ກົມໃຫຍ່ເສນາ ສະຫຼຸບວຽກງານຮອບດ້ານ 6 ເດືອນຕົ້ນປີ 2020

ກົມໃຫຍ່ເສນາ ສະຫຼຸບວຽກງານຮອບດ້ານ 6 ເດືອນຕົ້ນປີ 2020

22nd July 2020 0 By Admin

ໃນວັນທີ 16 ກໍລະກົດ 2020 ນີ້, ກົມໃຫຍ່ເສນາທິການກອງທັບ ໄດ້ຈັດກອງປະຊຸມສະຫຼຸບຕີລາຄາ ວຽກງານຮອບດ້ານ 6 ເດືອນຕົ້ນ ປີ ແລະ ວາງທິດທາງແຜນການ 6 ເດືອນທ້າຍປີ 2020, ໂດຍການ ເປັນປະທານຂອງ ສະຫາຍ ພົນຕີ ຈັນທອງ ສອນຕະອາດ ກໍາມະ ການຄະນະພັກກະຊວງ, ຮອງ ຫົວໜ້າກົມໃຫຍ່ເສນາທິການ ກອງທັບ, ມີບັນດາຫົວໜ້າກົມ, ຮອງກົມ, ຫ້ອງການ, ພະແນກ ແລະ ອົງການທີ່ຂຶ້ນກັບກົມໃຫຍ່ເສນາທິການ ເຂົ້າຮ່ວມ.

.

ສະຫາຍ ພັນໂທ ສຸດທາ ສີສະ ຫວາດ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບ ຂຶ້ນຜ່ານບົດສະຫຼຸບວຽກງານ ຮອບດ້ານໃນໄລຍະ 6 ເດືອນຕົ້ນ ປີຜ່ານມາ, ເຊິ່ງໄດ້ຍົກໃຫ້ເຫັນ ວຽກງານພົ້ນເດັ່ນ ໂດຍໄດ້ເອົາ ໃຈໃສ່ປະສານສົມທົບກັບກົມໃຫຍ່ ການເມືອງກອງທັບ, ອົງການທີ່ ກ່ຽວຂ້ອງຊີ້ນຳກົມກອງ, ກຳລັງ ຫຼວງ-ກຳລັງທ້ອງຖິ່ນ ເອົາໃຈໃສ່ ໃນວຽກງານຂອງຕົນເຮັດໃຫ້ສະ ພາບມີຄວາມສະຫງົບໂດຍພື້ນ ຖານ, ຈັດຕັ້ງພະນັກງານຫັນລົງກໍ່ສ້າງຮາກຖານຢູ່ບັນດາເຂດຫຼໍ່ ແຫຼມ ແລະ ຈຸດສຸມຢ່າງຕັ້ງໜ້າ ເຮັດໃຫ້ສະພາບມີຄວາມສະຫງົບ, ໄດ້ຊີ້ນຳໂຄງການພັດທະນາເຂດ ຈຸດສຸມ, ໂຄງການສ້າງເສັ້ນທາງ ເຂົ້າຫາເຂດກຸ່ມບ້ານຈຸດສຸມສຳ ເລັດຈຳນວນໜຶ່ງ, ຊຸກຍູ້ຕິດຕາມ ໂຄງການກໍ່ສ້າງເສັ້ນທາງຍຸດທະ ສາດ 20 ໂຄງການ, ເສັ້ນທາງ ເຂົ້າກົມກອງ 9 ໂຄງການ ແລະ ລວບລວມເອກະສານບັນດາໂຄງ ການທີ່ໄດ້ອອກແບບ-ຄິດໄລ່ບັນ ດາພື້ນຖານໂຄງລ່າງຂອງກົມ ກອງ-ທ້ອງຖິ່ນສຳເລັດຈຳນວນ ໜຶ່ງ, ຊີ້ນຳໜ່ວຍງານກວດກູ້ລະ ເບີດໃຫ້ແກ່ໂຄງການກໍ່ສ້າງຕ່າງໆ

ເຊັ່ນ: ເສັ້ນທາງລົດໄຟ ລາວ-ຈີນ, ເນື້ອທີ່ກວດກູ້ 14,88 ເຮັກຕາ, ພົບສີ້ນສ່ວນລະເບີດ 1.439 ອັນ, ໂຄງການກວດກູ້ລະເບີດລາວ-ຣັດເຊຍ ຢູ່ທົ່ງໄຫຫີນແຂວງຊຽງ ຂວາງ, ເນື້ອທີ່ກວດກູ້ 10,15 ເຮັກ ຕາ, ພົບລະເບີດບໍ່ທັນແຕກ 1.560 ໜ່ວຍ, ສີ້ນສ່ວນລະເບີດ 59.170 ອັນ, ສີ້ນສ່ວນໂລຫະຕ່າງໆ 689.270 ອັນ,

.

ນອກນັ້ນຍັງໄດ້ ຊີ້ນຳຊຸກຍູ້ການຈັດຕັ້ງປາຖະກະ ຖາເລົ່າຄືນມູນເຊື້ອຂອງພັກ, ຂອງຊາດ, ຂອງກອງທັບ, ເຊື່ອມ ຊຶມເອກະສານມະຕິຄຳສັ່ງ, ຂໍ້ ກຳນົດກົດລະບຽບໃຫ້ນາຍ ແລະ ພົນທະຫານຢູ່ອົງການ-ກົມກອງ ທົ່ວກົມໃຫຍ່ເສນາທິການກອງ ທັບ 3 ຄັ້ງຈຳນວນພົນເຂົ້າຮ່ວມ 1.478 ສະຫາຍ, ຈັດຕັ້ງຂະບວນການແຂ່ງຂັນກີລາມວນຊົນ ແລະ ຂະບວນການແຂ່ງຂັນອື່ນໆໄດ້ 16 ກົມກອງ,

.

ສຳເລັດກອງປະຊຸມ ໃຫຍ່ ຄັ້ງທີ VI ຂອງຄະນະພັກ ອົງການກົມໃຫຍ່ເສນາທິການ ກອງທັບ ແລະ ທາບທາມບຸກຄ ະລາ ກອນລົງຮັບສະໝັກເລືອກຕັ້ງເຂົ້າ ເປັນຄະນະພັກກະຊວງປ້ອງກັນ ປະເທດ ສະໄໝທີ V, ເປີດຮຽນສະ ໜັບສະໜູນກົດລະບຽບພັກໄດ້ 118 ສະຫາຍ, ຂະຫຍາຍມະຫາ ຊົນເຂົ້າພັກສຳຮອງໄດ້ 98 ສະ ຫາຍ, ເລື່ອນຂຶ້ນສົມບູນໄດ້ 100 ສະຫາຍ, ປະກາດແຕ່ງຕັ້ງສັບ ຊ້ອນພະນັກງານຂັ້ນຄະນະກົມ, ຫົວໜ້າ-ຮອງຫົວໜ້າຂັ້ນຕ່າງໆຢູ່ບັນດາກົມກອງໄດ້ 51 ຕຳແໜ່ງ, ຮັບການເລື່ອນຊັ້ນແຕ່ຮ້ອຍຕີ-ພັນ ເອກ 476 ສະຫາຍ, ເລື່ອນທຽບ ຊັ້ນ 265 ສະຫາຍ, ຈັດສົ່ງພະນັກ ງານໄປບຳລຸງກໍ່ສ້າງຢູ່ພາຍໃນ ແລະ ຕ່າງປະເທດ 14 ສະຫາຍ.

.

ພ້ອມນັ້ນ, ກອງປະຊຸມບັນດາຄະ ນະພັກ-ຄະນະບັນຊາກົມກອງໄດ້ພ້ອມກັນປະກອບຄຳຄິດຄຳ ເຫັນຢ່າງກົງໄປກົງມາ ແລະ ມີ ເນື້ອໃນສົມບູນຄົບຖ້ວນ, ຈາກນັ້ນ ສະຫາຍ ພັນໂທ ເທບພະພອນ ຫອມດີ ຮອງຫົວໜ້າຫ້ອງການ ເມືອງ ກົມໃຫຍ່ເສນາທິການກອງ ທັບ ໄດ້ຂຶ້ນຜ່ານມະຕິຕົກລົງຂອງ ຄະນະພັກກະຊວງປ້ອງກັນປະເທດ ວ່າດ້ວຍ ການຮັບຮອງເອົາໜ່ວຍ ພັກທີ່ຂຶ້ນກັບຄະນະພັກອົງການ ກົມໃຫຍ່ເສນາທິການ ເປັນໜ່ວຍ ພັກປອດໃສ, ເຂັ້ມແຂງ, ໜັກແໜ້ນ ຈຳນວນ 90 ໜ່ວຍພັກ, ໃນນັ້ນ ໄດ້ມອບໃບຢັ້ງຢືນໜ່ວຍພັກປອດ ໃສ, ເຂັ້ມແຂງ, ໜັກແໜ້ນ ປະຈຳ ປີ 2019 ຈຳນວນ 17 ໜ່ວຍພັກ.

ໂດຍ: ແສງສຸລີ ພົມມະຈັກ