ກອງບັນຊາການຕຳຫຼວດນ້ຳ ແຂວງຢູນນານ ສປ ຈີນ ມອບເຄື່ອງຫ້ອງການໃຫ້ທະຫານແຂວງບໍ່ແກ້ວ

ກອງບັນຊາການຕຳຫຼວດນ້ຳ ແຂວງຢູນນານ ສປ ຈີນ ມອບເຄື່ອງຫ້ອງການໃຫ້ທະຫານແຂວງບໍ່ແກ້ວ

28th July 2020 0 By Admin

ວັນທີ 22 ກໍລະກົດນີ້, ສະ ຫາຍ ພົນຕີ ຢວນຢາພິງ ຫົວໜ້າ ກອງບັນຊາການຕໍາຫຼວດນໍ້າ ແຂວງຢູນນານ ສປ ຈີນ ພ້ອມ ຄະນະ ໄດ້ນຳເອົາວັດຖຸອຸປະກອນ ເຄື່ອງຮັບໃຊ້ຫ້ອງການມາມອບ ໃຫ້ກອງບັນຊາການທະຫານ ແຂວງບໍ່ແກ້ວ, ພິທີດັ່ງກ່າວຈັດຂຶ້ນຢູ່ສູນປະສານງານບ້ານມອມເມືອງຕົ້ນເຜິ້ງ ແຂວງບໍ່ແກ້ວ,
.
ໂດຍການເຂົ້າຮ່ວມ ແລະ ກ່າວ ຮັບຂອງ ສະຫາຍ ພັນເອກ ບຸຸນມີ ພາມີໄຊ ຫົວໜ້າການເມືອງ ກອງ ບັນຊາການທະຫານແຂວງບໍ່ ແກ້ວ ພ້ອມຄະນະ, ເຄື່ອງທີ່ນຳ ມາມອບໃນຄັ້ງນີ້ປະກອບມີ: ລະ ບົບໄຟຟ້າແສງຕາເວັນຈຳນວນ 15 ຊຸດ, ຕຽງເຫຼັກ 150 ໜ່ວຍ, ຕູ້ໃສ່ເຄື່ອງ 126 ໜ່ວຍ,
.
ຕັ່ງນັ່ງ ໃນຫ້ອງການ 40 ໜ່ວຍ, ຕັ່ງ ນັ່ງ ໃນຫ້ອງອາຫານ 85 ໜ່ວຍ ແລະ ຕັ່ງເຫຼັກນ້ອຍ 50 ໜ່ວຍລວມ ມູນຄ່າທັງໝົດ 455.000.000 ກີບ. ໂອກາດນີ້ ສະຫາຍ ພັນເອກ ບຸຸນມີ ພາມີໄຊ ຕາງໜ້າຄະນະ ພັກ-ຄະນະບັນຊາກອງບັນຊາ ການທະຫານແຂວງບໍ່ແກ້ວ ສະແດງຄວາມຮູ້ບຸນຄຸນ ແລະ ຂອບໃຈມາຍັງສະຫາຍ ພົນ ຕີ ຢວນຢາພິງ ຫົວໜ້າກອງບັນ ຊາການຕຳຫຼວດນ້ຳ ແຂວງຢູນ ນານ ສປຈີນ ພ້ອມ ຄະນະ ທີ່ໄດ້ ເປັນຫ່ວງເປັນໃຍເຫັນໄດ້ເຖິງ ຄວາມຈຳເປັນຂອງກົມກອງພວກ ເຮົາ ຈຶ່ງໄດ້ນໍາເອົາເຄື່ອງຮັບໃຊ້ ຫ້ອງການມາມອບໃຫ້ໃນຄັ້ງນີ້,
.
ພ້ອມທັງກ່າວວ່າ ຈະນໍາເອົາເຄື່ອງ ດັ່ງກ່າວໄປໝູນໃຊ້ເຂົ້າໃນວຽກ ງານຕົວຈິງ ໃຫ້ເກີດປະໂຫຍດ ສູງສຸດ. ທັງນີ້, ກໍເພື່ອເປັນການ ເສີມຂະຫຍາຍສາຍພົນພັນຮ່ວມມື ລະຫວ່າງ 2 ຊາດ 2 ກອງທັບ ເວົ້າສະເພາະ ກໍຄືກອງບັນຊາ ການຕຳຫຼວດນ້ຳ ແຂວງຢູນນານ ສປຈີນ ກັບ ກອງບັນຊາການທະ ຫານແຂວງບໍ່ແກ້ວ ໃຫ້ນັບມື້ແໜ້ນ ແຟ້ນເລິກເຊິ່ງ.

ໂດຍ: ວໍລະສິດ ພິດສະຫາຍ.