ເລີ່ມສໍາຫຼວດອີກຮອບ! ຖໍ້າຜາກ້າ ຄາດຈະເປັນຖໍ້າທີ່ໃຫຍ່ທີ່ສຸດ ແລະ ສວຍງາມທີ່ສຸດ ໃນປະເທດລາວ

ເລີ່ມສໍາຫຼວດອີກຮອບ! ຖໍ້າຜາກ້າ ຄາດຈະເປັນຖໍ້າທີ່ໃຫຍ່ທີ່ສຸດ ແລະ ສວຍງາມທີ່ສຸດ ໃນປະເທດລາວ

21st July 2020 0 By Admin

ເລີ້ມການສໍາຫຼວດອີກຮອບ!!!

ໃນວັນທີ 17 ກໍ​ລະ​ກົດ 2020 ທີມງານ ຈາກພະແນກຖະແຫຼງຂ່າວ ວັດທະນາທໍາ ແລະ ທ່ອງທ່ຽວ ແຂວງວຽງຈັນ ຮ່ວມກັບ ອໍານາດການປົກຄອງທ້ອງຖິ່ນ, ໄດ້ສຳເລັດພາລະກິດເບື້ອງຕົ້ນຂອງການລົງສຳຫລວດຖໍ້າຜາກ້າ ບ້ານນໍ້າເຟືອງ ເມືອງແມດ ແຂວງວຽງຈັນ, ຊຶ່ງຄາດວ່າຈະເປັນຖໍ້າທີ່ໃຫຍ່ທີ່ສຸດ ແລະ ສວຍງາມທີ່ສຸດ ໃນປະເທດລາວ !!!

.

ຖ້ຳຜາກ້າຕັ້ງຢູ່ບ້ານນໍ້າເຟືອງ,​ ເມືອງ ແມດ ແຂວງວຽງຈັນ​ ມີຄວາມສູງ 120 ແມັດ, ກ້ວາງ​ 400 ເເມັດ ແລະ ຍາວ 8 ກິໂລແມັດ. ໃນໄລຍະຜ່ານມາ ໄດ້ມີ ຊ່ຽວຊານຍີ່ປຸ່ນຮ່ວມກັບພະນັກງານຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງແມດ ແຂວງ ວຽງຈັນ ໄດ້ໃຊ້ເວລາປີກວ່າໃນການ ລົງສຳຫຼວດຖໍ້າຜາກ້າທີ່ຕັ້ງຢູ່ບ້ານ ນໍ້າເຟືອງ ແລະ ເຊື່ອວ່າຖ້ຳດັ່ງກ່າວອາດ ຈະເປັນຖ້ຳທີ່ໃຫຍ່ທີ່ສຸດໃນປະເທດ ລາວ.

.

ຖໍ້າຜາກ້າຢູ່ຫ່າງຈາກເທດສະບານ ເມືອງແມດປະມານ 12 ກິໂລແມັດ ແລະ ຕ້ອງໄດ້ຂີ່ເຮືອຂ້າມແມ່ນໍ້າເຟືອງ ໄປປະມານ 33 ກິໂລແມັດ ເພື່ອໄປ ຫາຖໍ້າດັ່ງກ່າວ.

FM 90