຊາຍນອນຢູ່ນຳກັນ ຕົນໄດ້ເປີດຄຣິບຈາກໂທລະສັບມືຖືໃຫ້ລູກເບິ່ງ ຈາກນັ້ນຕົນກໍຫລັບໆຕື່ນໆ ກ່ອນຈະພົບວ່າລູກຊາຍຫາຍຕົວໄປ ຕອນທຳອີດຄິດວ່າລູກຊາຍຍ່າງໄປຫາສາມີ ແຕ່ຄຶດສົງໄສໃນໃຈວ່າ ເປັນຫຍັງລູກຊາຍໄປຫາພໍ່ດົນແທ້ ຈຶ່ງໄດ້ລຸກຍ່າງໄປເບິ່ງເຫັນແຕ່ສາມີແຕ່ບໍ່ເຫັນລູກຊາຍ ເມື່ອຫລຽວໄປເບິ່ງຫນ້າເຮືອນກະເຫັນປະຕູໄຂໄວຢູ່ຈຶ່ງຟ້າວແລ່ນໄປເບິ່ງ ກໍເຫັນລູກຊາຍນອນຄວໍ້າຫນ້າຢູ່ໃນບໍ່ປາຄາບ ຂ້າງບ້ານ ຈິ່ງຟ້າວອຸ້ມລູກຊາຍຂຶ້ນມາຈາກບໍ່ປາ ແຕ່ລູກຊາຍເສຍຊີວິດແລ້ວ ຄຶດວ່າລູກຊາຍນ່າຈະປີນລຳໂພງຂຶ້ນໄປປົດລັອກປະຕູເຮືອນ ກ່ອນຍ່າງອອກໄປຕົກລົງບໍ່ປາ

ພ.ຕ.ອ ສິນພົບ ອະນຸສິຣິ ຜູ້ກຳກັບ ການຕໍາລວດ ສພ ບາງບົວທອງ ເວົ້າໃນເບື້ອງຕົ້ນ ສັນນິຖານວ່າເປັນອຸປະຕິເຫດ ຄາດວ່າ ດຊ ຖະນັດ ນ່າຈະເປີດປະຕູເຮືອນໄດ້ເອງ ແລ້ວກໍຍ່າງມາທີ່ບໍ່ລ້ຽງປາຄາບທີ່ຢູ່ຂ້າງໆເຮືອນ ພໍເຫັນຫນາກບານນ້ອຍສີຕ່າງໆ ລອຍຢູີໃນບໍ່ປາ ດ້ວຍຄວາມເປັນເດັກນ້ອຍອາດຍື້ມືໄປເກັບຫມາກບານທີ່ຟູຢູ່ໃນບໍ່ປາ ຈົນຕົກລົງໄປຈົນເສຍຊີວິດ ໂດຍ ຕຳລວດຈະເຊີນໂຕພໍ່ ແລະແມ່ ຂອງເດັກຊາຍ ໄປສອບຖາມ ຢ່າງລະອຽດອີກເທື່ອຫນຶ່ງ ສ່ວນສົບ ດຊ ໄດ້ມອບໃຫ້ມູນນິທິຮ່ວມກະຕູນຍູນຳສົ່ງສະຖາບັນນິຕິວິທະຍາສາດ ເພື່ອຊັນນະສູດຫາສາເຫດການເສຍຊີວິດຕໍ່ໄປ