ແຈ້ງເຕືອນຝົນຕົກໜັກ! ເຂດເມືອງ ບໍລິຄັນ ຕ້ອງລະວັງ ປັດ​ຈຸ​ບັນນໍ້າຊັນ ກາຍເຂດລະດັບອັນຕະລາຍແລ້ວ !!!

ແຈ້ງເຕືອນຝົນຕົກໜັກ! ເຂດເມືອງ ບໍລິຄັນ ຕ້ອງລະວັງ ປັດ​ຈຸ​ບັນນໍ້າຊັນ ກາຍເຂດລະດັບອັນຕະລາຍແລ້ວ !!!

5th August 2020 0 By Admin

ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນຝົນຕົກໜັກປະຈຳວັນທີ 05/08/2020 ແລະ ເຂດເມືອງ ບໍລິຄັນ ຕ້ອງລະວັງ ເພາະນໍ້າຊັນ ກາຍເຂດລະດັບອັນຕະລາຍແລ້ວ !!!

ຮ່ອງຄວາມກົດດັນອາກາດຍັງພາດຜ່ານຢູ່ເຂດແຂວງພາກເໜືອ ຂອງປະເທດລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ ມີກຳລັງແຮງປານກາງ ຍັງພັດປົກຄຸມເປັນສ່ວນໃຫ່ຍ, ຊື່ງຈະເຮັດໃຫ້ຝົນຍັງຈະສືບຕໍ່ຕົກໜັກຢູ່ບາງທ້ອງຖີ່ນຂອງແຂວງ ພາກເໜືອ ຫາ ພາກກາງ, ສ່ວນພາກໃຕ້ ຍັງຈະມີຝົນຕົກໃນລະດັບຄ່ອຍ.

ສຳລັບລະດັບນໍ້າຊັນ ເຂດເມືອງເກົ່າໄດ້ຂຶ້ນສູງກາຍເຂດລະດັບອັນຕະລາຍແລ້ວ, ຊຶ່ງໃນຕອນເຊົ້າຂອງມຶ້ນີ້ແທກໄດ້ 8 ແມັດ 52 ຊັງຕີແມັດ, (ລະດັບອັນຕະລາຍ ແມ່ນ 8 ແມັດ) ແລະ ຄາດຄະເນວ່າລະດັບນໍ້າຍັງຈະສືບຕໍ່ຂຶ້ນສູງຕື່ມອີກ.

ດັ່ງນັ້ນ, ຈຶ່ງແຈ້ງເຕືອນເຖິງ ພໍ່ແມ່ ປະຊາຊົນບັນດາເຜົ່າ ທີ່ອາໄສຢູ່ລຽບຕາມແຄມນໍ້າຊັນ ໂດຍສະເພາະຢູ່ເຂດເມືອງ ບໍລິຄັນ ໃຫ້ມີສະຕິລະມັດລະວັງຕໍ່ສະພາບ ນໍ້າຖ້ວມຊຸ, ຖ້ວມອັ່ງ ແລະ ດິນເຈື່ອນ ພ້ອມທັງຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈຳ.