ຄວາມ​ຮັກ, ຄວາມ​ດີ, ສາຍ​ເປ ບໍ່​ແມ່ນ​ສິ່ງ​ຢັ້ງ​ຢືນ​ວ່າ​ຈະ​ໄດ້​ຮັກ​ແທ້​ຈາກ​ຄົນ​ທີ່​ບໍ່​ຮູ້​ຈັກ​ພໍ! ສາວ​ໂພ​ສ​ເຕືອນ​ສະ​ຕິ

ຄວາມ​ຮັກ, ຄວາມ​ດີ, ສາຍ​ເປ ບໍ່​ແມ່ນ​ສິ່ງ​ຢັ້ງ​ຢືນ​ວ່າ​ຈະ​ໄດ້​ຮັກ​ແທ້​ຈາກ​ຄົນ​ທີ່​ບໍ່​ຮູ້​ຈັກ​ພໍ! ສາວ​ໂພ​ສ​ເຕືອນ​ສະ​ຕິ

11th August 2020 0 By Admin

​ສາ​ວ​ໂພ​ສ​ໝົດ​ເປືອກ​ເຖິງ​ຄົນ​ຮັກ ແລະ ຄວາມ​ຮັກ​ທີ່​ສູນ​ເສຍ​ໄປ​ວ່າ:

ຄົບ4ປີບໍ່ມີຄວາມຫມາຍ (ເຕືອນເດີ້ຕ້ອງວ່າງອາຫລີຈື່ງອ່ານໄດ້ຍາວແຮງ)
ເຫັນແຕ່ຄົນອື່ນບໍ່ເຄີຍຄິດເຄີຍຝັນວ່າສິມາເກີດກັບໂຕເອງ


ຂ້ອຍກັບແຟນ(ແຟນເກົ່າ)ຄົບກັນມາ4ປີປາຍ ແຕ່ກ່ອນເຮົາເຮັດວຽກນຳກັນຄົນໃນບ່ອນເຮັດວຽກຮູ້ຫມົດວ່າເຮົາຄົບກັນ ໄປວຽກກະຂີ່ໄປນຳກັນໄປຮັບໄປສົ່ງ ບໍ່ເຄີຍຫ່າງກັນຈັກເທື່ອຈົນຂ້ອຍອອກແຕ່ວຽກຂ້ອຍໄປເຮັດວຽກຢູ່ໄທ ຂ້ອຍກັບມາເພິ່ນກະເຮັດໂຕປົກກະຕິນຽນຈົນຄິດບໍ່ເຖິງ

ຂ້ອຍເຊື່ອໃຈແຟນຂ້ອຍ ຂ້ອຍບໍ່ຮູ້ວ່າເຂົາແອບຄົບກັນດົນປານໃດ ລະຫວ່າງຄົບກັນມາລາວກະດີນຳດີທຸກຢ່າງຈົນຂ້ອຍບໍ່ເຊື່ອວ່າຄົນທີ່ຂ້ອຍຮັກຄົນທີ່ຂ້ອຍໄວ້ໃຈທີ່ສຸດຄົນທີ່ຂ້ອຍສິຝາກຊີວິດໄວ້ນຳຈົນຕາຍສິມາເຮັດໃສ່ຂ້ອຍແບບນີ້ເປັນເພາະຄວາມຫ່າງໄກບໍ ຫລື ເປັນນຳຂ້ອຍໄວ້ໃຈເຊື່ອໃຈໂພດບໍ

ລັກລົມກັນທັ້ງໆທີ່ຜູ້ຍິງກະຮູ້ວ່າຂ້ອຍເປັນແຟນກັບລາວ“ບໍ່ໄດ້ວ່າແຕ່ຜູ້ຍິງຄັນຄົນເຮົາບໍ່ຫລິ້ນນຳກະຈົບ“ ຊຸມເຈົ້າບໍ່ອາຍແນ່ບໍ່ລົດທີ່ຊຸມເຈົ້າຂີ່ຊ້ອນກັນນັ້ນກະລົດຂ້ອຍ ນາງຜູ້ສາວໃຫມ່ວ່າແຟນເຈົ້າພາຂ້ອຍເມືອຫາແມ່ຢູ່ບ້ານວ່າຊັ້ນກະເອົາລົດຂ້ອຍນິເມືອ

ໄປຄ້າງຄືນນຳກັນຂ້ອຍຢູ່ບ້ານບໍ່ຮູ້ຫຍັງຖືກສວມເຂົາແຕ່ດົນ ເຈົ້າເບິດຮັກຂ້ອຍແຕ່ຕອນໃດຄືບໍ່ບອກດີໆ ຫລື ເຈົ້າບໍ່ເຄີຍຄິດສິບອກເລີຍ ຄືເຮັດແບບນີ້ເຮັດໂຕປົກກະຕິບອກຮັກບອກຝັນດີທຸກມື້ເຈົ້າບອກເຮັດຫຍັງໃນເມື່ອໃຈເຈົ້າປ່ຽນໄປແລ້ວຝືນເວົ້າເຮັດຫຍັງຄືບໍ່ສະແດງໃຫ້ຂ້ອຍຮູ້ແນ່ວ່າສິໄປ “ເຫລືອໃຈເດ້“

ຄອບຄົວຂ້ອຍແພງແຟນຂ້ອຍຄືລູກແທ້ໆລົດບໍ່ມີກະປະໄວ້ໃຫ້ເພິ່ນຂີ່ໄປວຽກ ແລ້ວສິ່ງທີ່ເຈົ້າຕອບແທນພວກເພິ່ນແນ່ເອົາລົດໄປຊ້ອນຜູ້ສາວເສີຍຄືກ້າເຮັດ

ຈຸຂ້ອຍຄົບກັນພໍ່ແມ່ທັງສອງຮູ້ຈົນພາກັນຊື້ດິນນຳກັນເວົ້າກັນວ່າຫາເງິນປຸກເຮືອນຊ່ວຍກັນແຕ່ມັນເປັນໄປບໍ່ໄດ້ແລ້ວມັນຈົບລົງຍ້ອນຄວາມບໍ່ຮູ້ຈັກພໍຂອງເຈົ້າ

ນາງຜູ້ສາວໃຫມ່ວ່າຂ້ອຍຮູ້ວ່າຊຸມເຈົ້າເປັນແຟນກັນຂ້ອຍສິຫລີກທາງໃຫ້ເດີ້ວ່າຊັ້ນ ສະຕິເດີ້ສາວຂ້ອຍມາກ່ອນເຈົ້າຄຳເວົ້ານີ້ຂ້ອຍສົມຄວນເປັນຄົນເວົ້າ ຂ້ອຍບໍ່ໄດ້ຄົບກັນຮັກແພງກັນນິແຫລະ “ຕໍແຫລ“ຂ້ອຍກະເຄີຍຖຶກຫັກຫລັງຂ້ອຍບໍ່ມັກຜູ້ຊາຍແບບນີ້ນາງວ່າ

ພາກັນໄປວັງວຽງນຳກັນຄົບກັນອີກຫນ້າອອກຕາໃດຈື່ງກ້າເຮັດຕ້ອງດ້ານເບີໃດຈື່ງເຮັດໄດ້ ເຂົາຖາມວ່າເປັນຫຍັງຄືເລີກກັບຂ້ອຍ ໄປກັນບໍ່ໄດ້ວ່າຊັ້ນຕອບແບບດາລາເລີຍເນາະຄືບໍ່ບອກວ່າຂ້ອຍມັກຜູ້ໃຫມ່

ກະບໍ່ຕິແຫລະເຂົາພັດຫນ້າທີ່ການງານດີກວ່າເຮົານາງເປັນຕຳຫລວດ ຂ້ອຍພັດປະຊາຊົນທຳມະດາ ເຂົາກະຕ້ອງເລືອກສິ່ງທີ່ດີທີ່ສຸດໃຫ້ໂຕເອງຢູ່ແລ້ວ

ເລື່ອງນີ້ສອນໃຫ້ຮູ້ວ່າຜູ້ຊາຍບໍ່ໄດ້ມັກຄົນງາມຜູ້ຊາຍມັກຂອງໃຫມ່ບົດຮຽນລາຄາແພງທີ່ສຸດໃນຊີວິດ

ຂອບໃຈທີ່ອ່ານຈົນຈົບ
ແຊຣ໌ເຕືອນສະຕິຢ່າໄວ້ໃຈຈົນເກີນໄປ