ເຂົ້ານາປີ ຊາວເມືອງມຸນລະປາໂມກປະສົບໄພແຫ້ງແລ້ງ 5 ພັນ 5 ຮ້ອຍເຮັກຕາ

ເຂົ້ານາປີ ຊາວເມືອງມຸນລະປາໂມກປະສົບໄພແຫ້ງແລ້ງ 5 ພັນ 5 ຮ້ອຍເຮັກຕາ

4th August 2020 0 By Admin

ເນື່ອງຈາກຝົນບໍ່ຕົກເປັນເວລາຫຼາຍວັນໃນໄລຍະກາງຫາທ້າຍເດືອນກໍລະກົດຜ່ານມາຈຶ່ງເຮັດໃຫ້ຕົ້ນເຂົ້າ,ຕົ້ນກ້າ ຂອງພໍ່ແມ່ປະຊາຊົນຊາວເມືອງມຸນລະປາໂມກ ແຂວງຈໍາປາສັກ ປະສົບໄພແຫ້ງແລ້ງ 5 ພັນ 5 ຮ້ອຍເຮັກຕາ.

.

ອີງຕາມການໃຫ້ສຳພາດຂອງທ່ານ ພູວອນ ອຸດົມສຸກ ຫົວໜ້າຫ້ອງການກະສີກຳ-ປ່າໄມ້ເມືອງໃຫ້ຮູ້ວ່າ:ນາປີທີ່ໄດ້ຮັບຜົນກະທົບຈາກໄພແຫ້ງແລ້ງ 5.500 ເຮັກຕາ ແມ່ນນອນໃນ 5 ກຸ່ມ 36 ບ້ານ ຈຳນວນ 2.837 ຄອບຄົວ,ແນວພັນຖືກກະທົບຈຳນວນ 330 ໂຕນ,ທຽບໃສ່ແຜນການປີ ເທົ່າກັບ 36,5% ນາດຳແລ້ວຖືກກະທົບ 545,33 ເຮັກຕາ.ໃນນັ້ນ ນາດຳ 435,53 ເຮັກຕາ ນາຢອດ ແລະ ນາຫວ່ານ 109,8 ເຮັກຕາ.ແນວປູກຖືກເສຍຫາຍ(ກ້າບັ້ງ ກ້າແຫ້ງຕາຍ) ໃນ 5 ກຸ່ມ 36 ບ້ານ 1.387 ຄອບຄົວ ຈຳນວນ 119 ໂຕນ ເທົ່າກັບເນື້ອທີ່ປັກດຳ 1.983 ເຮັກຕາ ທຽບໃສ່ແຜນການປີ (ກ້າບັ້ງ ກ້າແຫ້ງຕາຍ) ເທົ່າກັບ 13% .

ທຽບໃສ່ແຜນການຜະລິດເຂົ້ານາປີ ປີ2020 ທົ່ວເມືອງໃນເນື້ອທີ່ແຜນການ 15.040 ເຮັກຕາ ໃຊ້ແນວພັນ 902,4 ໂຕນ ປະຈຸບັນໄຖຮຸດ ແລະ ຕົກກ້າໄດ້ 100% ,ປັກດໍາໄດ້ 8.820 ເຮັກຕາ ເທົ່າກັບ 58,64% ໃນນັ້ນ ນາຫວ່ານ ແລະ ນາຢອດ 2.085 ເຮັກຕາ,ນາປັກດຳ 6.735 ເຮັກຕາ ໃນນັ້ນ ມີນາປະຊາຊົນ7.880 ເຮັກຕາ,ນາບໍລິສັດ 940 ເຮັກຕາ.


ທ່ານ ພູວອນ ອຸດົມສຸກ ໃຫ້ຮູ້ຕື່ມອີກວ່າ: ເພື່ອຟື້ນຟູຜົນກະທົບຈາກການເສຍຫາຍດັ່ງກ່າວທາງຫ້ອງການກະສີກຳ-ປ່າໄມ້ເມືອງມຸນລະປາໂມກກໍ່ໄດ້ສະເໜີຂໍແນວພັນເຂົ້າຈາກພະແນກ ກະສີກຳ-ປ່າໄມ້ແຂວງຈຳນວນ 20 ໂຕນ ມາໃຫ້ພໍ່ແມ່ປະຊາຊົນ ສົບທົບກັບແນວພັນສ່ວນໜື່ງທີ່ພໍ່ແມ່ປະຊາຊົນແຮໄວ້,ພ້ອມປຸກລະດົມພໍ່ແມ່ປະຊາຊົນນຳໃຊ້ຈັກສູບນໍ້າທີ່ມີໃນ 5 ໂຄງການຂອງລັດນັ້ນຊຶ່ງສາມາດສະໜອງນໍ້າໄດ້ 332 ເຮັກຕາ ແລະ ນອກນັ້ນກໍ່ໄດ້ປຸກລະດົມການນຳໃຊ້ຊົນລະປະທານປວງຊົນຕື່ມໂດຍສະເພາະແມ່ນຈັກໂປມນໍ້າຂອງແຕ່ລະຄອບຄົວຊຶ່ງສາມາດນຳໃຊ້ໄດ້ 725 ເຮັກຕາ ລວມແລ້ວສາມາດສະໜອງນໍ້າແກ່ການຜະລິດລະດູຝົນເພື່ອຕ້ານແລ້ງໄດ້ປະມານ 1 ພັນກ່ວາເຮັກຕາ.ສຳລັບຢູ່ເຂດແຄມຂອງບ່ອນທີ່ມີເງືອນໄຂ,

.

ສ່ວນເຂດນອກທີ່ນອນໃນກຸ່ມ ກະດັນ,ກຸ່ມໜອງງາ ແລະ ບາງສ່ວນຂອງກຸ່ມສະພັງ,ກຸ່ມນາດີ ທີ່ຢູເຂດນອກບ່ອນຫ່າງໄກຈາກການສະໜອງນໍ້າແມ່ນໄດ້ປຸກລະດົມໃຫ້ພໍ່ແມ່ປະຊາຊົນເຂົາເຈົ້າຟື້ນຟູເອົາກ້າໄວ້ກ່ອນເພື່ອລໍຖ້າປະລິມານນໍ້າຝົນທີ່ຈະຕົກລົງມາ ແລະປະຈຸບັນຝົນກໍໄດ້ຕົກລົງມາ 4-5 ວັນແລ້ວ ເຮັດໃຫ້ຊາວນາເລີ່ມປັກດຳຢ່າງເປັນຂະບວນ.

ໜູລີ່ ຊາພັກດີ ຖວທ ເມືອງມຸນລະປາໂມກ