ມອບ-ຮັບລົດໄຟຟ້າໃຫ້ພະນັກງານເສຍອົງຄະ

ມອບ-ຮັບລົດໄຟຟ້າໃຫ້ພະນັກງານເສຍອົງຄະ

26th July 2020 0 By Admin

ມອບ-ຮັບລົດໄຟຟ້າໃຫ້ພະນັກງານເສຍອົງຄະ.

ໃນວັນທີ 23 ກໍລະກົດ 2020 ນີ້, ສະຫາຍ ພົນຈັດຕະວາ ວຽງ ໄຊ ສົມວິຈິດ ຫົວໜ້າກົມ ວສ-ປສ ການທະຫານ ພ້ອມດ້ວຍຄະນະ ໄດ້ນຳເອົາລົດໄຟຟ້າ ຈໍານວນ 1 ຄັນ ມາມອບໃຫ້ກົມນະໂຍບາຍ ກົມ ໃຫຍ່ການເມືອງກອງທັບ ເພື່ອນໍາ ໄປມອບຕໍ່ໃຫ້ສູນເສຍອົງຄະ 598 ແຂວງຫຼວງພະບາງ. ກ່າວຮັບ ໂດຍສະຫາຍ ພົນຈັດຕະວາ ສີທາ ດວງມາລາ ຫົວໜ້າກົມນະໂຍ ບາຍ ກົມໃຫຍ່ການເມືອງກອງ ທັບ, ມີພະນັກງານສອງພາກສ່ວນ ເຂົ້າຮ່ວມ.

ສະຫາຍ ຫົວໜ້າກົມ ວສ-ປສ ກ່າວວ່າ: ເພື່ອເປັນການຕອບສະ ໜອງຕາມຄວາມຮຽກຮ້ອງຕ້ອງ ການຂອງສູນເສຍອົງຄະ 598 ແລະ ເພື່ອຮັບໃຊ້ໃນຊີວິດປະຈໍາ ວັນຂອງພະນັກງານທີ່ເສຍອົງ ຄະໃຫ້ສະດວກສະບາຍ ດັ່ງນັ້ນກົມ ວສ-ປສ ຈຶ່ງໄດ້ນໍາເອົາລົດໄຟຟ້າ ດັ່ງກ່າວມາມອບໃຫ້ກົມນະໂຍ ບາຍ ເພື່ອນຳໄປໃຫ້ສູນເສຍອົງ ຄະ 598 ເພື່ອໄປນໍາໃຊ້ຢ່າງມີປະ ໂຫຍດ ແລະ ນຳໃຊ້ໄດ້ຍາວນານ ໃນການດຳລົງຊີວິດປະຈໍາວັນ ຂອງພະນັກງານທີ່ເສຍອົງຄະ.

ໃນໂອກາດດັ່ງກ່າວ ສະຫາຍ ພົນຈັດຕະວາ ສີທາ ດວງມາລາ ກໍໄດ້ກ່າວສະແດງຄວາມຂອບໃຈ ຕໍ່ກົມ ວສ-ປສ ການທະຫານ ທີ່ໄດ້ນໍາເອົາລົດໄຟຟ້າມາມອບ ຜ່ານກົມນະໂຍບາຍ ເພື່ອໄປມອບ ຕໍ່ໃຫ້ກັບສູນເສຍອົງຄະ 598 ໃນມື້ນີ້ແມ່ນມີຄຸນປະໂຫຍດ ແລະ ມີຄວາມໝາຍສຳຄັນທີ່ສຸດຕໍ່ ພະນັກງານເສຍອົງຄະ ເພື່ອເປັນ ການຊຸກຍູ້ໃຫ້ກໍາລັງໃຈຜູ້ເສຍອົງ ຄະ, ໄດ້ອໍານວຍຄວາມສະດວກ ໃຫ້ຜູ້ເສຍອົງຄະໃນການເຄື່ອນໄຫວວຽກງານຕ່າງໆ, ທັງເປັນ ການຊ່ວຍແບ່ງເບົາຄວາມລຳ ບາກຂອງຜູ້ເສຍອົງຄະ ແລະ ຄອບ ຄົວຂອງເຂົາເຈົ້າ ແລະ ໃຫ້ຄໍາໝັ້ນ ສັນຍາວ່າຈະນໍາເອົາລົດໄຟຟ້າດັ່ງກ່າວໄປມອບໃຫ້ສູນເສຍອົງຄະ 598 ເພື່ອໃຫ້ຜູ້ເສຍອົງຄະໄດ້ນຳໃຊ້ຕາມວັດຖຸປະສົງ.

ໂດຍ: ຄຳປ໋ອກ