ສກຂ ແຂວງເຊກອງ ປະກາດພະນັກງານອອກພັກຜ່ອນ ຮັບເບ້ຍບໍານານ

ສກຂ ແຂວງເຊກອງ ປະກາດພະນັກງານອອກພັກຜ່ອນ ຮັບເບ້ຍບໍານານ

6th August 2020 0 By Admin

ພິທີປະກາດພະນັກງານພະແນກສຶກສາທິການ ແລະ ກິລາ ແຂວງເຊກອງ ອອກພັກຜ່ອນ – ຮັບເບ້ຍບໍານານ ຈໍານວນ 7 ສະຫາຍ ໄດ້ຈັດຂຶ້ນໃນວັນທີ 5 ສິງຫາ 2020 ຜ່ານມາ; ຢູ່ທີ່ຫ້ອງປະຊຸມຂອງພະແນກດັ່ງກ່າວ ໂດຍການເຂົ້າຮ່ວມຂອງທ່ານ ເຫຼັກໄຫຼ ສີວິໄລ ເລຂາພັກແຂວງເຊກອງ, ມີຄະນະພັກຮາກຖານຄະນະອໍານວຍການໂຮງຮຽນທີ່ຂຶ້ນກັບ, ແຂກຖືກເຊີນ ແລະ ພ້ອມດ້ວຍ ພະນັກງານຄູ – ອາຈານເຂົ້າຮ່ວມ.

ທ່ານຄຳໄພ ສິມມະວັດ ຫົວໜ້າພະແນກສຶກສາທິການ ແລະ ກິລາ ແຂວງເຊກອງ, ໄດ້ຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການອະນຸມັດໃຫ້ພະນັກງານ-ລັດຖະກອນໃນຈຳນວນ 7 ທ່ານ, ຍິງ 2 ທ່ານ ເຫັນດີອອກພັກຜ່ອນ – ຮັບອຸດໜູນເບ້ຍບໍານານ ຄື:

.

ທ່ານ ບຸນເນົາ ພົມມະວົງສາ ຮອງຫົວໜ້າພະແນກສຶກສາທິການ ແລະ ກິລາ, ອອກພັກຜ່ອນ – ຮັບອຸດໜູນເບ້ຍບໍານານ ລວມອາຍຸກະສຽນ 60 ປີ, ລວມປີການທັງໝົດ 34 ປີ, ທ່ານ ວັນນາ ສັກດານະຄອນ, ຜູ້ອຳນວຍການສັງກັດຢູ່ໂຮງຮຽນເຕັກນິກ – ວິຊາຊີບແບບປະສົມ, ລວມອາຍຸກະສຽນ 60 ປີ, ລວມປີການທັງໝົດ 39 ປີ, ທ່ານ ບົວເຊີຍ ມະໄລສັກ, ຮອງຫົວໜ້າຂະແໜງ, ລວມອາຍຸກະສຽນ 60 ປີ, ລວມປີການທັງໝົດ 39 ປີ, ທ່ານ ນີຄອນ ວົງແສງພິກສະຫວາດ, ພະນັກງານວິຊາການ ລວມອາຍຸກະສຽນ 57 ປີ, ລວມປີການທັງໝົດ 43 ປີ,

ທ່ານ ແສງຄຳ, ພະນັກງານວິຊາການ ສັງກັດຢູ່ ສູນຝຶກອົບຮົມພາສາຫວຽດນາມ, ລວມອາຍຸກະສຽນ 61 ປີ, ລວມປີການທັງໝົດ 30 ປີ, ທ່ານ ນາງ ວຽງສອນ ອຸດາວອນ, ຜູ້ອຳນວຍການ, ໂຮງຮຽນອະນຸບານສຶກສາແຂວງ, ລວມອາຍຸກະສຽນ 57 ປີ, ລວມປີການທັງໝົດ 36 ປີ,ທທ່ານ ນາງ ເພັດສະໝອນ ຟອງມະນີ, ພະນັກງານວິຊາການ ສັງກັດຢູ່ໂຮງຮຽນເຕັກນິກ – ວິຊາຊີບແບບປະສົມ, ລວມອາຍຸກະສຽນ 56 ປີ, ລວມປີການທັງໝົດ 40 ປີ,

ໂອກາດນີ້ທ່ານ ເລຂາພັກແຂວງເຊກອງ, ກໍ່ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ໝາກຜົນ,ຜົນງານໃນແຕ່ລະດ້ານ ຂອງທັງ 7 ທ່ານ ທີ່ຍາດມາໄດ້ໃນໄລຍະຜ່ານມາ ພ້ອມນີ້ທ່ານຍັງໄດ້ຮຽກຮ້ອງໃຫ້ບັນດາສະມາຊິກພັກ, ພະນັກງານ – ລັດຖະກອນພາຍໃນພະແນກສຶກສາທິການ ແລະ ກິລາແຂວງ, ຈົ່ງນໍາເອົາເປັນແບບຢ່າງ, ເປັນແວ່ນແຍງ ເພື່ອຝຶກຜົນຫຼໍ່ຫຼອມຕົນເອງໃຫ້ກາຍເປັນພະນັກງານທີ່ດີ ມີຄວາມຮູ້ຄວາມສາມາດຕື່ມອີກ.

ຂ່າວ: ບູ້ ສຸວັນ