ມາ​ເລີຍ​ຝົນ​ເອີ້ຍ! ຮ້ອນໆ ເຂົ້າ​ນາ​ແຫ້ງ​ແລ້ງຫຼາຍ ອຸ​ຕຸ​ເຕືອນ 31 ກໍ​ລະ​ກົດ-4 ສິງ​ຫາ ຝົນ​ຈະ​ຕົກ​ໜັກ!

ມາ​ເລີຍ​ຝົນ​ເອີ້ຍ! ຮ້ອນໆ ເຂົ້າ​ນາ​ແຫ້ງ​ແລ້ງຫຼາຍ ອຸ​ຕຸ​ເຕືອນ 31 ກໍ​ລະ​ກົດ-4 ສິງ​ຫາ ຝົນ​ຈະ​ຕົກ​ໜັກ!

31st July 2020 0 By Admin

ກົມອຸຕຸນິຍົມ ແລະ ອຸທົກກະສາດປະກາດແຈ້ງເຕືອນໃຫເປະຊາຊົນທົ່ວປະເທດເຝົ້າລະວັງຝົນຕົກໜັກທາງພາກກາງຫາພາກໃຈ້ ສ່ວນພາກເໜືອຝົນຈະໜັກຫຼາຍຢູ່ແຂວງຫົວພັນ ແລະຊຽງຂວາງ ເນື່ອງຈາກປະຈຸບັນພາຍຸດີເປຼຊັ່ນກຳລັງເຄື່ອນຕົວເຂົ້າມາດ້ວຍຄວາມໄວ 20 ກິໂລແມັດຕໍ່ຊົ່ວໂມງ.

ຕາມການປະກາດແຈ້ງເຕືອນຝົນຕົກໜັກປະຈຳວັນທີ 31/07/2020 ຂອງກົມອຸຕຸນິຍົມ ແລະອຸທົກກະສາດ ໃຫ້ຮູ້ວ່າ: ປະຈຸບັນພາຍຸດີເປຣຊັນ (TD) ກຳລັງກໍ່ຕົວຢູ່ທະເລຈີນໃຕ້, ຊຶ່ງມີຈຸດສູນກາງຢູ່ເສັ້ນຂະໜານທີ 16.9 ອົງສາເໜືອ ແລະ ເສັ້ນແວງທີ 113.1 ອົງສາຕາເວັນອອກ,ພວມເຄື່ອນທີ່ໄປທາງທິດຕາເວັນຕົກ-ຕາເວັນຕົກສ່ຽງເໜືອດ້ວຍຄວາມໄວ 20 ກິໂລແມັດຕໍ່ຊົ່ວໂມງ, ຊຶ່ງຈະເຮັດໃຫ້ລົມມໍລະສຸມຕາເວັນຕົກສ່ຽງໃຕ້ຈະມີກຳລັງແຮງເພິ້ມຂຶ້ນ ແລະ ຈະເຮັດໃຫ້ມີຝົນຕົກຟ້າຮ້ອງ ຟ້າເຫຼຶ້ອມໃນລະດັບຄ່ອຍຫາປານກາງເປັນບໍລິເວນກ້ວາງ ພ້ອມຈະມີລົມພັດແຮງຢູ່ບາງທ້ອງຖິ່ນໃນແຕ່ລະພາກ ແລະ ຈະມີຝົນຕົກໜັກ ຢູ່ບາງທ້ອງຖິ່ນແຂວງພາກກາງ ລົງຫາ ພາກໃຕ້.

ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ, ອົງການປົກຄອງທຸກພາກສ່ວນໃຫ້ມີສະຕິລະມັດລະວັງຕໍ່ສະພາບລົມພັດແຮງ, ຝົນຕົກໜັກທີ່ຈະເຮັດໃຫ້ເກີດມີ ຟ້າຜ່າ, ນໍ້າຖ້ວມຊຸ, ຖ້ວມອັ່ງ ແລະ ດິນເຈື່ອນ ຢູ່ບັນດາແຂວງດັ່ງກ່າວ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດໃນໄລຍະ 1 ຫາ 2 ວັນຕໍ່ໜ້ານີ້້.

ສ່ວນແຂວງທີ່ຈະມີຝົນຕົກປານກາງ-ຕົກໜັກຢູ່ປະເທດເຮົາປະກອບດ້ວຍ 10 ຄື ແຂວງຊຽງຂວາງ, ຫົວພັນ, ແຂວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະແຂວງອັດຕະປື.

.

.