ທົດລອງຍິງປືນໃຫຍ່ໜ້າດິນ 122 D30

ທົດລອງຍິງປືນໃຫຍ່ໜ້າດິນ 122 D30

7th August 2020 0 By Admin

ທ້າຍເດືອນກໍລະກົດ 2020 ນີ້, ໂຮງງານ ອ 674, ກົມໃຫຍ່ ເຕັກນິກກອງທັບ ໄດ້ຈັດຕັ້ງຍິງ ທົດລອງປືນໃຫຍ່ໜ້າດິນ 122 D30 ໂດຍການເປັນປະທານຂອງ ສະຫາຍ ພົນຈັດຕະວາ ທອງພັນ ສຸທໍາມະວົງ ກໍາມະການຄະນະ ປະຈໍາພັກ ຮອງຫົວໜ້າກົມໃຫຍ່ ເຕັກນິກກອງທັບ, ມີຄະນະພັກ-ຄະນະບັນຊາ ໂຮງງານ ອ674, ເຫຼົ່າຮົບວິຊາສະເພາະ ແລະ ຂະ ແໜງການທີ່ກ່ຽວຂ້ອງເຂົ້າຮ່ວມ.

.

ສະຫາຍ ພັນໂທ ສຸດໃຈ ສໍວິໄຊ ຮອງຫົວໜ້າກົມອຸດສາຫະກໍາ ປ້ອງກັນຊາດ ໄດ້ຊີ້ໃຫ້ເຫັນວ່າ: ໂດຍປະຕິບັດຕາມແນວທາງນະໂຍບາຍຂອງພັກ ວ່າດ້ວຍ ວຽກ ງານປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນຮອບ ດ້ານ, ໂດຍປິ່ນອ້ອມ 4 ໜ້າທີ່ ໃຫຍ່ 26 ແຜນງານ ທີ່ຄະນະພັກ ກະຊວງປ້ອງກັນປະເທດວາງ ອອກ ແລະ ອີງໃສ່ທິດຊີ້ນໍາຂອງ ກົມໃຫຍ່ເຕັກນິກກອງທັບ ມອບ ໃຫ້ກົມອຸດສາຫະກໍາປ້ອງກັນ ຊາດຄົ້ນຄວ້າ, ຄິດໄລ່ອອກແບບ, ຜະລິດຊິນຢາງໃສ່ປືນໃຫຍ່ໜ້າ ດິນ 122 D30 ເພື່ອຮັບໃຊ້ເຂົ້າ ໃນການບົວລະບັດ, ສ້ອມແປງປືນ ໃຫຍ່ໃຫ້ມີຄຸນນະພາບ ແລະ ຮັບ ປະກັນທາງດ້ານເຕັກນິກ, ການ ອອກແບບ, ຄິດໄລ່ ແມ່ນຄິດໄລ່

.

ຈາກຂໍ້ມູນຕົວຈິງກໍານົດສົມທຽບຂະໜາດຈາກຕາຕະລາງເຕັກນິກ, ເຄື່ອງຈັກທີ່ໃຊ້ຜະລິດໂຮງແບບ ແມ່ນນໍາໃຊ້ຈັກ CNC ເຮັດໃຫ້ ໂຮງແບບມີຄວາມຊັດເຈນສູງ ທາງດ້ານໂຮງແບບ ແລະ ຮູບ ຊົງ, ສ່ວນປະສົມໃນການຜະລິດ ຊິນຢາງປະກອບມີທາດເຄມີ ຈໍາ ນວນ 12 ທາດ, ອັດດ້ວຍເຄື່ອງ ຈັກອັດໜີບ ໃນອູມນະພູມ 180 ອົງສາ, ຄວາມດັນອັດ 200 ກິ ໂລ, ໃຊ້ເວລາໃນການອັດ 5 ນາ ທີຕໍ່ 1 ຄັ້ງ, ຊິນຢາງທີ່ຜະລິດອອກ ມາໄດ້ປະກອບຄົບຊຸດໃສ່ປືນ 122 D30 ຢູ່ໂຮງງານ ອ.674, ພ້ອມທັງຍິງທົດລອງກວດກາ ຢັ້ງຢືນຮັບຮອງຄຸນນະພາບຂອງ ຊິນ, ການຍິງທົດລອງກວດກາ ໄດ້ແບ່ງເປັນ 3 ຄັ້ງ ຄື: ຄັ້ງທີ 1 ວັນທີ 10/10/2018, ຄັ້ງທີ 2 ວັນທີ 20/10/2019 ແລະ ຄັ້ງ ທີ 3 ວັນທີ 24/7/2020.

.

ຜົນ ຂອງການຍິງເຫັນວ່ານໍ້າມັນບໍ່ ຮົ່ວຊຶມ, ຄວາມດັນລົມປົກກະຕິ, ປືນຖອຍໄດ້ຕາມມາດຕະຖານ ເຕັກນິກ. ທັງນີ້, ກໍເພື່ອກໍ່ສ້າງວຽກ ງານເຕັກນິກໃນກອງທັບໃຫ້ທັນ ສະໄໝເທື່ອລະກ້າວ, ເວົ້າສະ ເພາະແມ່ນການຍົກສູງນໍ້າໃຈ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ ໃນວຽກງານຮັບປະກັນເຕັກ ນິກໃຫ້ແກ່ກອງທັບໃນນີ້ແມ່ນໄດ້ ເລັ່ງໃສ່ການສ້າງສິ່ງເອື້ອອຳ ນວຍຄວາມສະດວກ ໃນການອົບ ຮົມ-ຫັດແອບ, ກຽມພ້ອມສູ້ຮົບ ແລະ ສູ້ຮົບມີໄຊໃຫ້ແກ່ກຳລັງປະກອບອາວຸດເຮົາ.

.

ໂອກາດນີ້, ສະຫາຍ ພົນຈັດຕະ ວາ ທອງພັນ ສຸທໍາມະວົງ ໄດ້ ເນັ້ນໜັກໃຫ້ຄະນະຮັບຜິດຊອບ ທຸກພາກສ່ວນສືບຕໍ່ຄົ້ນຄວ້າຜະ ລິດ ໃຫ້ມີຄຸນນະພາບສູງເຫັນໄດ້ ການເຕີບໃຫຍ່ ແລະ ຂະຫຍາຍຕົວຂອງວຽກງານເຕັກນິກກອງທັບ, ໄປຄວບຄູ່ກັບການສຶກສາ ອົບຮົມການເມືອງ-ນຳພາແນວ ຄິດໃຫ້ພະນັກ-ນັກຮົບຮູ້ແຈ້ງຕໍ່ ແນວທາງນະໂຍບາຍຂອງພັກ ເຮົາ ໃນຂົງເຂດວຽກງານປ້ອງ ກັນຊາດ – ປ້ອງກັນຄວາມສະຫງົບ ເພື່ອເຮັດໃຫ້ປະເທດຊາດມີສະ ຖຽນນະພາບທາງດ້ານການ ເມືອງ, ມີຄວາມໝັ້ນຄົງ, ສັງຄົມມີ ຄວາມສະຫງົບ ແລະ ເສດຖະກິດ ຂະຫຍາຍຕົວຕໍ່ເນື່ອງ, ສ້າງໃຫ້ ກອງທັບເຮົາເປັນກອງທັບປະ ຕິວັດທີ່ມີແບບແຜນ ແລະ ທັນສະ ໄໝເປັນກ້າວໆ.

ໂດຍ: ສ. ສາຍນໍ້າຊອງ