ສະຫຼົດໃຈ!! ອຸປະຕິເຫດລົດສິບລໍ້ຕຳກັບລົດຈັກ ດັບ 1 ຄົນ ເຂດບ້ານຊຳເກດ

ສະຫຼົດໃຈ!! ອຸປະຕິເຫດລົດສິບລໍ້ຕຳກັບລົດຈັກ ດັບ 1 ຄົນ ເຂດບ້ານຊຳເກດ

1st August 2020 0 By Admin

ວັນທີ 29 ກໍລະກົດ 2020 ທີ່ຜ່ານມາ ເວລາປະ ມານ 17:30 ໂມງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ ໄດ້ຮັບແຈ້ງເຫດເຂົ້າເບີໂທສຸກເສີນ 1623 ວ່າມີເຫດລົດຈັກຕຳກັບລົດໃຫຍ່. ຈຸດເກີດເຫດແມ່ນ 3 ແຍກ ບ້ານຊຳເກດ. ໜ່ວຍກູ້ໄພອອກກວດສອບເຫດພົບວ່າມີຄົນເຈັບ 1 ຄົນເປັນເພດຊາຍ ອາຍຸ 34 ປີ ອາຊີບພະນັກງານ ບ້ານນາສ້ຽວ ເມືອງນາຊາຍທອງ ນະຄອນຫລວງ.


ເມື່ອກວດສອບອາການເບື້ອງຕົ້ນແມ່ນກະທົບຫົວແລະມີບາດເປີດໃຫຍ່ຢູ່ທ້ອງ (ບໍ່ມີສະຕິ). ທາງຫນ່ວຍກູ້ໄພມູນນິທິ 1623 ຈຶ່ງໄດ້ທຳການ CPR (ນວດຫົວໃຈ) ປະມານ 20 ນາທີ ແຕ່ຄົນເຈັບບໍ່ມີການຕອບສະຫນອງແລະ ໄດ້ເສຍຊີວິດໃນເວລາຕໍ່ມາ.


ດັ່ງນັ້ນຈຶ່ງໄດ້ນຳສົ່ງສົບກັບບ້ານເພື່ອເຮັດພິທີທາງສາສະຫນາຕໍ່ໄປ. ຂໍສະແດງຄວາມເສຍໃຈກັບທາງຄອບຄົວຜູ້ເສຍຊີວິດຄັ້ງນີ້ດ້ວຍ.
ຂໍ້ມູນ: ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623.