ເດັກຊາຍອາຍຸ 6 ປີ ກໍາເງິນຄ່າເຂົ້າໜົມຊ່ວຍລູກໄກ່ທີ່ບາດເຈັບ ຊື່ນຊົມທັງໂຊຊຽວ

ເດັກຊາຍອາຍຸ 6 ປີ ກໍາເງິນຄ່າເຂົ້າໜົມຊ່ວຍລູກໄກ່ທີ່ບາດເຈັບ ຊື່ນຊົມທັງໂຊຊຽວ

28th July 2020 0 By Admin

ຊາວເນັດຊື່ນຊົມທັງໂຊຊຽວ ເຮັດດີຕ້ອງຍົກຍ່ອງ ເດັກຊາຍອາຍຸ 6 ປີ ກໍາເງິນຄ່າເຂົ້າໜົມຊ່ວຍລູກໄກ່ທີ່ບາດເຈັບ

ເລື່ອງລາວນີ້ກາຍເປັນກະແສໄປທົ່ວອິນເຕີເນັດ ສ້າງຄວາມຮູ້ສືກຊື່ນຊົມ ແລະ ອົບອຸ່ນໃຈຂື້ນໃນຫົວໃຈຊາວໂຊຊຽວຫຼາຍໆຄົນເພາະຜູ້ບາດເຈັບຄືລູກໄກ່ຕົວນ້ອຍ ສ່ວນຜູ້ກໍ່ເຫດບໍໍ່ຕໍາແລ້ວໜີຄື ເດັກຊາຍອາຍຸ 6 ປີ

ເມື່ອບໍ່ດົນມານີ້ເວັບໄຊທ໌ຕ່າງປະເທດໄດ້ລາຍງານວ່າ ທີ່ເມືອງໄຊຣາງ ລັດມິໂຊຣຳ ປະເທດອິນເດຍ ມີເດັກຊາຍອາຍຸ 6 ປີທີ່ມີຊື່ວ່າ ດິເຣັກ ລານຈັນຫິມະ ໂດຍໃນວັນເກີດເຫດ ດິເຣັກຂີ່ລົດຖີບຫຼິ້ນຢູ່ແຖວໜ້າບ້ານແລ້ວເຜີໄປຕໍາລູກໄກ່ຕົວໜຶ່ງຂອງເພື່ອນບ້ານເຂົ້າເຕັມໆໜຸ່ມນ້ອຍຕົກໃຈແຮງຟ້າວອຸ້ມລູກໄກ່ທີ່ບໍ່ເໜັງຕີງເຂົ້າໄປໃນເຮືອນໃຫ້ພໍ່ແມ່ເບິ່ງ ແລະ ເອີ່ຍປາກຂໍໃຫ້ພໍ່ແມ່ພາມັນໄປຫາໝໍ ເມື່ອ ທິຣາດຜູ້ເປັນພໍ່ໄດ້ຍິນແບບນັ້ນກໍ່ບອກໃຫ້ລູກຊາຍພາໄປເອງ ຊຶ່ງລາວບໍ່ໄດ້ຄິດວ່າລູກລາວຈະເຮັດແທ້ຄືລາວບອກ


ດິເຣັກແລ່ນອອກຈາກເຮືອນຄາບລົດຖີບຄູ່ໃຈຂອງລາວ ແລະ ລາວບໍ່ລືມທີ່ຈະຖືເງິນໄປເປັນຄ່າຮັກສານໍາ ລາວຂີ່ລົດຖີບພາລູກໄກ່ທີ່ຕາຍແລ້ວໄປໂຮງໝໍດ້ວຍນໍ້າຕານອງໜ້າ ຂໍໃຫ້ໝໍຊ່ວຍຮັກສາລູກໄກ່ນ້ອຍ ແຕ່ລາວກໍ່ກັບເຮືອນດ້ວຍຄວາມຜິດຫວັງ
ເດັກຊາຍເລົ່າໃຫ້ພໍ່ແມ່ຟັງວ່າ ໝໍທີ່ໂຮງໝໍໄດ້ແຕ່ຍົກໂທລະສັບຂື້ນມາຖ່າຍຮູບລາວໄວ້ ແລະ ບໍ່ຍອມຊ່ວຍລູກໄກ່ເລີຍ ແຕ່ລາວໃຫ້ສັນຍາກັບພໍ່ວ່າຈະຕ້ອງຊ່ວຍລຸກໄກ່ໃຫ້ໄດ້ ແລະ ຕັ້ງໃຈພາມັນກັບໄປໂຮງໝໍອີກຄັ້ງ


ພໍ່ແມ່ຈື່ງຕ້ອງອະທິບາຍໃຫ້ລູກຊາຍຟັງວ່າໝໍບໍ່ສາມາດຊ່ວຍລູກໄດ້ນີ້ໄດ້ ເພາະມັນຕາຍແລ້ວ ດ້ວຍເຫດຜົນນີ້ທາງດຽວທີ່ສາມາເຮັດໄດ້ຄືນໍາຊາກລູກໄກ່ໄປຝັງໃນດິນ ເດັກຊາຍເສົ້າຫຼາຍແຕ່ກໍ່ເຂົ້າໃຈ ແລະ ຍອມຮັບສິ່ງທີ່ເກີດຂື້ນ ໂດຍທິຣາດ ກ່າວວ່າລູກຊາຍຂອງລາວເປັນເດັກດີຮູ້ຄວາມ ແລະ ມັກເຮັດໃນສິ່ງທີ່ແຕກຕ່າງຈາກເດັກຄົນອື່ນສະເໝີ

.
ພາບຂອງເດັກຊາຍໄຮ້ດຽງສາຍືນຢູ່ຕໍ່ໜ້າໂຮງໝໍມື້ຊ້າຍກໍາຊາກລູກໄກ່ ແລະ ມືຂວາກໍ່ຖືເງິນ 10 ຣູປີ ຊື່ງທຽບກັບເງິນລາວປະມານ 1000 ກີບ ໄດ້ຖືກໂພດແຊລົງສັງຄົມໂລກອອກລາຍ ແລະ ກາຍເປັນໂພດທີ່ຄົນແຊກັນໄປທົ່ວຊາວເນັດຕ່າງກໍ່ເອັນດູຄວາມໜ້າຮັກຂອງດິເຣັກ ແລະ ປະທັບໃຈຈິດໃຈຂອງລາວ ທີ່ເຮັດສັດບາດເຈັບແລ້ວບໍ່ໜີ ສະແດງຄວາມຮັບຜິດຊອບ ແລະ ພະຍາຍາມຊ່ວເຫຼືອມັນຢ່າງເຕັມທີ່ ເຊິ່ງເປັນສິ່ງທີ່ໜ້າຊື່ນຊົມທີ່ສຸດ


ທາງໂຮງຮຽນອະນຸບານຂອງດິເຮັກກໍ່ໄດ້ຍິນຂ່າວຂອງລາວເຊັ່ນດຽວກັນ ແລະ ລ່າສຸດເມື່ອວັນທີ 4 ເມສາ ທີ່ຜ່ານມາທາງໂຮງຮຽນໄດ້ມອບໃບຍ້ອງຍໍໃຫ້ກັບດິເຣັກເພື່ເປັນລາງວັນຕອບແທນຄວາມດີທີ່ລາວພະຍາຍາມຊ່ວຍເຫຼືອລູກໄກ່ທີ່ບາດເຈັບຍ້ອນຕົນເອງຢ່າງເຕັມທີ່ ເຖິງວ່າສຸດທ້າຍລູກໄກ່ຈະຕາຍຈາກໄປແຕ່ຄວາມດີໃນຫົວໃຈຂອງເດັກຊາຍກໍ່ເປັນສິ່ງທີ່ສົມຄວນໄດ້ຮັບການຍ້ອງຍໍ
ດິເຣັກຍືນຖືໃບຍ້ອງຍໍດັ່ງກ່າວດ້ວຍຮອຍຍິ້ມເຊື່ອວ່າລາວຄົງດີໃຈທີ່ໄດ້ໃບຍ້ອງຍໍນີ້ ແລະ ເໜືອສິ່ງອື່ນໃດກໍ່ຄືພໍ່ແມ່ຂອງລາວຄົງພູມໃຈໃນຕົວລູກຊາຍຄົນນີ້ແນ່ນອນ