ສູນບໍລິການໄຟຟ້າເມືອງບໍລິຄັນ ເລັ່ງຍົກຍ້າຍຫມໍ້ນັບໄຟ​ ເຂດ 6 ບ້ານລຽບສາຍນໍ້າຊັນ

ສູນບໍລິການໄຟຟ້າເມືອງບໍລິຄັນ ເລັ່ງຍົກຍ້າຍຫມໍ້ນັບໄຟ​ ເຂດ 6 ບ້ານລຽບສາຍນໍ້າຊັນ

7th August 2020 0 By Admin

ສູນບໍລິການໄຟຟ້າເມືອງບໍລິຄັນ ລົງຍົກຍ້າຍຫມໍ້ນັບໄຟ ເນື່ອງຈາກເກີດນໍ້າຖ້ວມກະທັນຫັນໃນເຂດ 6 ບ້ານລຽບສາຍນໍ້າຊັນ

.


ໃນວັນທີ 06 ສິງຫາ 2020 ທ່ານ ຕາ ພົງອາດີດ ຫົວຫນ້າລັດວິສາຫະກິດໄຟຟ້າລາວ ສາຂາແຂວງບໍລິຄໍາໄຊໄດ້ລົງຕິດຕາມຊີ້ນໍາ ສູນບໍລິການໄຟຟ້າເມືອງບໍລິຄັນ ແລະ ພະແນກຄຸ້ມຄອງຕາຂ່າຍ-ຫມໍ້ແປງ ໃນການລົງກວດກາຍົກຍ້າຍຫມໍ້ນັບໄຟຂຶ້ນເຫນືອນໍ້າ,

ເນື່ອງຈາກຝົນຕົກຫນັກຕິດຕໍ່ກັນເປັນເວລາຫລາຍມື້ເຮັດໃຫ້ແມ່ນໍ້າຊັນເພີ່ມສູງຂຶ້ນເຂົ້າຖ້ວມບ້ານເຮືອນຂອງພໍ່ແມ່ປະຊາຊົນບາງຈຸດເຂດບ້ານນາແຫນ, ບ້ານສີສະຫວາດ, ບ້ານວັດທາດ, ບ້ານຫາດຊຽງຕອມ, ບ້ານຫາດໂພ ແລະ ບ້ານພຽງດີ ເມືອງ ບໍລິຄັນ ແຂວງບໍລິຄໍາໄຊ.

ສູນບໍລິການໄຟຟ້າເມືອງບໍລິຄັນ ສົມທົບກັບພະແນກຄຸ້ມຄອງຕາຂ່າຍ-ຫມໍ້ແປງແມ່ນສາມາດກວດກາຍົກຍ້າຍຫມໍ້ນັບໄຟຂຶ້ນສູງຈາກນໍ້າໃຫ້ໄດ້ລະດັບ 1 ແມັດຂຶ້ນໄປໄດ້ ຈໍານວນ 53 ຫນ່ວຍ, ໂດຍໄດ້ຈັດສັນແບ່ງພະນັກງານກໍາມະກອນທີ່ລົງກວດກາ ແລະ ຍົກຍ້າຍອອກເປັນ ຈໍານວນ 3 ທິມ,

ນອກນີ້ໃນແຕ່ລະມື້ທາງສູນບໍລິການໄຟຟ້າເມືອງບໍລິຄັນໄດ້ແຕ່ງອ້າຍນ້ອງພະນັກງານປະຈໍາການເຝົ່າລະວັງ, ລົງກວດກາຢ່າງເປັນປະຈໍາ ແລະ ການມີສ່ວນຮ່ວມແຈ້ງຂອງອໍານາດການປົກຄອງບ້ານຕະຫລອດຮອດພໍ່ແມ່ປະຊາຊົນອີກດ້ວຍ.

.