ສະເທືອນໃຈຫຼາຍ! ແມ່ເລາະຈ່າວຂາຍລູກໃນໄສ້ ຕາມຕະຫຼາດ ປານສິ່ງຂອງ

ສະເທືອນໃຈຫຼາຍ! ແມ່ເລາະຈ່າວຂາຍລູກໃນໄສ້ ຕາມຕະຫຼາດ ປານສິ່ງຂອງ

27th November 2019 0 By Admin

ມັນເປັນແນວໃດນໍ ສັງຄົມທຸກມື້ນີ້ ຄືມີຫຼາຍປະກົດການທີ່ຫຍໍ້ທໍ້ເກີດຂຶ້ນ ແລະ ໄດ້ກາຍເປັນເລື່ອງລາວທີ່ສ້າງ ຄວາມສະເທືອນໃຈຕໍ່ສັງຄົມ ແລະ ຜູ້ພົບເຫັນ. ຫຼ້າສຸດ, ໄດ້ມີເຫດການໜຶ່ງ ທີ່ສື່ສັງຄົມອອນລາຍໃຫ້ຄວາມສົນໃຈ ແລະ ກ່າວຂານເຖິງຫຼາຍທີ່ສຸດນັ້ນ ກໍ່ຄື ເປັນເຫດທີ່ສ້າງຄວາມສະເທືອນໃຈຫຼາຍທີ່ສຸດ ແມ່ນແຕ່ແອັດມິນເອງ ກໍ່ຍັງອົດກັ້ນນໍ້າຕາໄວ້ບໍ່ຢູ່ເມື່ອເຫັນເຫດການນີ້ ເພາະມັນເປັນເລື່ອງທີ່ສະເທືອນໃຈຫຼາຍ ແລະ ສົງສານມະນຸດຕາດຳໆດ້ວຍກັນ ທີ່ຖືກນຳມາເລ່ຂາຍປານສິ່ງຂອງ!!

ຈາກການລາຍງານຂອງປະຊາຊົນ ໃຫ້ຮູ້ວ່າ ໃນວັນທີ 25 ພະຈິກ 2019 ຜ່ານມາໝາດໆນີ້ ມີແມ່ເອົາລູກຕົວເອງມາຈ່າວຂາຍ ຢູ່ຕະຫຼາດຫົວນາ ເມືອງ ນໍ້າບາກ ແຂວງ ຫຼວງພະບາງ. ເຊິ່ງເດັກຊາຍມີອາຍຸປະມານ 7 ປີ ຖືກແມ່ມາມາເລ່ຂາຍຢູ່ຕະຫຼາດ ໂດຍມີການໃຫ້ລາຄາປະມານ 10 ລ້ານກີບ.

ຈາກຂໍ້ມູນຍັງໃຫ້ຮູ້ຕື່ມວ່າ ເດັກຄົນດັ່ງກ່າວ ບໍ່ໄດ້ເຂົ້າໂຮງຮຽນ, ບໍ່ມີພໍ່ ອາໄສຢູ່ນຳແມ່ ພັດຖືກແມ່ເອົາມາຈ່າວຂາຍ ເຫັນແລ້ວສະເທືອນໃຈສຸດໆ!!ນີ້ລະນໍ ເພີ່ນຈຶ່ງເວົ້າວ່າ ຄົນເຮົາເກີດມາບົນໂລກດຽວກັນແຕ່ບຸນວາດສະຫນາ ມັນບໍ່ຄືກັນຕ່າງກັນປານຟ້າກັນດິນ ຄົນເກີດມາໃນຄວາມມີພ້ອມທຸກຢ່າງກະໂຊກດີໄປ ຄົນທີ່ເກີດມາບໍ່ມີຫຍັງກະຕ້ອງຫາດີ້ນລົນສູ້ຊີວິດ ເພື່ອເອົາຊີວິດລອດ.

ແຕ່ໃນຄວາມເປັນຈິງແລ້ວ, ເຖິງຊິທຸກຍາກລຳບາກພຽງໃດ ກໍ່ບໍ່ຄວນເຮັດ ເພາະທຸກຄົນທີ່ເກີດມາໃນໂລກນີ້ ລ້ວນແຕ່ຕ້ອງການຄວາມຮັກ, ຄວາມອົບອຸ່ນຈາກຄອບຄົວ. ນີ້ມັນຊີວິດຄົນທັງຄົນບໍ່ແນວສິ່ງຂອງ ມາເລ່ຂາຍຈ່າວຂາຍໄດ້ແນວໃດ? ສະນັ້ນ, ຈຶ່ງຂໍຝາກເຖີງພາກສ່ວນທີ່ກ່ຽວຂ້ອງ ຊ່ວຍເຫຼືອເອົາເດັກແດ່ທ້ອນ! ເພາະເຫັນແລ້ວໜ້າສົງສານ ແລະ ເປັນຕາສັງເວດຫຼາຍ.

ຄລິບ