ການນຳພັກ-ລັດ ແລະ ມວນຊົນ ຮ່ວມໃສ່ບາດໃນງານສະເຫຼີມສະຫຼອງຮູບປັ້ນພະເຈົ້າໄຊເສດຖາທິລາດ ຊົງຊ້າງ

ການນຳພັກ-ລັດ ແລະ ມວນຊົນ ຮ່ວມໃສ່ບາດໃນງານສະເຫຼີມສະຫຼອງຮູບປັ້ນພະເຈົ້າໄຊເສດຖາທິລາດ ຊົງຊ້າງ

26th July 2020 0 By Admin

ພິທີໃສ່ບາດຖວາຍສັງຄະທານ ແດ່ພະສົງ-ສາມະເນນ ເນື່ອງໃນ ໂອກາດງານສະເຫີຼມສະຫຼອງ ຮູບປັ້ນເໝືອນ ເຈົ້າໄຊເສດຖາທິ ລາດ ຊົງຊ້າງ ໄດ້ຈັດຂຶ້ນ ໃນວັນ ທີ 26 ກໍລະກົດ 2020 ນີ້, ຢູ່ທີ່ຫໍ ທຳມະສະພາ, ວັດພະທາດຫຼວງ, ນະຄອນຫຼວງວຽງຈັນ, ໂດຍມີ ທ່ານ ຈູມມະລີ ໄຊຍະສອນ ອະ ດີດປະທານປະເທດ, ພ້ອມດ້ວຍ ບັນດາທ່ານລັດຖະມົນຕີ, ຮອງລັດ ຖະມົນຕີ ແລະ ມວນຊົນຊາວນະ ຄອນຫຼວງວຽງຈັນ ຈຳນວນຫຼວງ ຫຼາຍເຂົ້າຮ່ວມ.

ການຈັດງານບຸນໃນຄັ້ງນີ້ ເພື່ອ ອຸທິດບຸນກຸສົນ ແລະ ສະແດງເຖິງ ຄວາມກະຕັນຍູຮູ້ບຸນຄຸນຕໍ່ບັນ ພະບຸລຸດ ໂດຍສະເພາະພະເຈົ້າ ໄຊເສດຖາທິລາດ ວິລະກະສັດຜູ້ອົງອາດກ້າແກ່ນ,​ ພະອົງເປັນກະ ສັດອົງໜຶ່ງທີ່ມີຄຸນງາມຄວາມດີ ຕໍ່ປະເທດຊາດບ້ານເມືອງ, ເປັນຜູ້ ນຳພາສ້າງບ້ານແປງເມືອງ ເປັນ ຕົ້ນແມ່ນການສະຖາປະນານະ ຄອນຫຼວງວຽງຈັນ ເປັນນະຄອນ ຫຼວງຂອງປະເທດ, ສ້າງພະທາດ ຫຼວງວຽງຈັນ, ພະພຸດທະຮູບ, ວັດວາອາຣາມ ແລະ ສະຖານບູ ຮານຕ່າງໆ ທີ່ເປັນພື້ນຖານທາງ ດ້ານວັດທະນະທຳຂອງປະເທດ ຊາດ ແລະ ພຸດທະສາສະໜາ ສືບ ທອດມາເຖິງທຸກວັນນີ້,

ເຊິ່ງຄົນ ຮຸ້ນຫຼັງ ໂດຍສະເພາະແມ່ນຮຸ້ນ ໜຸ່ມ ຈະໄດ້ສຶກສາຮຽນຮູ້, ປົກປັກ ຮັກສາ ແລະ ເສີມຂະຫຍາຍໃຫ້ຮຸ້ນ ຄົນຕໍ່ໄປ. ການໃສ່ບາດຖວາຍສັງຄະ ທານແກ່ພະສົງ-ສາມະເນນ ໃນ ຄັ້ງນີ້ ຖືວ່າເປັນວາລະສຸດທ້າຍ ຂອງງານສະເຫຼີມສະຫຼອງດັ່ງ ກ່າວ ພາຍຫຼັງທີ່ເລີ່ມມາແຕ່ວັນທີ 21-26 ກໍລະກົດ ເຊິ່ງວັນທີ 27 ກໍລະກົດ ຂະບວນຈະໄດ້ເຄື່ອນ ຍ້າຍໄປຄົບງັນ ຢູ່ແຂວງບໍລິຄຳ ໄຊ ຕື່ມອີກ, ຫຼັງຈາກນັ້ນຈຶ່ງຈະ ສືບຕໍ່ໄປຄົບງັນຢູ່ແຂວງຄຳມ່ວນ, ສະຫວັນນະເຂດ, ຈຳປາສັກ ແລະ ແຂວງອັດຕະປືຕາມລຳດັບ.