ສຳຫຼວດ ແລະ ເກັບກຳຂໍ້ມູນເສັ້ນທາງເຂົ້າຫາແຫຼງທ່ອງທ່ຽວ ເມືອງຕຸ້ມລານ​ ແຂວງສາລະວັນ

ສຳຫຼວດ ແລະ ເກັບກຳຂໍ້ມູນເສັ້ນທາງເຂົ້າຫາແຫຼງທ່ອງທ່ຽວ ເມືອງຕຸ້ມລານ​ ແຂວງສາລະວັນ

3rd August 2020 0 By Admin

ຫ້ອງການ​ ຖວທ​ເມືອງຕຸ້ມລານ ປະສານສົມທົບກັບຫ້ອງການ​ ຍທຂ​ເມືອງ ໄດ້ລົງສຳຫຼວດ ແລະ ເກັບກຳຂໍ້ມູນເສັ້ນທາງເຂົ້າຫາແຫຼງທ່ອງທ່ຽວ.

ໃນວັນທີ 30 ກໍລະກົດ 2020 ຫ້ອງການຖະແຫຼງຂ່າວ-ວັດທະນະທຳ ແລະ ທ່ອງທ່ຽວ​ ເມືອງຕຸ້ມລານ​ ແຂວງສາລະວັນ ປະສານສົມທົບກັບຫ້ອງການໂຍທາທິການ-ຂົນສົ່ງເມືອງ ໄດ້ລົງສຳຫຼວດ ແລະ ເກັບກຳຂໍ້ມູນເສັ້ນທາງເຂົ້າຫາແຫຼງທ່ອງທ່ຽວ.

ໃນຈຳນວນ 2 ຈຸດຂອງເມືອງຄື: ແຫຼ່ງທ່ອງທ່ຽວວັດປ່າບ້ານນາຮອງນ້ອຍ ແລະ ແຫຼ່ງທ່ອງທ່ຽວຕາດໄລລະພູຕາວ, ເພື່ອສະເໜີຂໍທຶນນຳລັດຖະບານ ສປ ຈີນ ໃນການກໍ່ສ້າງເສັ້ນທາງເຂົ້າຫາແຫຼ່ງທ່ອງທ່ຽວ ດັງກ່າວ, ຜ່ານການສຳຫຼວດ ແລະ ເກັບກຳຂໍ້ມູນໃນຂັ້ນເບື້ອງຕົ້ນສາມາດສະຫຼຸບໄດ້ວ່າ: ແຕ່ແຍກເສັ້ນທາງ ເລກທີ 1G ແຕ່ບ້ານນາຮອງນ້ອຍໄປຫາວັດປ່າມີຄວາມຍາວ 3.2 KM,

ແຕ່ວັດປ່າຕັດໄປໃສ່ເສັ້ນທາງ ເລກທີ 2.6313 ເຊນວນ-ຕຸ້ມລານຜ່ານບ້ານຕະແບງ ມີຄວາມຍາວ 2.8 KM ລວມທັງໝົດ 6 KM ແລະ ແຕ່ແຍກເສັ້ນທາງ 1G ບ້ານວັງໂກຍເຂົ້າໄປຫາຕາດໄລລະພູຕາວ ມີຄວາມຍາວ 5 KM, ແຫຼ່ງທ່ອງທ່ຽວວັດປ່າບ້ານນາຮອງນ້ອຍເປັນໜຶ່ງໃນແຫຼ່ງທ່ອງທ່ຽວທີສັກສິດປະຊາຊົນໃຫ້ຄວາມເຊື່ອຖືໃນການເຄົາລົບບູຊາ,

ເຊິ່ງໃນເທດສະການປີໃໝ່ລາວຂອງທຸກໆປີປະຊາຊົນໄດ້ພາກັນໄປຫົດສົ່ງພຮະພຸດທະຮູບຢ່າງເປັນຂະບວນ. ເມືອງຕຸ້ມລານເປັນເມືອງໜຶ່ງທີມີແຫຼ່ງທ່ອງທ່ຽວຫຼາຍສົມຄວນເປັນຕົ້ນແມ່ນແຫຼ່ງທ່ອງທ່ຽວທາງທຳມະຊາດ ແລະ ແຫຼ່ງທ່ອງທ່ຽວທາງວັດທະນະທຳ ມີທັງໝົດ 10 ຈຸດຄື: ແຫຼ່ງທ່ອງທ່ຽວວັດປ່າບ້ານນາຮອງນ້ອຍ, ຕາດໄລລະພູຕາວ, ດົງຕະຫຼຸງ ບ້ານກະແມບ, ຕາດຣະລະ ບ້ານວັງເຮືອ, ຕາດເຂົ້າເໝົ້າ ບ້ານລະເຢີກ, ຕາດຫ້ວຍປູນ ບ້ານນາການ, ຊົມຕົ້ນຕາວພູຕາວ, ຊົວວິວຫົວພູບ້ານຕຳແບງ, ທ່ຽວຊົມບຸນລະປຶບຂອງເຜົ່າກະຕາງ ແລະ ທ່ຽວຊົມບຸນຊ່ວງເຮືອປະຈຳປີຂອງເມືອງ. ພ້ອມດຽວກັນນີ້ແຫຼ່ງທ່ອງທ່ຽວດັງກ່າວແມ່ນຍັງບໍ່ທັນມີການສຳຫຼວດ ແລະ ບໍ່ມີບໍລິສັດໃດມາສຳປະທານ.

ພາບ-ຂາວ ໂດຍ: ວຽງສະຫວັນ ແສນຄຳ.
#Medialaos​ #salavan