ຊ້າງປ່າ ບຸກທຳລາຍສວນໝາກໂມ ຊາວກະສິກອນ ບ້ານທາດ ເສຍຫາຍສົມຄວນ

ຊ້າງປ່າ ບຸກທຳລາຍສວນໝາກໂມ ຊາວກະສິກອນ ບ້ານທາດ ເສຍຫາຍສົມຄວນ

26th November 2019 0 By Admin

ຊ້າງປ່າ ບຸກເຂົ້າທຳລາຍຜົນສວນໝາກໂມ, ສວນກ້ວຍ  ຂອງປະຊາຊົນບ້ານທາດ ເມືອງ ວິລະບູລີ ແຂວງ ສະຫວັນນະເຂດ ເຊິ່ງກຳລັງຈະໄດ້ຮັບຜົນ ເສຍຫາຍປະມານ 7 ລ້ານກວ່າກີບ.


ອີງຕາມການລາຍງານຂອງນັກຂ່າວທ້ອງຖິ່ນໃຫ້ຮູ້ວ່າ: ໃນຄືນວັນທີ 25 ພະຈິກ 2019 ຊ້າງປ່າເຂົ້າທຳລາຍສວນໝາກໂມ ແລະ ສວນກ້ວຍຂອງປະຊາຊົນ ເສຍຫາຍຈຳນວນໜຶ່ງ.

ຜ່ານການລົງຕິດຕາມ ແລະ ກວດກາ ຄວາມເສຍຫາຍ ຂອງເຈົ້າໜ້າທີ່ຂອງບ້ານ ສາມາດປະເມີນຜົນເສຍຫາຍປະມານ7 ລ້ານກ່ວາກີບ. ໃນນັ້ນ ມີ 2 ຄອບຄົວໄດ້ຮັບຄວາມເສຍຫາຍຄື: ຄອບຄົວ ທ້າວ ພົມມາ ແລະ ຄອບຄົວ ທ້າວ ຄຳຕັນ ໄຊຍະຈັກ ເຊິ່ງເປັນປະຊາຊົນພາຍໃນບ້ານທາດ ເມືອງວິລະບູລີ ແຂວງສະຫວັນນະເຂດ.