ທຳລາຍ ຊີ້ນໝູແຊ່ແຂງ ມາຈາກຈີນ 5.105 ກິໂລ

ທຳລາຍ ຊີ້ນໝູແຊ່ແຂງ ມາຈາກຈີນ 5.105 ກິໂລ

5th August 2020 0 By Admin

ເຈົ້າໜ້າທີ່ສັດຕະວະແພດ, ເຈົ້າໜ້າທີ່ພາສີ, ອາຫານ ແລະ ຢາ ປະຈຳດ່ານສາກົນບໍ່ເຕ່ນ ແຂວງຫຼວງນໍ້າທາໄດ້ກວດສິນຄ້າ ຮ່ວມກັບ ນາງ ອານຸສອນ ຫຼ້າສຸກັນ ບໍລິສັດ ອາລິສາ ການຄ້າຂາອອກ-ຂາເຂົ້າຈຳກັດ ຢູ່ລົດໝາຍເລກທະບຽນ AJ 7811(ລົດຈີນ) ຢູ່ສາງຄຽນຖ່າຍ ບໍລິສັດແອວເອັສ.

ລົງກວດກາການນຳເຂົ້າຊີ້ນໝູຈາກຕ່າງປະເທດ ໂດຍປະຕິບັດຕາມແຈ້ງການຂອງກະຊວງກະສິກໍາ ແລະ ປ່າໄມ້ ກ່ຽວກັບການສະກັດກັ້ນ ຫ້າມນໍາເຂົ້າໝູ ແລະ ຜະລິດຕະພັນໝູທຸກຊະນິດ ລວມທັງຜະລິດຕະພັນປຸງແຕ່ງເບື້ອງຕົ້ນຈາກ ສປຈີນ ແລະ ສສ ຫວຽດນາມ ເຂົ້າສູ່ ສປປ ລາວ ເລກທີ 0259 ກປ, ລົງວັນທີ 21 ເດືອນມີນາ 2019, ຜ່ານການກວດກາຕົວຈິງຂອງເຈົ້າໜ້າທີ່ກ່ຽວຂ້ອງແຂວງຫຼວງນໍ້າທາພົບການນຳເຂົ້າຊີ້ໝູແຊ່ແຂງ 195 ແກັດ ເທົ່າກັບ 4,875 ກິໂລ ແລະ ໄສ້ໝູ 23 ແກັດ, ເທົ່າກັບ 230 ກິໂລ ລວມທັງໝົດ 5.105 ກິໂລ ຊີ້ນໝູດັ່ງກ່າວແມ່ນນຳເຂົ້າມາແຕ່ ສປ ຈີນ ເພື່ອນຳໄປບໍລິໂພກໃນ ສປປ ລາວ.


ເຊິ່ງທາງເຈົ້າໜ້າທີ່ແມ່ນໄດ້ເຮັດບົດບັນທຶກ ແລະ ໄດ້ສຶກສາອົບຮົມໃນຕໍ່ໜ້າບໍ່ໃຫ້ນຳເຂົ້າມາອີກ, ຈາກນັ້ນ ວັນທີ 29 ກໍລະກົດ 2020 ຢູ່ທີ່ສະໜາມຂີ້ເຫື້ຍອຂອງແຂວງຫຼວງນ້ຳທາໄດ້ຈັດພິທີທຳລາຍຊີ້ນໝູທີ່ຍຶດໄດ້ນຳແມ່ຄ້າທີ່ນຳເຂົ້າຈາກ ສປ ຈີນ.